中部北陸之旅。 終。 名古屋。 親子。 名古屋港水族館
埋嚟睇埋嚟睇下啦喂~又係水族館呀😁😁😁
今次到訪的係名古屋港水族館 🐬🐧🐟🐢🐠🐳
雖然又係水族館😂 但唔同的水族館都有自己的signature
名古屋港水族館的signature係咩呢? 買個關子先😝
今日會在名古屋市內移動 所以購買左名古屋地鐵一日卷
平日版 740yen 星期六日版 600yen
買左地鐵一日卷可以平200yen購買名古屋港水族館入場卷
我地從名古屋站出發 先乘搭東山線去榮站 到達榮站後轉乘名城線到金山站
到金山站再轉乘名港線往名古屋港站下車
雖然要轉兩次車 但車程唔算好耐
30分鐘左右就到達名古屋港站
跟住指示由3號出口出
行大約3分鐘就到
附近除左可以參觀名古屋港水族館外 仲有名古屋海洋博物館
同埋呢隻南極觀光船
時間許可的話 可以安排一日遊名古屋港
呢度的環境悠閒舒適 可能因為靠近海邊 微微的海風吹埋嚟好舒服
適合一家大細到遊 玩完仲可以到附近的商場食飯
當天都見到不少日本媽媽一拖二到訪 太厲害啦👏👏
日本小朋友出發喇!!
名古屋港水族館分為北館 南館
北館可以見到 白鯨 殺人鯨 海豚
南館有企鵝 海龜 沙丁魚魚群......
地圖可在名古屋港水族館官網下載: <http://www.nagoyaaqua.jp/>
每天不同區域都有唔同餵食時間、介紹及表演 可以在入館的時候攞當天的日程表參考
或可留意館內的告示板 亦可參考官方網站
一入門口應該會先見到殺人鯨 但唔見左踪影... 於是被旁邊的海豚吸引
當時見到有位日本太太把手貼近玻璃 海豚就游近仲噴氣
好似同緊太太玩咁 好可愛呀😍
之後就去到白鯨池 原來佢地都游得幾快
再行上少少有1:1的鯨魚的模型及骨骼
沿著水族館"順路"的指示嚟到戶外的區域 近距離觀看海豚同飼養員互動
真係超近 只係隔左層低的玻璃圍欄
之後去左旁邊的白鯨池 幾條白鯨快速地游來游去 好似玩緊
過左一陣 有群載著黃色cap帽的日本小學生湧入嚟 原來剛巧餵食活動開始喇👏👏
飼養員除左餵白鯨們食野外 仲有頂波、唱歌、追逐的表演
最後可愛的白鯨會游近玻璃圍欄 擺動尾巴濺出水花撥向觀眾say byebye
逗得小學生們WeeWa鬼叫 超開心的 氣氛非常歡樂
睇完可愛的白鯨 懷著歡樂的心情去到大型主泳池 準備觀賞海豚表演
今日有份表演的海豚登場亮相
歷時大約30分鐘的海豚表演十分精彩 其實表演的內容大致上同海洋公園的差唔多😝
但日本人對表演的投入程度 同表演人員的互動配合 真係令整個表演的氣氛生色不少
睇完精彩的海豚表演 行下行下見到小女子此行最想見的殺人鯨喇😍
由北館通過連接通道嚟到南館
首先到達南館日本之海的黑潮大水槽 係依據流經日本東部 房總半島沿岸的黑潮環境所設置的
呢度定時會有沙丁魚魚群餵食表演 又稱為"沙丁魚龍捲風"
據說有30000條以上沙丁魚魚群迅速移動覓食 十分壯觀
南館的三樓係海龜繁殖復育場 可以見到人工沙浜讓海龜彷彿在自然的環境下繁殖孵卵
可愛的小海龜
南館三樓仲有南極之海~南極緊係企鵝的天下🐧🐧🐧🐧🐧🐧🐧🐧🐧🐧
館方準備左一啲紙製的掃掃供給遊客使用 嚟吸引企鵝的注意
遊客利用掃掃不斷掃玻璃 企鵝們就會游近
清潔人員應該唔洗抺呢塊玻璃 因為遊客已經幫忙做左清潔😝
返回北館的入口處 見到人群在入口的大魚缸前坐低聚集
原來到左殺人鯨的表演時間
工作人員會不斷講解 至於講咩呢~小女子就唔知道喇😅
工作人員與殺人鯨的互動
表演結束 工作人員與殺人鯨一齊向觀眾鞠躬道謝
離開水族館前記住去出入口附近的禮品店
名古屋港水族館
入場費:2000yen (買名古屋地鐵一日卷折價200yen)
開放時間: 09:30-17:30 (3月20日 至 7月16日 & 9月1日 至 11月30日) (最後入場時間:16:30)
09:30-20:00 (4月29日 至 5月5日 & 7月17日 至 8月31日) (最後入場時間:19:00)
休館日: 星期一
終於嚟到中部北陸之旅最終回 其實中部北陸仲有好多值得去的地方
例如: 金沢、上高地、新穗高、下呂 希望在不久的將來有機會到訪
中部北陸之旅。 序。 立山黒部アルペンきっぷ
中部北陸之旅。 岐阜。 高山。 住宿篇。 高山桜庵中部北陸之旅。 岐阜。 進入童話國度。 白川鄉合掌村
中部北陸之旅。 岐阜。 高山。 飛驒高山老街 。 丸明飛驒牛
中部北陸之旅。 岐阜。 高山。 陣屋朝市。 高山老街。飛驒牛壽司。 宮川朝市
中部北陸之旅。 震撼的雪の大谷。 富山。 立山黑部。美女平。室堂
.jpeg)
留言
張貼留言