2017冬。 名古屋。 Day 3(2) 愛.地球博記念公園。もりの学舎。小朋友的樂園

 呢個可愛的雪人係邊度出現既呢??

上篇講到的比較冷門景點就係愛.地球博記念公園~

大家對愛.地球博記念公園係咪完全NO IDEA 呢~其實小女子都係~😆

但對公園裡面其中一個景點都可能有啲印象~サツキとメイの家!!~就係愛.地球博記念公園入面喇~

咩嚟??宮崎駿動畫龍貓入面的兩個主角草子次子的屋企呀!!

愛.地球博記念公園係小女子搜尋名古屋市內景點時無意中發現的收穫~

往往遊人會將名古屋當成中途站或去北陸、立山、高山的起步或終點, 唔太會逗留在市內遊覽~但其實名古屋市內都有景點嫁,而且交通亦唔太複雜

從名古屋駅出發, 搭乘地下鐵東山線榮。東山公園。藤が丘方面, 坐到去終點站藤が丘

(車程大約30分鐘)

在藤が丘轉乘リニモLinimo

(要先出閘, 因唔係同一所鐵路經營)

在地下鐵站藤が丘出閘後, 跟著指示就可以去到リニモLinimo的閘口

(出閘後大約行5-10分鐘)

日本除左便利店多, 指示牌都特別多, 而且指示都非常清晰的

所以順著指示行, 一定唔會盪失路

 可用IC卡~

リニモLinimo的每一個站都有唔同的符號代表~

搭6個站在愛.地球博記念公園站落車~車程大約13分鐘

 到達愛.地球博記念公園站後在2號或5號出口出都可以~

沿天橋一直行就去到愛.地球博記念公園的範圍~

先去到呢度--GLOBAL CENTER

附近有個公園內的無料巴士站, 便可搭乘無料巴士去サツキとメイの家

若步行過去, 網上資料話要40分鐘😯, 都係乖乖等巴士吧~

先去對面的綜合案內所, 拿取公園的地圖、資料介紹、無料巴士的時刻表~

案內所仲有龍貓產品購買

"稻荷前"丫😊

案內所內有兩位超helpful的工作人員, 工作人員婆婆話未咁快有無料巴士, 建議我地可先去附近的愛.地球博記念館參觀

公園內的大型摩天輪, 入場費600yen/人(3歲以上)

車箱裡面有冷氣, 就算在炎炎的夏天坐都無問題~

除左摩天輪外, 公園內仲有室內滑冰場、室內溫水游泳池、各類運動球場、兒童遊戲區、日本庭園、茶室等等 

足以讓一家大細玩足一整天~

公園十分之大~而且無人😆 超適合小朋友盡情奔馳放電!!!

5分鐘的路程就去到案內所婆婆推介的愛.地球博記念館

愛.地球博記念公園其實係2005年世博舉行嘅場地，世博結束之後就改建成為公園

而公園內的サツキとメイの家亦係為當時世博而興建的, 將動畫龍貓中草子同次子的屋企變為實景~依家就成為左喜愛龍貓的遊人朝聖地~!!

當時世博的吉祥物~樹同草??

相關的產品

當時的機械人~

十幾年前已經有咁先進的技術與科技真係太厲害👏👏

 除左有機械人展示外, 記念館裡面仲保留左當時接待各國賓客的貴賓室, 以及展示當時從各個參加國家送來的展示品~

記念館的場地並不大, 好快就參觀完~

愛.地球博記念館

營業時間: 9:00〜17:00(最後入場:16:30)

入場費: 免費

出發去草子次子屋企啦~!!在愛.地球博記念館外的巴士站等候無料巴士

注意: 無料巴士的班次十分之疏落~平日1小時得1班, 假日先會有多一班班次

要搭無料巴士的記住留意時間啦~

巴士站旁有個牌寫住"愛知縣兒童綜合中心"

入場費每個大人需要300yen~小朋友係免費的

聽講愛知縣兒童綜合中心裡面有好多個特別的展覽室, 有相當之多的大小型玩具, 亦有好多地方讓小朋友跑來跑去、走上走落~係一個會令小朋友玩一整天唔願離開玩到失心瘋的地方😝

好喇~講返正題~無料巴士出現了~

無料巴士係以龜速行駛的😜可能急步行都比巴士快~
但由呢度行過去草子次子屋企要30-40分鐘~咁就當係坐遊覽車遊覽一下愛.地球博記念公園吧~

經過摩天輪~

車箱裡面有公仔陪你坐摩天輪嫁, 我地見到有個車箱裡面有多拉a夢😊

登登登登~!!!轉眼間就到左サツキとメイの家!!

