黑炭 Charcoal's 旅遊札記~

函館係臨海的城市, 三面環海, 所以海產魚獲都非常豐富 黎到函館, 必定要去 函館朝市 嘗鮮🍱🍣🐟🦐🦀 函館朝市於1957年創立, 係北海道最大規模的市場, 亦係日本三大朝市之一~ 裡裡外外差唔多有450間店舖, 乾貨、海產、水果、手信、甚至係藥妝都可以在函館朝市搵到, 當然唔少得海鮮丼、魚生、壽司等食店啦~!!! 是日的早餐就去函館朝市解決~!! 從我地入住的酒店Four Points By Sheraton 函館行去函館朝市只需要2分鐘, 非常之近, 因為就真係係正正隔離 呢幅相係從酒店樓層的升降機大堂影出去~ 距離JR函館駅亦係非常近, 一出車站後右轉過條馬路就到, 基本上只需一分鐘~ 再次提提大家, 去市場記得要趁早~ 大概中午左右市場內的攤販就會陸陸績績收檔, 太遲黎就咩都食唔到買唔到 どんぶり橫丁市場(蓋飯橫丁市場)係函館朝市的海鮮丼餐廳的聚集處 我地就係度食早餐吧~ 呢度有各式各樣的食店, 海鮮丼、壽司、甚至係食帝皇蟹及毛蟹的都有, 共有19間海鮮食店, 任君挑選, 總有一間合心水~ 食店兩旁並列, 睇到眼花撩亂, 事前又無做好功課~ 選擇困難症又發作喇~~唔知揀邊間好😐 好喇~~邊一間順眼就揀果間啦~ 見到好多日本人食又剛好有位, 我地就揀左呢間 朝市御食事処 道下商店 又要揀野啦~~~~食咩好呢??樣樣都好似好好食好吸引呀!!!! 有9月10月限定喎~ 小女子最後決定食當店1番人氣的道下丼 食店內裡裝潢十分簡單 全店只有3個員工, 樓面、收銀、廚房無明顯的分工, 店家應該係由一家人在經營 呢張相係食完的時候補影的, 我地進去的時候, 食店係滿座的, 我地一行6人要分開枱座 當店1番人氣的道下丼~!!每個丼都配上麵豉湯及前菜(魷魚漬及醃青瓜) 滿滿的料舖在飯上面~全部都十分新鮮~!!!😋 蟹肉算係當中最普通的, 中規中矩, 唔算係太好食; 濃郁的海膽既新鮮又鮮甜 令人十分回味的新鮮三文魚籽, 有啲食店會用醬油為三文魚籽調味 呢度的三文魚籽無多餘的調味, 一咬就彈晒啲汁出黎, 搞到小女子件衫都有三文魚籽的痕跡😜 當然唔少得小女子的最愛帆

位於函館海岸附近的 金森倉庫群(金森赤レンガ倉庫) , 早在1859年已經存在, 係函館第一個營業倉儲倉庫 依家所見的紅磚屋係在1909年重新修建而成, 當時紅磚倉庫係用黎保存港口卸船的海產 依家已經成為各手信店、購物中心、餐廳, 係遊客到訪函館必到的觀光景點 可搭乘函館市電到"十字街駅", 步行5分鐘就會去到金森倉庫群 其中一座紅磚倉庫係海鮮市場, 除左海鮮及海產乾貨以外, 也有很多手信購買 海鮮市場旁, 融合在倉庫中的Starbucks 金森紅磚倉庫群的店舖好早就關門, 晚上7點已經閂晒 我地到達的時候已經過左7點, 周圍都無咩人, 水靜鵝飛...... 營業時間:商店:9:30-19:00/ 餐廳:11:30-22:00 又留下遺憾, 留下再到訪的藉口😄 店舖已經閂晒, 但餐廳就無咁早關門既~我地都係時候食晚餐喇~ 我地今晚的晚餐去食 幸運小丑漢堡 Lucky Pierrot ラッキーピエロ 幸運小丑漢堡係函館的人氣快餐店 只有函館先有幸運小丑漢堡, 所以成為左函館最具代表性及必食的美食之一 函館周圍都可以見到幸運小丑漢堡, 今早在五稜郭塔附近有一間, 總有一間在左近 店的內外都有不少影相位~ 除左漢堡包外, 幸運小丑漢堡仲有其他餐點, 例如: 蛋包飯、咖哩飯、pizza...... 同一般的快餐店一樣, 自助型式, 但買完之後職員會給係一個號碼牌, 餐點製作好後, 職員就會送餐到你的座位 p.s.: 我地係呢間餐廳遇到一個非常厭世、塊面黑過炭的嬸嬸店員, 態度極惡劣, 好似我地得罪左佢咁😥 唔通我地阻住佢收工??但餐廳的營業時間係到12:30喎~~ Anyway~~~ 我地一行6人都係點幸運小丑漢堡的招牌餐點--中式炸雞漢堡餐 跟餐的薯條唔係普通的薯條, 而係被大量芝士及肉醬覆蓋著的薯條~~好食,但就好肥仔😜 跟餐的飲品一定係呢款凍茶, 唔俾轉!!!!! 係咪真係規定左唔可以轉嫁??定係果個厭世嬸嬸玩野呢???😑 登登登登!!!!主角中式炸雞漢堡(チャイニーズチキンバーガー)👏👏👏👏 好好味~!!!! 舊炸雞超juicy,