黑炭 Charcoal's 旅遊札記~

每年的3月  各大旅行社的廣告就會以 立山黑部 為買點 因日本人及遊客們最熟悉的立山黑部景點 -- 雪壁--雪の大谷只會在每年的4月中至6月中展出     期間限定 嫁!! 要橫越有著日本阿爾卑斯山脈之稱的 立山 黑部 需要搭乘6種不同的交通工具 起初諗住要自由行去立山黑部應該好複雜亦有好多疑慮   行李點樣處置??  要用邊張PASS??  要點樣搭車?? 但其實只要花多少少時間做好功課搵資料   以自由行方式去立山黑部並唔係十分困難   根本唔洗過份擔心   希望呢幾篇文章可以幫到想 自由行去立山黑部的大家😊 立山黑部每年的開山時間係由 4 月至 11 月 提提大家 2017年立山黑部開山日期係4月15日 至 11月30日 期間限定雪の大谷: 4月15日 至 6月22日

中部北陸之旅第3天  我地在酒店食完豐富的早餐之後 <中部北陸之旅。 岐阜。 高山。 高山桜庵> 就出發去高山有名而歷史悠久的兩大朝市 陣屋朝市  &  宮川朝市

在遊覽白川鄉的時候天朗氣清  藍天與白雲☁ 但從白川鄉回高山的途中天色開始變暗   開始下雨☂...   搭乘濃飛巴士  一小時左右回到高山  先回酒店放低手信  按計劃出發到高山老街 入住酒店--> <中部北陸之旅。 岐阜。 高山。 高山桜庵> 從酒店行去車站  會先經過新的商店街 行大約10至15分鐘就會去到 高山必遊的景點-- 老街 古い町並み 行的時候可留意下地下  地下有著行往高山各景點的指示 經過宮川上紅紅綠綠的橋 雲層開始越來越厚...

中部北陸之旅的第二天  我地出發去世界文化遺產---白川鄉 白川鄉合掌村 位於日本岐阜縣西北部    被列為日本三大秘境 1995年被聯合國教科文組織登錄為世界文化遺産 屋頂呈人字型  外表睇嚟好似兩隻手掌合埋咁 於是房子被稱為"合掌造"  而村莊就被稱為"合掌村" 一年四季有著不同美麗的景致 吸引不少遊客到訪 尤其係冬天 每年冬季會選"點燈日"  童話村會在呢幾天亮燈 被雪覆蓋的白色村落  一間間亮著小燈的薑餅屋  美麗有如童話一樣的夢幻圖畫 不單只吸引好多遊客  仲有來自世界各國的攝影愛好者嚟拍照  若想親睹點燈下的白川鄉   記住留意每年的點燈日啦