2019 秋。北九州。帶住爸媽去旅行。7日6夜。行程規劃

11月 26, 2019

又到左一年一度的孝親之旅~~~

今次小女子在半年前訂到去福岡的fanfare, 所以我地就一家在10月中起行去北九州

我地已經有幾年的時間無去過九州, 對上一次到訪係2015年~

九州, 總會給人一個比較郊外、鄉村的感覺, 但其實九州有好多大城市已經同大阪、東京一樣熱鬧, 例如我地每次都以她為中心點的

福岡

福岡, 又名博多, 係北九州最熱鬧繁榮的地方, 因為福岡空港的關係, 福岡亦係大部分遊客到訪九州的第一個踏足的地區

福岡空港離市區十分近, 應該係日本最近市區的空港吧~由福岡空港去市區只需要搭2個地下鐵, 所需時間10分鐘內~!!!

購物方面, 只係JR博多駅就已經有幾個大型商場, 再加上天神區的地下街+百貨公司, 絕對可以買到失心瘋

唔想只係shopping, 想逃離繁忙的城市, 想親親大自然?!? 九州地大脈搏, 風光明媚, 絕對能滿足你的要求

重點黎喇~~~唔似大阪、京都、東京、札幌, 九州無太多大陸遊客, 基本想唔太見到, 台灣的遊客比較多, 同前幾年的情況差不多

台灣的遊客比大陸的高質好多~!!

在長崎見到最多大陸客, 因為有郵輪停泊.......於是長崎的寧靜就被破壞......超嘈吵......又無禮貌.....超怕被歸類於同佢地為同一班人, 睇得出當地的店員係黑面的😂

大陸人成日話人地抹黑佢地, 唔該睇下自己做過啲咩先啦~!!!!

太憤怒, 離左題tim~~~~😝

返入正題~

今次同上兩次一樣, 我地都只係玩左北九州, 都係利用JR Kyushu 北九州5 days pass

JR九州好大方, JR Kyushu 北九州5 days pass的價錢竟然都仲係10,000yen呀!!同4年前一樣呀!!
2019 秋。北九州。JR 九州鐵路周遊券 JR Kyushu Rail Pass 。網上預先劃指定席。熱門觀光列車由布院の森

我地以博多為中心, 放射性地遊覽, 除左博多, 仲去左長崎、由布院、門司港、武雄、柳川......中間住左一晚由布院的溫泉旅館, 一泊二食~~

以下係原本計劃的理想行程:
Day 1: 香港。福岡空港。JR九州酒店Blosson博多中央。JR 博多城。牛たん炭焼利久(厚燒牛舌定食)。JR 博多城。博多華味鳥

Day 2: 長崎ながさき NAGASAKI。らーめん柊 Hiiragi 拉麵。哥拉巴庭園Glover Garden。四海樓(強棒麵ちゃんぽん什錦麵), 餃子, 炒飯, 春卷)。原爆資料館。平和公園。AMU Plaza購物中心 (長崎駅)。博多一番街

Day 3: 由布院。由布まぶし心(釜鍋料理--豊後牛、鰻魚跟地雞)。Yufuin Floral Village。金鱗湖。溫泉旅館: Ryoso Yufuin Yamadaya 旅想ゆふいんやまだ屋。MaxValue湯布院店

Day 4: 由布院。由布院漢堡 (Yufuin Burger House)。福岡。 The Original PANCAKE HOUSE (博多駅 KITTE 商場2/f)。御船山樂園。博多一番街 (位於福岡博多站內B1)

Day 5: 門司港もじこうMojikō。門司港車站。下關しものせきShimonoseki。唐戶市場。海響館。門司港棧橋(BLUE WING MOJI) (音樂藍橋/ 藍翼橋)。門司港懷舊區（門司港レトロエリア）。博多。にく屋肉いち燒肉(肉屋肉一燒肉) 平價的黑毛和牛

Day 6: 柳川Yanagawaやながわ。柳川遊船(柳川川下り)。若松屋(蒸籠鰻魚飯)。天神。Qu’il Fait Bon (水果撻)。天神地下街/ 福岡PARCO/ AEON shopper福岡店。ひょうたんの葫蘆迴轉壽司

Day 7: 博多。JR九州酒店Blossom博多中央早餐。舞鶴公園(福岡城跡)/ 大濠公園。La Brioche 麵包。博多元助 (雞肉叉燒, 雞湯拉麵) 大濠公園駅店。福岡空港。香港

與家長同行, 理想的行程唔多唔少會因當時實際的情況與狀況而改變😅

實質行左的行程:

Day 1: 香港>>>福岡空港>>>JR九州酒店Blosson博多中央>>>JR博多駅>>>午餐+下午茶: 牛たん炭焼利久>>>JR博多城逛街>>>晚餐: 超級市場

由於差唔多5點先去食利久, 晚餐就食唔到博多華味鳥......咁就去超級市場買啲野返酒店慢慢嘆喇~~~

Day 2: 長崎>>>午餐: らーめん柊 Hiiragi 拉麵>>>哥拉巴庭園Glover Garden>>>AMU Plaza購物中心(逛街+下午茶)>>>晚餐: 博多駅

行完哥拉巴庭園, 大家都有啲累, 而爸媽對原爆資料館&平和公園的興趣不大, 而小女子同狂人弟亦在幾年前去過, 於是跳過呢兩個景點~
而因時間的關係, 去唔到四海樓......

直接返到長崎駅旁的AMU Plaza購物中心食個下午茶休息下, 再逛下街, 之後就返博多食晚餐~

Day 3: 博多>>>由布院の森>>>午餐: 由布まぶし心>>>金鱗湖>>>由布院大街>>>溫泉旅館: 旅想ゆふいんやまだ屋 Ryoso Yufuin Yamadaya >>>MaxValue湯布院店

到訪左3次, 今次終於可以體驗由布院的溫泉旅館喇~!! 亦品嚐左由布院的人氣餐廳由布まぶし心

Day 4: 金鱗湖>>>早餐: 旅想ゆふいんやまだ屋>>>由布院大街>>>午餐: 由布院漢堡Yufuin Burger House>>>JR九州酒店Blosson博多中央>>> 下午茶: The Original PANCAKE HOUSE>>>御船山樂園>>>晚餐: Shin Shin拉麵(博多駅 KITTE 0101)