2018春。 四國。 高松。 四國必食美食。 めりけんや烏冬

嚟到烏冬縣, 點可以唔食烏冬~!!!🍲
四國的香川縣係日本烏冬的發源地, 在香港成日都聽到的讚岐烏冬的讚岐,就係位於香川縣
貴為日本烏冬發源地, 香川縣的麵店多達八百多家, 真係花多眼亂, 總有一間在附近 ~!!

香川縣更有烏冬巴士及烏冬的士等交通配套, 帶遊人到較偏遠的烏冬名店品嚐縣名物, 方便一眾喜愛食烏冬而唔係自駕的遊客
去四國無食過烏冬唔好話俾人聽嚟過四國呀!!

其實小女子都好鍾意係烏冬既~但經過呢次的四國之旅後, 對烏冬開始生厭😂 再詳談~

我地到埗的第一餐就去左JR高松駅旁邊的めりけんや品嚐香川縣的必食名物烏冬喇~!!(之後陸續有嚟......)

めりけんや在Tabelog擁有3.5分~!!!而tripadvisor.jp亦有4分~都算高分嫁~!!

Tabelog:

https://tabelog.com/en/kagawa/A3701/A370101/37002284/
tripadvisor.jp:

https://www.tripadvisor.jp/Restaurant_Review-g298232-d6983838-Reviews-Merikenya_Takamatsu_Ekimae-Takamatsu_Kagawa_Prefecture_Shikoku.html

店外張貼左一張菜單, 熱的、凍的、有肉的、無肉的、有蛋、有山藥~~任君選擇

烏冬的size有分特大、大、小~

建議女士們選"小"便可, 絕對夠食~!!因為"大"真係好大碗~!!!

香川縣的烏冬店大致分為3種: 一般餐廳、製麵所、自助形式

一般餐廳就係有店員幫忙點餐送餐; 

製麵所的店內未必有座位, 因為製麵所本來係製麵或售賣烏冬麵團, 只係有啲製麵所現在轉型, 亦有讓客人進食的地方

自助形式即係差唔多咩都自己嚟, 選好烏冬、夾好配菜, 就自行去結帳

めりけんや就係自助形式了

天婦羅碎、薑蓉&蔥花免費自由任加

加蔥花、天婦羅碎之前, 同店員講要咩size的烏冬, 熱還是冷, 店員就會立即幫忙製作烏冬

攞左烏冬之後, 便揀選想食的天婦羅、炸物、關東煮, 然後就夾在碟上, 再到收銀處結帳付款~

每款食物的價格都已經清楚標明~

付款後, 便可以揀位享用~

 食完後記住自行收拾, 並將到所有東西放在收銀旁的回送口

小女子揀左熱烏冬配上南瓜天婦羅、魷魚天婦羅、炸魚

媽媽的牛肉烏冬~

剛剛新鮮出爐的炸魚熱辣辣, 雖然唔知係咩魚, 但好好食😋

烏冬煙煙韌韌的, 湯頭當然係小女子最愛的柴魚高湯~

果然係烏冬縣, 車站附近已經有間好食的烏冬店~!!

 魷魚天婦羅相對下比較失色, 可能因為已經冷了, 但食到係新鮮既~

自助斟水或茶

兩個人共食左1040yen (七十幾蚊港紙左右), 好抵呀!!👏👏👏

めりけんや高松駅前店
營業時間: 7:00-20:00
交通: JR高松駅旁, 步行一分鐘
休息日: 年中無休
官方網址: http://www.merikenya.com/