2017冬。 名古屋。 Day 3(3) 龍貓。 サツキとメイの家。 草壁家。 草子次子屋企
サツキとメイの家~亦即係宮崎駿動畫龍貓裡面草子次子與爸爸的屋企~
1:1的實景就在愛.地球博記念公園的裡面~
一齊去喚醒你的童年回憶吧~
一齊去喚醒你的童年回憶吧~
去草子次子屋企(草壁家)可搭乘公園的無料巴士到"日本庭園"落車~
上車時, 車長嬸嬸問我地係咪去草壁家, 佢話我地唔需要在日本庭園落車, 因冬季12月有草壁家臨時車站👏👏👏
好喇~!!~前進去草壁家的售票處~~
售票處旁有個小舖頭(真係極小😆)
當然係賣龍貓的產品啦~
(公園門口的綜合案內所的產品比呢度更齊全~~~)😆
愛.地球博記念公園雖然係免費入場, 但要入去草壁家就要另外俾錢~入場費510yen/人
入場劵可到場購買, 但參觀草壁家係有限制人數的, 而且平日一日只有8個場次, 假期會多啲
呢幾張就係在網上預約然後到Lawson換取的草壁家入場劵~
將入場劵交給售票處的工作人員~工作人員就會將草壁家的簡介、小遊戲紙及呢個入場証交給你~
會分為A、B兩組~一組先會安排在屋內參觀, 另一組就在屋外參觀~
攞左入場証就去隔離呢個帳篷集合~我地係參觀11:30的場次~記住要早15分鐘到場集合
差唔多到參觀時間, 就會有個職員開始講解~當然係講日文嫁啦~
跟住就可以出發啦~!!終於到達草壁家啦😊
當日小女子參觀的場次人數唔太多, 其實B組只得我地一家四口😆, 所以工作人員都無好理會我地~
我地見A組的"團友"先入屋參觀, 咪自動波地先參觀屋外~
草壁家對出的湖&"花園"
呢度有啲似草子次子種樹果度, 即係棵樹好快已經長到好高好大果度呢~
嘩!!!係呢條柱呀!!草子同次子推來推去果條呢~
好真呀!!同動畫一樣都係腐蝕晒~超興奮!!! 小女子都試推過😆~放心呢條柱係好穩陣的~!!
爸爸的書房~
真係做到好逼真呀!!每個細節都一絲不苟~
不過要記住草壁家的屋內係唔可以影相的~!!但屋外就歡迎任影, 亦可以由屋外影返入屋內
爸爸的單車~
草子打水的地方~
連呢個穿窿的水筒都有係度呀!!!次子攞住佢見到白色同藍色小龍貓😊
同我地一齊參觀的呢個日本小孩好可愛~佢個樣有啲蠟筆小新feel~~~
參觀完室外~就入室內啦~
入內參觀要先除鞋
屋內有玄關、浴室、廚房、廳、及房間~
細緻到有啲不可思議~記住打開每個櫃桶、躺門睇下, 會好有驚喜!!!
記得售票處工作人員俾的小遊戲紙嗎?? 小遊戲就係要尋找在草壁家出現的物品, 睇下你搵唔搵到晒~媽媽好叻地搵到晒呀!!不過係無獎品既~😆
大家記得呢個窿嗎??但呢度裡面係無野嫁😆
雖然呢道唔係好大(但應該比動畫中的草壁家寬敞), 但每個位置都做得好仔細, 就好似讓你置身於龍貓的動畫入面咁~好想即刻睇多次龍貓呀😊
廚房
後巷
悠閒的日本小孩😆
工作人員提醒我地屋簷上有"蜻蜓"呀~!!!細緻到呢~~~~
仲有, 記住同車站牌合照呀~!!會等到貓巴士嫁😆😆😆
網上資料話整個參觀時間只有半個小時，但點解小女子覺得好似多過半個小時嫁呢??唔通今日唔太多遊人, 所以俾我地參觀耐啲??
原來係12月至2月的平日, 草壁家的參觀時間會延長到40分鐘呀!!
參觀時間結束時, 工作人員會請大家離開
之後可自行上展望塔, 從高處俯瞰草壁家
可選擇行樓梯或搭升降機上展望塔
雖然只係仿造的房子, 但係草壁家同動畫的一樣都係置身於大自然的環境中😊
展望塔上有張好美的手繪地圖
參觀完草壁家就去愛.地球博記念公園繼續遊覽~
如果你都係龍貓Fans, 又點可以錯過呢個景點呢~!!!😊
到訪名古屋時, 記住安排去一去草壁家啦~!!!
.jpeg)
留言
張貼留言