2017冬。 名古屋。 Day 2(4) 白川鄉合掌村。白川鄉散策。 であい橋。 回名古屋

品嚐完鄉土料理的午餐, 繼續慢遊白川鄉

雪景的白川鄉真係好迷人😊

超級厚的積雪

行行下~落飄雪呀!!☃
達成左爸爸的願望~能夠在日本睇到雪&感受到落雪~👏👏👏 呢場飄雪令到本來話唔想去咁凍地方的媽媽都好興奮 😌

其實帶著爸媽去旅行與自己去旅行的分別真係好大~~~例如: 行前規劃更加要做到足, 免得要搵路搵食浪費時間及腳骨力~

有朋友問為何可以同爸媽一齊去旅行, 仲要自遊行~去完一次又一次?!?

因為小女子同狂人弟有無比的勇氣囉~!!哈😆
當然在旅程中難免有黑面、埋怨的情況(係小女子同狂人弟😌)

但見到爸媽滿足的表情、返到香港同親朋好友分享所見所聞、不斷重睇手機的旅行相, 心中的確好滿足及覺得值得😊

在爸媽身體還壯健、行得走得、食得訓得時, 帶佢地去下旅行吧~

確實係美好的回憶👫
(P.S. 新一年, 小女子仲會有更勇敢的新嘗試!!!先賣個關子~~~)

講返正題~

本來做好功課, 想在呢間お食事処けやき食午餐, 但無開門...

最終去左お食事処いろり

 <2017冬。 名古屋。 Day 2(3) 白川鄉合掌村。 お食事処いろり 。飛驒牛味噌燒。 鄉土料理>

掛滿雪的的樹枝上有好多橙橙紅紅的果實~唔知係咩果嚟既呢??

積著厚雪的白川鄉, 求其舉起手機、相機都可以影到好靚~

影影下開始有啲陽光~微微的太陽光映照雪景, 加上藍天白雲的配合~👏👏👏

五円眼睛的小雪人⛄

當天的天氣時陰時晴, 有時有陽光, 有時飄雪~
日本YAHOO天氣預測(幾準確嫁)當天的溫度係1度至負9度

無陽光時, 確實都有點凍, 若再加上有風, 就真係好寒~

順便分享下小女子當天的衣著~

小女子當天著左4件衫: U牌1.5倍heattech打底、一件半樽領冷衫、U牌薄羽絨、最外面係C牌厚羽絨(無銀色層的), 溫馨提示: 千萬唔好著全樽領衫, 因一入到室內, 暖氣超暖, 若著全樽領衫會熱到透唔到氣

下半身: U牌2.25倍legging打底, 再著U牌防風褲(內裡有少許抓毛果隻款)+雪靴

冷帽、頸巾唔少得, 手襪帶左去但就無戴

街道兩旁有餐廳、小食店、土產店

店舖的外牆上掛著的聖誕裝飾~窗內仲有動畫龍貓的可愛擺設

前往であい橋

即係以前到達白川鄉落巴士後, 入村必經果條石屎吊橋

去到"村口"

厚厚的積雪,~~好想訓在上面, 好似卡通片中的小朋友整"雪天使"

遠處就有3個小朋友玩緊😊~

進入白川鄉合掌村村莊的鳥居, 旁邊有間秋葉神社

であい橋, 又名相逢橋

從前呢度係旅人入村的必經之路, 但原來依家只有旅行團會在呢邊停車, 而搭濃飛巴士或者同我哋一樣從名古屋搭高速巴士入白川鄉就會在村裡面的巴士站落車

河流的兩岸亦被白雪覆蓋~ 但河流依然流動著~

因多人經過であい橋, 橋上的雪溶化後結成冰~所以であい橋的橋面係超。級。無。敵。滑!!!

在橋上行走時, 要加倍留意!!!

好美~!!

與夏天時, 完全係兩個景像~

<中部北陸之旅。 岐阜。 進入童話國度。 白川鄉合掌村>

白川鄉的合掌村渠蓋~

白川鄉其中一間民宿 "一茶"~ 位於村口附近

由於合掌村的民宿大多都係由當地的老公公老婆婆經營, 幾乎都只能透過電話或傳真訂房

但依家網上好似有其他訂白川鄉民宿的方法~

若小女子下次有機會再到訪白川鄉並入住民宿再同大家分享😊~

時間都唔早~係時候開始買手信😁

剷雪車在暴風雪的日子在白川鄉擔當了極其重要的工作~辛苦晒!!

白川鄉裡有幾間合掌造可以付入場費入內參觀~長瀨家係其中之一~

仲有神田家、和田家

今次的時間比較緊迫~無時間入內參觀~下次吧😁

買完手信, 媽媽話想食下小食~(兩年前都係在呢間食飛驒牛串燒😁)

除左飛驒牛串燒(500yen)、飛驒牛薯餅(250yen), 今次我哋仲試左飛驒牛米餅(350yen)~

外面煙煙韌韌的米餅, 內裡的飛驒牛餡唔太突出~
好唔好食呢~~見仁見智喇~媽媽話好食, 小女子就覺得飛驒牛串好食好多😂但在寒風陣陣的時候, 食住熱辣辣的米餅, 又真係好食啲既~😌

再往前行, 經過兩年前小女子同狂人弟已參觀過的和田家~

<中部北陸之旅。 岐阜。 進入童話國度。 白川鄉合掌村>

建於江戶時代中期的和田家, 係合掌集落唯一的國家指定重要文化財產

 白川鄉の湯

 白川鄉の湯係白川鄉唯一的溫泉旅館, 

除左有一泊二食外, 亦有提供外來客人付費泡湯的服務

回到車站, 去左趟洗手間就排隊等上車~我哋會搭15:30開出的高速巴士回名古屋~

除左去名古屋之外, 亦有前往金沢、富山、高山、平瀨溫泉等地方的巴士~

車站並不大, 遇著幾個月台差不多時間都有車出發時都幾擠迫, 加上外面溫度開始下降, 遊人都擠入車站內取暖

回名古屋要在2號月台上車~~其實所謂的1、2、3號月台, 只係車站的兩邊邊~~~~

同今早同一個司機叔叔😊~ 15:30準時在白川鄉開車~

去到休息站時, 天已經黑晒~

呢個就係之前提及的"開車時間牌"~在休息站落車前記住留意開車時間

由休息站開車大約1個鐘, 回到名古屋了~

名鐵巴士中心的另一個入口就在名鐵MEN館的旁邊

 沿扶手電梯通往3樓的名鐵巴士中心

旁邊就係名古屋地標NANA醬~臨近聖誕節, NANA醬換左聖誕裝🎄🎅~

名古屋白川鄉即日來回一日遊成功!!!!

有人覺得即日來回好浪費時間~但小女子就幾喜歡😊, 因為我哋全家都唔鍾意搬酒店, 有得避免就可免則免😌~~~

當然在白川鄉住一晚民宿, 就可以欣賞到清晨杳無人煙、悠閒寧靜的童話村~又係另一番的享受與體驗~

希望下次能在春天櫻花盛開🌸或秋天紅葉滿頃🍁時到訪白川鄉~能夠體會呢個迷人的童話世界四季的美麗景致

P.S. 終於完成白川鄉的文章👏👏👏 太多相喇~所以只好有分開幾篇寫~~

下篇預告: 名古屋必食--炭燒鰻魚飯