中部北陸之旅。名古屋。住宿篇。 Nagoya Marriott Associa Hotel 名古屋萬豪酒店
photo from http://www.associa.com/nma/
今篇要介紹的係Nagoya Marriott Associa Hotel 名古屋マリオットアソシアホテル
名古屋駅的 JR 中央塔係全世界最高的車站大廈
而五星級的名古屋萬豪酒店正位於名古屋駅的上蓋
名古屋駅結合左JR東海道本線、東海道新幹線、近鐵、來往中部國際空港的名鐵及地下鐵
交通非常方便 若有較鬆的預算 極力推薦住名古屋萬豪酒店
由松本移動去名古屋大約需時2個幾鐘頭
立山黑部アルペンきっぷ使用~ 指定席使用
立山黑部アルペンきっぷ亦功成身退👏👏👏
到達名古屋 先去入住的酒店check in
我地會連續兩晚入住 Nagoya Marriott Associa Hotel 名古屋萬豪酒店
在車站裡面有非常清晰的指示 指引我地去名古屋萬豪酒店
所以完全唔洗擔心會在人山人海的名古屋駅盪失路
酒店的check in lobby位於15樓
日本藉的職員全程用流利的英文同我地溝通 五星級真係五星級
好快就已經搞掂check in手續
跟隨著職員的帶領 我地順利在非常寬闊的check in lobby搭lift上房休息
房間十分寬敞舒適
由近窗位置行去浴室都有點距離😝
連續兩晚入住的房間位於45樓 從房間望出去景觀十分開揚
浴室亦十分大 設備非常齊全
當然唔少得日本酒店必備的免治馬桶 有shower room
亦有浴缸 方便喜歡浸浴的旅客
休息左一陣後 就出發去探索名古屋駅
酒店有多個出入口 通往不同位置的名古屋駅
所以幾乎身處在名古屋駅任何的位置都可以容易搵到返去酒店的路線
由剛才的出口搭扶手電梯落去就係名古屋駅的櫻通口 亦係由廠商Citizen贊助的金の時計廣場
呢度係約人在每天都人朝湧湧的名古屋駅相約碰面的好地方
位在 JR 中央塔的東面 旁邊就係高島屋百貨 Takashimaya
在酒店房間欣賞名古屋市的夜景 就值回票價
五星級酒店的價格當然亦係五星級 一啲都唔平啦
但在不斷移動的中部北陸之旅的尾聲 小女子同狂人弟都決定豪爽啲來換取兩晚舒適的享受
推介俾盤川比較充裕的大家--名古屋萬豪酒店
.jpeg)
留言
張貼留言