2019 秋。北九州。長崎。らーめん柊 Hiiragi。特濃蕃茄湯拉麵
在網上搜尋長崎美食, 除左長崎的知名美食強棒麵ちゃんぽん之外, 無意中搵到呢間拉麵店--らーめん柊 Hiiragi
原來らーめん柊 被譽為長崎人氣no. 1 的拉麵店!!時常都會人頭湧湧, 所以我地一到達長崎的第一站就去去品嚐下長崎no. 1 的拉麵
らーめん柊 只有兩間店, 一間係銅座本店, 另一間係時津分店, 我地就去左位於長崎市中心的本店
由JR長崎駅出發, 搭乘長崎路面電車系統1(藍色線) 到"觀光通"站, 一落車行過對面馬路的小巷就見到, 非常易搵
らーめん柊有4款拉麵: 豬骨拉麵(とんこつラーメン), 擔擔麵(担々麺), 海草拉麵(あおさラーメン), 蕃茄拉麵(トマトラーメン)
小女子當然食らーめん柊最著名的蕃茄拉麵啦~!!
先在門口位置的自動售賣機購買食券, 大家可以看圖識字, 而且有漢字, 應該可以順利點到餐
若點餐遇到困難, 可以搵職員協助
店面不大, 兩邊吧枱及一張4-5人枱, 全店只有十幾個位
在平日的5點前幫趁, 點一杯碗拉麵就有免費飯團或白飯送呀~!! (白飯只限蕃茄拉麵)
若需要就可以同職員講
水餃子320yen(5隻), 210yen(3隻)
不錯吃, 但小女子都係比較喜歡香口的煎餃子~!!
海草拉麵(あおさラーメン) 730yen
蕃茄拉麵(トマトラーメン) 800yen
超香濃的蕃茄湯, 搭配著豬骨的湯頭, 餸料方面就有茄子及少許沙律菜, 燒茄子十分惹味
每當點蕃茄拉麵, 店員就會遞上一支TABASCO辣椒仔, 少少的加上幾滴, 令酸甜的蕃茄湯底加上一點辣味, 非常美味~!!
頓時誤以為自己食緊意大利粉, 唔係食緊拉麵~> <
らーめん柊 所用的麵條係比較幼細的麵條，非常掛湯~!!
豬骨拉麵(とんこつラーメン) 680yen
豬骨湯底亦非常濃郁, 濃郁到有點黏口
小女子就覺得蕃茄拉麵係略勝一籌, 不愧為らーめん柊的招牌拉麵~!!
若到長崎觀光, 不妨安排黎らーめん柊試試人氣no. 1的招牌蕃茄拉麵丫~!!
らーめん柊 Hiiragi (銅座本店)
營業時間: 平日、星期日及假日: 11:00-翌3:00
金、土、祝前日(週五週六及假日的前一天)11:00-翌5:00
交通方式: 長崎路面電車"觀光通"站
定休日: 星期二
.jpeg)
留言
張貼留言