2018春。 四國。 德島鳴門一天遊。 德島。 鳴門公園 。大鳴門橋。渦の道 。賞櫻
德島鳴門一天遊的重點就係要去鳴門公園睇鳴門漩渦~
我地由高松出發, 先搭JR再搭巴士, 交通唔算複雜, 請參考以下文章
巴士的終點站就係鳴門公園, 巴士站旁有間商店~
而商店旁竟然有棵盛開的櫻花😍 雖然櫻花已經長出左唔少綠葉, 但仍然很美🌸🌸🌸
沿著商店旁的樓梯行上去, 前往鳴門公園
行到一半會有分叉路~
一邊係去大鳴門橋架橋記念館, 另一邊係去茶園展望所
我地選擇行去茶園展望所果邊, 但最後我地發現其實都係通往同一處~~~
長得有啲奇怪的狗狗🐶
大鳴門橋架橋記念館
路旁有已凋謝的櫻花樹
再行過少少就見到大鳴門橋喇~!!
我地無入到去記念館, 直接前往展望台
於1985年落成的大鳴門橋位於四國的德島縣, 連結德島縣鳴門市跟瀨戶內海上最大的島淡路島, 全長約1629米
橋的另一邊係神戶的明石海峽大橋, 呢兩座大橋連埋左日本本州和四國
在大鳴門橋"上面"經過後, 行去鳴門山展望台
在展望台的1樓售票櫃台購買エスカヒル鳴門(鳴門山展望台)+渦の道的套票
大人: 710yen
若會去埋記念館, 可買3樣設施的套票, 1200yen
鳴門山展望台+渦の道套票
向展望台出發~!!
從展望台上, 除左可以清楚地觀賞大鳴門橋之外, 亦可見到淡路島, 仲有漩渦~
但漩渦呢??
在展望台睇唔到漩渦....去渦の道睇!!
來往展望台的扶手電梯又長又斜, 要緊握扶手啊!!!
天橋上有代表德島的阿波舞圖案
剛才的エスカヒル鳴門(鳴門山展望台)
原來時間都已經不早, 係時候要醫下個胃
去渦の道之前, 食個午餐先~
去渦の道之前, 食個午餐先~
我地去左潮風食既美味又新鮮的鯛魚飯😋😋😋
食飽飽, 出發~!!!
餐廳外, 有一排排晒緊太陽的魚乾~
可到餐廳隔離的千疊敷展望台
在另一個角度再望下大鳴門橋
圍欄上面也有漩渦的圖案
見到觀潮船駛過
若要用餐的話, 建議在千畳敷展望台呢邊食, 因有較多的選擇
而且呢邊有不少的商店, 方便買手信
好喇~!!終於嚟到渦の道
想要睇到漩渦就要掌握退潮漲潮的時間
聽說在當日退潮漲潮的前後一小之內係最容易睇到漩渦的
而一年最佳的觀潮期係三月下旬到四月下旬
春秋大潮的時候, 潮速可高達20公里/時, 漩渦就會十分清晰
渦の道入場費: 大人510yen
開放時間: 夏季(3月-9月) 9:00-18:00, 冬季(10月-2月) 9:00-17:00
休館日: 3月、6月、9月、12月的第二個星期一
除了入場劵、簡介之外, 仲有明信片附送
渦の道建在大鳴門橋下面, 全長450米~
渦の道上有不少玻璃地板, 可從玻璃地板直接看到海面, 讓人心驚膽跳
渦の道係一路走到底的長走廊, 每隔大約100米就有一個展望室
展望室係落地玻璃, 接近最前端的展望室落地玻璃上有鄰近地標的說明
天氣好的時候可以遠眺鳴門市&南淡路市
而最近的島就係飛島, 島上面有座燈塔
咁究竟點解會有漩渦呢?? 鳴門漩渦係海流交會而產生的現象
鳴門海峽的寬度只有約1.3公里, 係瀨戶內海與太平洋海潮的交匯處
每日的潮汐流量很大, 加上海底的地勢影響，所以潮速相當之快
快速的潮流與周圍流速較慢的海水接觸時便會容易產生漩渦了~
渦の道展望室在渦の道的盡頭
渦の道展望室有展板解釋漩渦的形成~
渦の道可以一覽海峽美景外, 亦可看到大鳴門橋的結構
在距離海面45公尺高的大鳴門橋上往下看著海面, 懼高症的人一定嚇死~
有懼高症的媽媽嚇到半死, 行到一半已經放棄了~
而且因渦の道就在大鳴門橋的正下方, 每當有重型車輛或鐵路列車經過, 就會有轟隆轟隆的聲響
媽媽話呢啲聲響好恐怖, 好似條橋就嚟塌咁~
好喇~睇漩渦喇~
喂喂喂~漩渦呢???去左邊呀!?!
呢個就係漩渦?? 最佳的觀潮期唔係三月下旬到四月下旬咩?? (我地係4月頭到訪)
觀潮船製造的漩渦??
想看漩渦真係要有天時地利人和呀~!!
可以從玻璃地板清楚睇見海水快速地流動, 每次行到一個點都很期待能親眼睇到漩渦, 可惜...
其實呢啲係咪就係漩渦呢? 還是海浪??😕
行完渦の道失望而回, 去買買手信吧~
觀賞下停車場內的櫻花~
就去等巴士返去JR德島駅~
記住留意巴士班次!!!
記住留意巴士班次!!!
希望再有機會到訪時, 能夠見到又明顯又清晰的漩渦啦~!!!
.jpeg)
留言
張貼留言