裡裡外外都好"真實", 同動畫裡面的一模一樣, 每個細節都一絲不苟, 所以會另開文章介紹😄
2017冬。 名古屋。 Day 3(3) 龍貓。 サツキとメイの家。 草壁家。 草子次子屋企

參觀完サツキとメイの家~就去下一個景點~

沿路行都見唔到超過10個人😝~

新鮮自由的空氣~完完全全遠離繁囂

人呀!! 呢個係狂人弟😆

到左另一個景點~もりの学舎(森林的校園) 

免費入場

建築物外的空地放置左一啲玩意~

例如: 藤籃~

裡面仲有松果~應該俾俾小朋友玩拋接松果

傳統的陀螺~

枯葉~

裡面有人呀!!😝😝

係同我地一同參觀サツキとメイの家的可愛小孩😊

入校園內參觀需要除鞋並把鞋放置在入口的鞋架上~

記住留意無料巴士時刻表!!如果唔係就好似我地咁......

校園內有啲自然體驗或手工體驗, 但比較適合小朋友

例如呢個大型裝置

用手不斷攪動輪子, 就會把管內的球推動, 當球經過每處地方時就觸動不同的關卡, 就會有唔同的東西"飛"出嚟~😜

呢啲透明桶裝住左不同種類枯萎左的果實&樹葉

森林校園的課室~假日時有Workshop讓小朋友更加認識大自然

もりの学舎比較適合同小朋友同行~而且假日先會有各式各樣的活動~所以在平日參觀而超晒齡的我地好快就參觀完~~

諗住搭巴士離開, 點知下班巴士要40分鐘後才到達もりの学舎.....

我地慢動作地幫趁埋個洗手間😆~都只係過10分鐘.....

咁就玩下釣松果啦~

玩到無野好玩....

諗過行返出去, 但又唔知要行幾耐, 又怕行得太耐, 爸媽會太累~咁唯有等~等~等~

天色開始暗左...溫度亦降低了.....開始feel到有啲寒......巴士幾時嚟呀!?!?!

好不容易終於等到親愛的無料巴士👏👏👏👏無料巴士裡面好溫暖呀😊

所以巴士時刻表係好重要嫁!!!記住記住記住留意!!!

回到無料巴士的總站~到達總站時記住抬頭同雪人仔say個hello😁~

車站旁邊仲有間小Cafe~

搭乘リニモ返去lu~~

若想自駕到訪愛.地球博記念公園的可放心, 因呢度有大量的停車位~

聽講愛.地球博記念公園在夏天的時候係超級熱門的!!!因為夏季的時候 愛.地球博記念公園有玩水的地方, 係當地人一家大小嚟玩水的熱門消閒好去處~

我地到訪的時候係冬季12月, 所以先會如此的冷清~

雖然係有啲冷清~但無咩人都幾好呀~~可以享受寧靜、悠閒~平時在香港仲迫唔夠咩! 

推介俾大家~尤其係有小朋友的家庭👪😊

據報導, 愛.地球博記念公園會興建"吉卜力主題公園", 並會在2020年開幕
除左現有的草子次子屋企, 到時仲會有"千與千尋"、風之谷、天空之城"等宮崎駿動畫的場景
介時一定吸引好多宮崎駿粉絲到來朝聖, 好期待呀!!!

愛.地球博記念公園
營業時間: 4月-10月 8:00-19:00
                  11月-3月 8:00-18:30
休館日: 星期一(若星期一為假日則下一個平日), 12月29日至1月1 日
官方網址: https://www.aichi-koen.com/moricoro/