2017冬。 名古屋。 Day 3(3a) 龍貓。 サツキとメイの家。 網上訂飛教學

上回講到尋找童年的回憶~

<2017冬。 名古屋。 Day 3(3) 龍貓。 サツキとメイの家。 草壁家。 草子次子屋企>

之前講過, サツキとメイの家係小女子尋覓名古屋市內景點時的意外收穫~

交通並不複雜~但サツキとメイの家每天有幾場參觀的場次, 而係有限制參觀人數的

小女子最怕係去到現場買唔到飛, 咁就失望而回...今次仲係同爸媽同行, 所以都係穩陣啲~以防萬一都係先在網上預約購票

呢篇就嚟介紹下小女子點樣在網上成功預約購票及在日本攞飛~

希望可以幫到大家😊

首先, 要先去到"愛.地球博記念公園"的官方網頁~

https://www.aichi-koen.com/moricoro/

在綠色欄裡, 點選"施設紹介"

點選後就會見到"サツキとメイの家", 在左邊的第一張圖

click 入去"サツキとメイの家" 就會出現下圖

往下拉, 搵"ロ-チケ.com", 然後clcik入去~

之後會跳到呢個網頁"lawson ticket"

往下拉, 點選紅色框框的選項

點選後會出現下圖, 之後click粉紅色框框預約時間

click入粉色框框後, 會嚟到呢個畫面~就可以選擇你想到訪的日期及場次時間

 選擇完日期及時間, 就會出現右邊的選擇欄~
然後選人數, 幾多個大人幾多個小朋友, 選好後按粉紅色"お申し込み"框框

之後嚟到呢個畫面~按右下角的粉紅色框框

之後到呢一頁, 填寫email & 電話號碼, 填好後按粉紅色"次へ"框框

接著會出現呢種類似係圖案認證的畫面, 就要依照指示, 將正確的圖案從左邊拉到右邊

呢頁可能要運用下Google translate幫下手😄~

放好後, 按粉紅色"次へ"框框

嚟到呢頁係要選擇取票方法（一律在商店取票）及如何結帳
有兩種可選擇~一種係在店舖俾錢"店頭支払", 另一種係信用卡過數"クレジットカード"
小女子選擇到店舖俾錢

選完付款方式之後, 往下拉, 呢度要輸入一個自訂的密碼, 輸入完後按粉紅色"次へ"框框

再嚟就係確認預約, 記住核對清楚, 確認時間、人數有無錯誤

確認好之後, 到網頁的最底下, 按下粉紅色"お申込を確定する"框框

完成啦!!!!👏👏👏
預約完會有組預約號碼
呢個預約號碼要記住, 到時攞飛時需要用到嫁~!!

會有確認的email~小女子就將呢個預約email print左出嚟, 以防萬一

請注意: 網上預約必須在2日內到lawson攞飛, 否則會取消預約!!! 

小女子在15/3/2018開始打呢篇文章, 預約email寫明必須在17/3/2018 23:00前攞飛, 所以大家應在出發前1天才進行網上預約, 先可以順利到達日本當地攞飛

但聽說若用信用卡支付係可以在參觀時間前攞飛~小女子唔太肯定, 所以無嘗試

(為左打呢篇文章, 小女子做左個虛假的預約...良心有啲過意唔去🙇...但都係果句~希望可以幫到大家啦~~)

好喇!跟住落嚟介紹下點樣攞飛~

其實預約網頁裡面有介紹, 照住圖片step by step一步步跟住就得嫁啦
http://l-tike.com/guide/receipt.html

要到"mini stop"或者"Lawson"都可以攞到飛

只要照住圖片做就會好順利攞到飛~(反而係要搵到間lawson有啲困難😆, 因為第一天人生路不熟~~)

但因操作機器攞飛時既專心又緊張, 所以分唔到心影相~大家睇網頁吧~~(扼飯食呀😜)

輸入完之後會出現一張好似便利店收據的物體, 就攞呢張去櫃臺給店員俾錢, 店員就會俾入場劵你~

終於攞到啦!!!入場劵到手~!!!👏👏👏