2017冬。 名古屋。 Day 2(5) 名古屋必食。 炭燒鰻魚飯三食。 まるや本店 鰻魚飯 。酒店宵夜

日本的美食何其多, 小女子每次訪日都懷著"要在有限的旅遊時間品嚐最多的美食"的目標🔥🔥, 但真係一日食6餐都食唔完~~😆

嚟到名古屋, 必食的美食有: 炭燒鰻魚飯🍱、手羽先(即係雞翼)🐔、味噌炸豬扒🐖

從白川鄉回來~高速巴士停泊在名鐵巴士總站~順道上去名鐵百貨本館9樓的まるや本店食晚飯~

上回提要: <2017冬。 名古屋。 Day 2(4) 白川鄉合掌村。白川鄉散策。 であい橋。 回名古屋>

再次到訪位於名鐵百貨本館9樓的まるや本店

相關文章: <中部北陸之旅。名古屋。 必食。 備長炭炭燒鰻魚飯>

大約六點幾去到~嘩!!!排隊的人潮多的是~本地人、遊客都有~

等候時間為50至60分鐘~

門口的display~

若唔想等太耐, 可以買外賣回酒店慢慢食~除左鰻魚飯外, 還有鰻魚壽司~

除左まるや本店外, 名鐵百貨本館9樓仲有食味增煮烏冬的山本屋総本家

出名的另一名古屋必食--味增炸豬扒矢場とん

全層的其他餐廳都無等候的人龍~唯獨まるや本店的人龍, 有增無減👫👬👭👫👬👭 工作人員連忙整理更多的位置給客人們排隊, 亦以免阻礙其他店舖

小女子的媽媽極喜愛鰻魚飯, 好想媽媽能夠品嚐最新鮮熱辣的鰻魚飯, 因此唯有等~~~

若果唔係同媽媽同行, 小女子會選擇買外賣或者食其他野~~

等等等~等左差唔多一個鐘頭, 終於入得去, 餓扁了~~😭

首先~點左個唔知咩野刺身🐟😆頗清甜, 幾好味~

玉子鰻魚卷

厚厚的甜玉子包裹著濃香的炭燒鰻魚~裡面的鰻魚份量都唔少嫁

熱辣辣好好食!!!😋😋😋

登登登登~!!!備長炭炭燒鰻魚飯出場~!!!🎉

濃濃的炭燒香味~未食已經先嚟個嗅覺的享受~

肥美的鰻魚~😋😋😋😋

配上鰻魚豆腐清湯~

再介紹多次鰻魚飯三食的意思:

第一食~先食原汁原味的炭燒鰻魚飯~

第二食~在鰻魚飯加入wasabi、蔥花、紫菜  攪伴後食用
加入其他配料後使鰻魚飯的味道變得更多層次~但同時亦無搶走炭燒的香味

第三食~加入第二食的配料後再加入高湯, 變成炭燒鰻魚高湯泡飯

店員唔會在送遞鰻魚飯時連同高湯一齊送上, 食到咁上下, 先俾店員指示才會送上

咁樣高湯就唔會因為食完一食二食而凍左~

(圖中的茶壺就係高湯本人喇~千祈唔好當茶飲呀!!😆)

狂人弟話佢只鍾情於鰻魚飯一食😆~

若好似狂人弟咁唔喜歡咩野三食既~就order碗炭燒鰻魚飯啦~!!

是晚超級飽~亦超滿足!!!!👏👏👏

小女子一邊打呢篇文章一邊吞口水~肥美的炭燒鰻魚真係令人回味無窮~!!!
到訪名古屋一定要食炭燒鰻魚飯呀!!

まるや本店

地址: 名鐵百貨本館9樓 

營業時間: 11:00-23:00 (last order: 22:00)

休息日: 不定休

官方網址: http://www.maruya-honten.com/

同篇附上: 是晚宵夜~~

因已經飽到上喉嚨定~~~是晚的宵夜只能夠食雪糕~~😔

試食報告:

抹茶雪糕: 形態有啲似香港的阿波羅雪糕🍦但抹茶味十分香濃~估唔到呢款"日本版阿波羅雪糕"出乎意料地好食~!!仲要只係得80個卡路里😊放心食啦~~~

再嚟哈根大師期間限定~每次遊日都要力盡所能試盡哈根大師的期間限定口味😆

期間限定栗子味~沒有抱太大的期望, 但竟然又係out of our expectation!!!

雪糕的味道係偏向呍喱拿味, 唔太過甜, 裡面有粒粒的栗子, 令人會有一口接一口的衝動, 鍾意栗子的朋友一定要食!!!