九州 太宰府散策 。Starbucks概念店 。名物梅枝餅
我哋去太宰府求學問?!? 當然唔係啦~!! 太宰府除左天滿宮之外~仲有好多值得去遊覽的地方!!
若時間許可的話~建議可以安排在同一日內遊覽太宰府+柳川~
柳川係歷史悠久的古城 因縱橫交錯的護城河貫穿市內 所以有日本威尼斯之稱~遊客可在柳川遊船欣賞日本水鄉的美景~更可在鰻魚飯的發源地品嚐鰻魚飯
購買柳川太宰府的觀光車票 ~先在柳川泛舟 食個鰻魚飯 再到太宰府輕鬆散步買手信~
講返太宰府~我哋由博多出發~先搭乘地鐵空港線由博多駅到天神駅(6 mins)~
之後步行到西鉄福岡搭天神大牟田線(特急)(13mins)到西鉄二日市
再行去對面轉太宰府線到太宰府(6mins)
太宰府係賞梅名所 因此周圍會見到梅花的裝飾~
太宰府駅的站牌都有梅花圖案
太宰府駅內
走出車站~不遠處就係太宰府天滿宮前的表參道~而另外一邊有"九州拉麵總選舉第一名"的暖暮~(下圖左面)
之前已經介紹暖暮~呢篇就唔多作介紹了~
梅花圖案的地磚~
太宰府天滿宮前的表參道 有好多古色古香的店舖 販售著各式紀念品 以及當地的美食 十分好逛
據說太宰府的石造鳥居係全九州最古老的 有七百幾年歷史
呢間位於太宰府天滿宮前表參道的Starbucks概念店係Starbucks粉絲必到的朝聖之處
由知名建築設計師隈研吾所設計 大量木條從店舖的內到外拼接交錯 貫徹他以融和自然的風格
在日光照射下交錯的木條倒影 呈現出另一種日式美學
店內人頭湧湧 小女子只能透過櫥窗玻璃望入去及在外面觀賞
營業時間：8:00～20:00（不定休）
除左太宰府之外~Starbucks仲有十多間概念店在日本 其中一間在鎌倉
當日到訪時太宰府的人潮好多 一羣又一羣穿著住同一隻顏色"隊服"的國內大叔大媽連綿不絕地湧現!!!
小女子偷聽到原來佢地係坐郵輪旅遊~郵輪泊岸福崗 我哋就剛好撞正佢哋~~
其實小女子並唔係偷聽~係佢地講野講得大聲😏
去到太宰府不得不食梅枝餅 梅枝餅係太宰府的名物 在表參道上幾乎行幾步就有一間賣梅枝餅的店舖
中村屋就係其中一間喇~
外層皮薄但口感紮實的梅枝餅 內裡有一層像麻糬的口感 而內餡係紅豆溶
起初小女子以為梅枝餅的內餡係有梅味的紅豆溶 但原來梅枝餅係並無梅的 只係外皮印左梅花的圖案~~諗多左~
新鮮製作的梅枝餅 攞上手熱辣辣 記住千萬唔好心急即刻放入口呀
食完梅枝餅~繼續閒逛
見到唔知咩咩咩"吉祥物"
出發去下一站~
等待列車開出時~撞見太宰府觀光列車旅人 たびと剛埋站
往返福岡太宰府的旅人列車 粉紅色的車身印著太宰府的景點圖案 車廂內有各式的彩繪 聽講車廂內仲有紀念印章給喜歡收集印章的遊客們收集作記念
最醒目的莫過於旅人列車的車頭紅底白字的"旅人" 希望下次有機會搭旅人 たびと啦
九州 大分縣。由布院。特急ゆふいんの森。暖暮。B-speak。金鱗湖
.jpeg)
留言
張貼留言