2018春。 四國。 德島鳴門一天遊。 德島。 鳴門公園 。 潮風。 鯛魚飯。 美景+美食

小女子在規劃行程的時候已經做足功課, 是日的午餐要食鳴門公園內的潮風~!!

日本雜誌亦曾介紹過的呢間店舖, 可說係鳴門公園的人氣餐廳~!!

潮風主打鄉土料理, 最大買點係有落地大玻璃窗可以觀賞大鳴門橋的美景~

注意: 潮風只有中午營業, 唔好安排過來食晚飯呀

潮風位於千疊敷展望台旁

1樓係名產店, 從名產店旁邊的樓梯上去就係潮風

鯛魚茶泡飯&鯛魚生魚片蓋飯係潮風的招牌美食, 亦有其他鯛魚的料理, 因為鯛魚係鳴門的名物

若唔喜歡食魚的, 都有非魚的料理可以選擇, e.g. 牛肉烏冬定食(肉うどん定食)

座位不多, 大約只有20個

當時貼近大鳴門橋的窗戶位置已經坐滿

我地就坐在另一面靠窗的座位, 靠近千疊敷展望台

店內的空間其實唔係好大, 員工只有兩人, 一個負責廚房, 一個負責樓面
好像家庭式經營的感覺

潮風係鳴門公園內的熱門餐廳, 聽說時常爆滿, 需要排隊等位

好在我地到訪時唔需要等, 即刻就可以入座, 可能係平日的關係吧~

除左鯛魚飯之外, 小女子本想試試加入鳴門特產昆布及竹輪卷的烏冬

可惜眼闊肚窄, 都係食鯛魚飯啦~!!

媽媽唔食魚生但又想食鯛魚, 點左鯛の炙り丼~

當然火炙的鯛魚片只係外面熟, 裡面仲係生既~

媽媽就索性將所有的魚片放入魚湯裡面浸熟😓, 佢話咁樣好好味喎~😂

鯛魚生魚片蓋飯套餐(鯛のタレ漬け丼)

套餐的醃蘿蔔、漬物好好食, 好下飯

鯛魚骨湯好鮮甜😋

主角鯛魚飯

之前講過鯛魚係鳴門的特產, 除左新鮮之外, 呢度的鯛魚係小女子食過最好味的鯛魚

讓人會想一口接著一口食, 鳴門鯛果然係名不虛傳

在鳴門公園用餐, 首推潮風!! 有美味的鳴門鯛, 有絕佳的角度觀賞大鳴門橋

美食+美景👍👍👍

潮風
地點: 鳴門公園內的千疊敷展望台旁
營業時間：只有中午
                 (星期一至五)10:00-15:00（最後點餐時間14:30）
                 (星期六、日)10:00-15:30（最後點餐時間15:00）
相關網址: https://www.naruto-mon.jp/gourmet/siokaze/