2019 夏。令和元年の旅。大阪人氣美食大集合。難波心齋橋道頓堀必吃餐廳甜品小食
日本的美食層出不窮, 應有盡有, 吸引世界各地的遊客前往去品嚐
而香港人喜愛日本的程度就更加不容置疑, 近日日本有調查顯示, 訪日最頻繁旅客的第一位就係香港人喇~!!相信香港人除左去日本瘋狂購物之外, 緊係去瘋狂食啦~!!!
我地每次去日本都會懷著食到飽到嘔的決心😆 一日食得幾多餐就幾多餐, 慕求在有限的時間食無限的東西😂
小女子同狂人弟年年都去(返)大阪, 大阪的美食多就不在話下, 難波心齋橋及道頓堀一帶係遊客必到的地區, 除左各頖型店舖、藥妝店林立的購物熱點之外, 亦係大阪美食的集中地
有啲餐廳/食物我地兩個係次次到訪大阪都會去/食的, 就係呢篇文章介紹下我地常食及推介的美食吧~
自由配搭的美味海鮮丼--若狹家
若狹家係狂人弟每次去到必食的item, 通常我地到埗後第一餐就去食
我地之前都係去位於道頓堀的難波店, 今次就去左千日前的南海なｈば店
本身店家已經有不同配搭的海鮮丼給食客選擇
食客亦可以自由配搭, 配搭出專屬自己的海鮮丼
其實我地每次到若狹家基乎都會揀返一樣的配搭~~
小女子會點人氣的配搭--三文魚籽、海膽、吞拿魚碎3色飯, 而狂人弟就必點海膽三文魚籽飯, 仲要係DX size~!!! (DX size: 特大)
食材新鮮、味道鮮甜、份量充足, 價錢亦合理~!!
若同行的友人唔食生野, 咁點算呢??
若狹家都有提供熟食, 例如: 鰻魚飯、牛肉飯、柴魚湯烏冬等等
之前的介紹文章:
宵夜之選, 外脆內軟食極都唔厭的餃子--大阪王將
大阪王將係另一間我地次次都會幫趁的餐廳, 有時仲會在同一個旅程重覆食~
必點的餐點當然係餃子啦~!!!外脆內軟, 內餡充滿肉汁, 加埋醬油+辣油, 超yummy!! ~~諗起都想食😋
若唔食其他東西, 小女子應該可以一次過食兩客, 即12隻~價錢方便, 好似一客6隻餃子260yen~
而大阪王將的炒飯, 外表雖然普普通通, 無咩特別的材料, 但真係估唔到的好食!!唔通係因為日本米同日本水的關係😙
注意: 大阪王將的餐廳內並無分開吸煙區與非吸煙區, 所以我地通常都唔會選擇堂食, 而喜歡買外賣返酒店房慢慢食
超濃郁豬骨湯底拉麵--一蘭
相信大家對一蘭拉麵一啲都唔陌生, 以前係大家到日本必食的東西, 現在香港都已經有分店喇~
一蘭的分店遍佈日本, 難波地區已經有兩間分店, 下圖係近千日前商店街的道頓堀別館, 仲有道頓堀本館在道頓堀果條河的激安之殿堂隔離
與一般拉麵店一樣, 先用自動售賣機買食物劵, 店員就會安排入座
一格格好似自修室的座位就係一蘭的特色, 若幾人同行, 可自行打位與位之間的隔板打開
呢間道頓堀別館仲有另一類座位, 就係福岡屋台文化屋台座位
坐好後, 就把剛才買的食物劵及填寫好的喜好表(湯的濃度、麵條的硬度、配料的選擇: 是否需要辣椒醬、小蔥、大蔥或走蔥、大蒜的多少)放在枱的前方, 再按鈴, 店員就會收取
若食完仲想encore的話, 就可填寫在枱右方的追加單
把所需的金額一齊交給店員
店內有售賣拉麵連湯包, 亦有即食麵版本, 讓大家可以在家享受一蘭的美味
售賣價一律係2000yen 5包
創業於1960年, 來自九州的一蘭, 湯底當然係濃豬骨湯底, 湯底豬骨味濃郁但不死咸(小女子選擇的係普通濃度的湯底)
拉麵係幼細的麵條, 麵條硬度剛好, QQ的
一蘭的分店都係24小時營業的, 行完街或夜晚訓唔著都可以去食碗拉麵啊~
推介大家黎呢間5層高近千日前商店街的道頓堀別館, 2及3樓係一格一格的座位, 4及5樓就係屋台座位
最點係呢間分店因為多座位, 就算遇上人多的時候, 都唔洗等候太耐^^
一蘭官方網址: https://ichiran.com/shop/
超大碗本地人光顧的烏冬店--つるとんたん麺匠の心つくし
遊客如我們, 大部分都集中在道頓堀及心齋橋一帶搵食, 原來從道頓堀行前少少的宗右衛門町就有一間不錯的美食
呢間烏冬店大部分幫趁的都係當地人, 而我地就係由在日港人帶我地黎的
呢度的其中一個特色就係"大"~!!碗大、匙羹大, 每碗烏冬都係超巨型~!!!
但絕唔係得個大字, 食物係有質數的~!!
