2019 夏。令和元年の旅。大阪。難波Parks (Namba Parks) 。HARBS。水果千層蛋糕
來自名古屋的HARBS, 係我地每次去大阪都想再次到訪的餐廳, 已經唔太記得食過幾多次了~
HARBS最出名的招牌水果千層蛋糕, 實在係百吃不膩, 除左水果千層蛋糕, 最吸引的係仲有季節限定的各款精美蛋糕~~~~
我地每次食都係在難波Park的分店, 反而無在名古屋食過, 下次到訪名古屋時, 一定要將名古屋的HARBS本店放入行程~!!!
另外, 如果大家剛剛在上午11點到下午3點的午餐時間到訪, 十分推薦大家點HARBS的Lunch Service 午餐套餐
Lunch Set包括有意大利粉, 沙律及飲品, 而且仲加上半份蛋糕, 只需要1600yen, 真係超值~!!
商場難波Parks 就在南海電鐵難波駅的旁邊
HARBS難波店就在難波Parks 的3樓
另外, 心齋橋大丸百貨北館3樓都有分店
我地到達時, 店舖剛開門不久, 所以未有其他客人
但坐左唔夠十分鐘, 就已經坐滿左一半~
HARBS的Lunch Set 1600 yen/set
一份意大利粉、沙律、是日蛋糕半份、飲品(可選擇紅茶、咖啡或果汁)
是日蛋糕通常有3款供給選擇, 雖然蛋糕只有半份, 但有時係可以選擇招牌水果千層蛋糕的, 視乎當天的配搭
注意: HARBS的蛋糕櫥櫃係唔可以影相的, 所以影唔到櫥櫃裡的蛋糕特寫，咁就唯有影下個蛋糕餐牌吧~
沙律的份量中等, 新鱗的蔬菜搭配微酸口味的醬汁，十分清爽開胃
午餐套餐可以任意選擇一份意大利粉, 通常有4種口味可以選擇, 另外加一種季節限定的口味
小女子同狂人弟一人叫左一款唔同口味的
西蘭花白汁雞肉意大利粉
菠菜煙肉意大利粉
意大利粉十分大碟, 真材實料份量大, CP值頗高, 十分抵食!!
食完主菜, 就黎到最期待的蛋糕喇~!!(其實蛋糕先王係小女子的主菜^O^)
是日午餐可以選擇的蛋糕有三款，我地就當然一人點一款唔同口味的
雖然套餐係寫跟半份蛋糕, 但其實每次都覺得比半份再小一點~~~~Anyway~~~~
期間限定的Cherry Cheese Souffle 櫻桃芝士梳乎里蛋糕
起初都有點猶豫, 因櫻桃的口味好多時會有點藥水的感覺, 但竟然一點藥水味都無, 原本櫻桃同芝士係咁match~!! 最上層係梳乎里, 中間就係芝士口味的海綿蛋糕, 經過烹調的櫻桃 就在最底層
呢款蛋糕出乎意料地好味~!!
Banana Cream Pie 香蕉忌廉批
忌廉唔係普通的忌廉, 而係微帶朱古力口味的忌廉, 加上朱古力醬
香蕉同朱古力係甜品界的絕配(正如抹茶&紅豆), 所以只能夠以"無得輸"去形容~!!!
就係咁就滿足?!?!當然唔係啦~!!
所以狂人弟每次黎都會再單點HARBS必點的Mille Crepes水果千層蛋糕 880yen
呢款係狂人弟個人至愛的蛋糕, 水果千層蛋糕內的水果會隨著季節而有少許的變化
新鮮的水果加上綿滑的忌廉，一層一層的, 口感十分豐富！
呢款招牌蛋糕的單點價格越來越高, 雖然單價係高一點，但其實單件的份量都很大，食材亦很豐富!!
HARBS (難波Parks店)
營業時間: 11:00-21:00 (last order: 20:30)
官方網址: http://www.harbs.co.jp/harbs/
.jpeg)
留言
張貼留言