柴魚高湯的鍋燒烏冬, 料都超級豐富: 天婦羅蝦、雞肉、金菇、菜、大蔥、星鰻、日式魚旦、冬菇、半熟雞蛋
非常大隻的天婦羅蝦
咖哩豬排烏冬及奶油烏冬
仲有好多款不同種類的烏冬, 冷的、熱的、辣的.....任君選擇
喜愛食烏冬的要試試啊~
溫馨提示: 盡量避免食飯時間前往, 因為都幾多人~~~
宗右衛門町營業時間: 10:30-8:00(翌日)
つるとんたん麺匠の心つくし官方網址: http://www.tsurutontan.co.jp/
之前的介紹文章:
好喇~講完餐廳, 就介紹下小食及甜品啦~^^
関西B級美食黃色雞仔炸雞--金のとりから
起源於京都的金のとりから, 使用的係日本的國產雞肉, 已經成為左我地每次必定會食的街頭小食
我地幫趁的係難波戎橋店, 店面就係咁大, 一眼睇晒
最受歡迎的美食當然係招牌炸雞啦~!!炸雞分為Single(260yen)、Double(500yen)及Mega(1000yen) 三種size
由於係即叫即炸, 所以落完order俾完錢後, 大概要等數分鐘
店舖外的枱上有不同的汁醬及調味粉, 檸檬汁、辣汁、蕃茄汁、芝士粉、七味粉等等, 可以隨便加
小女子同狂人弟都覺得其實唔洗加任何調味, 炸雞已經好好味, 因為炸雞自己本身已經有調味
炸雞係無皮的雞胸條, 雖然係雞胸肉, 但雞肉仍然鮮嫩多汁, 外皮酥脆, 而且一啲都唔油膩, 好好食!!!
溫馨提示: 放入口時要小心燙咀
另外, 要在店外食完先好繼續逛街呀!!唔好一邊行一邊食呀^^
難波戎橋店營業時間: 平日:12:00-22:30, 星期六、日、假期:11:00-22:30
金のとりから官方網址: http://www.kinnotorikara.jp/
超人氣半熟芝士蛋糕--Pablo
Pablo最出名的就係佢的招牌半熟芝士蛋糕, 每天都吸引長長的人龍~
呢間係位於心齋橋的分店, 道頓崛店已經結業......
但最吸引小女子的並唔係Pablo的招牌半熟芝士蛋糕, 而係Pablo的期間限定系列^^
在不同的季節或節日, Pablo都會推出各款的期間限定產品~
今年的5月到訪時就有呢款--伯爵茶焦糖蘋果芝士撻 2000yen
中間部分係用焦糖煮過的青森蘋果, 外面圍著伯爵茶忌廉, 裡面就係Pablo的招牌半熟芝士
小女子認為呢個季節限定可以話係期間限定系列之中的頭一二位~!!! 原因之一係小女子係茶控喇~~
Pablo係我地每次必去的店, 所以已經試過好多唔同Pablo的產品
係度就唔多介紹啦, 詳情可參閱以往的文章~(拉向下有連結^^)
除左甜品以外, 心齋橋分店仲有各口味的奶昔
呢度仲有個遊客限定的甜品~~~
Pablo心齋橋分店營業時間: 10:00-22:30
Pablo官方網址: https://www.pablo3.com/
之前的介紹文章:
另一排長龍店, 鬍鬚叔叔芝士蛋糕--Rikuro
呢間係位於戎橋筋商店街的難波本店, 戎橋筋商店街十分熱鬧, 但你絕對唔會錯過Rikuro, 因為從遠處已經可以聞到芝士蛋糕的香氣, 而且會聽到搖鈴的聲響
當新鮮焗好的芝士蛋糕出爐時, 店員就會搖起搖鈴
難波本店有店內用餐的地方, 但多數的顧客同我地一樣都係外賣, 返酒店慢慢享用~甚至有啲遊客會買黎做手信, 蛋糕的嚐味期限3天, 要留意啊~!!
鬍鬚叔叔芝士蛋糕係輕芝士蛋糕, 鬆軟綿密、略帶芝士味、底層有葡萄乾
對較喜歡濃厚芝士的小女子同狂人弟黎講, Rikuro就唔係我地的甜品list首選
但喜愛輕芝士或日式芝士蛋糕的朋友們, 絕對係必食的美食~!!而且價格仲十分親民呢~^^
難波本店營業時間: 9:30-21:30
Rikuro官方網址: http://www.rikuro.co.jp/
之前的介紹文章:
人氣必食水果千層蛋糕--Harbs
在甜品界出晒名的Harbs, 大家都係為著一嚐招牌水果千層蛋糕而冒名而來~
我地每次都係去位於難波City 3樓的分店, 心齋橋大丸百貨北館3樓都有分店
Harbs其實起源於名古屋~~~
溫馨提示: 門口的櫥窗係唔可以影相的~
就係佢喇~!!招牌水果千層蛋糕
多層的薄餅皮, 配上每層不同新鮮的水果, 再加上甜而不膩的奶油, 真的令人一食想再食~😋
蛋糕的價位比較高, 一件水果千層蛋糕 880yen (貴過一整個Rikuro鬍鬚叔叔芝士蛋糕)
Harbs的其他蛋糕都好吸引嫁~(手繪餐牌好美啊^^)
好多人都會選擇去Harbs食個tea, 嚐嚐千層水果蛋糕
提提大家, 最低消費需要每人order一杯飲品~
除左可以去Harbs食個tea之外, 小女子推介大家去食午餐~
Harbs的 lunch set 好抵, 沙律、意粉、飲品, 仲有一少件每日精選的蛋糕, 只係1600yen
而且每日精選蛋糕有3款可以選擇, 而當中一定有招牌千層水果蛋糕
跟餐的沙律一啲都唔求其, 十分新鮮的蔬菜
Harbs的意粉都好好食嫁, 呢個係西蘭花雞肉忌廉意粉
當然lunch set 的跟餐係比較細件, 唔夠的話, 可以另外order多件正在size的蛋糕
(我地每次都會咁做~~~shu~~~😂)
難波City分店營業時間: 11:00-21:00 (最後點餐時間:20:30)
Harbs官方網址: http://www.harbs.co.jp/harbs/
有關文章:
.jpeg)
留言
張貼留言