黑炭 Charcoal's 旅遊札記~

一講到去大阪血拼購物, 相信大家應該最先會諗到的係難波、心齋橋、梅田~ 但其實就在距離心齋橋不太遠的地方，就是大阪潮牌及古著的集中地, 被稱為大阪的原宿-- 南堀江(Orange Street) 人氣潮牌Supreme、BAPE、HARE.....都可以在南堀江搵到, 除此之外, 仲有不少中古店可以尋寶尋寶 以立花通為中心的南堀江Orange Street, 並無心齋橋、難波咁擠迫及嘈雜, 而且呢一帶仲有不少高質素的咖啡店, 行到累可以坐下休息下嘆個下午茶~ 由熱鬧的難波、心齋橋行去南堀江, 大概係10-15分鐘的路程 注意: 南堀江的店舖大部分都係11am才開門, 而定休日多數係星期三 我地首先去到的店舖係潮牌狂人弟的愛牌 Supreme 營業時間: 11:00-20:00 HARE BIOTOP , 售賣無添加化妝品、服飾、家飾用品, 店舖有兩層, 地下有咖啡店~ Pour Mademoiselle , 古典飾物店 店舖的裝修都係行古典路線, 除左販售各種二手精品(Chanel就係主要銷售品牌), 店內亦有cafe  營業時間: 12:00-19:00 UNDEFEATED Raconter , 一間崇尚自然風格的雜貨店 營業時間: 11:00-20:00, 不定休 Pesa , 麵包店 營業時間: 10:00-20:00, 定休日: 星期三 Pesa的麵包樣子十分精美, 而且睇落每個都好好味咁, 真係想每款都買一個試試~ 幫趁的人絡繹不絕, 多數係當地的年輕日本太太 店舖近門口的位置係麵包售賣的地方, 而後少少的位置就係咖啡店 雖然已到中午, 但人流唔太多, 行逛得十分舒服 Orange Street有不少 cafe 林立, 小女子之前已經做好左功課, mark底左一間cafe要去試試 Micasadeco & Cafe 創立於大阪的 Micasadeco & Cafe, 最有人氣的係Ricotta Cheese梳乎里Pancake 小女子就係被呢個pancake 吸引住~~~~~ 我地到訪時係平日, 未到下午一點, 已經有人在店舖門外

喂喂喂~!!! 之前咪話過啲野越來越貴, 又越來越多人, 所以唔想再去既~~~但始終又係要去喎~~~哈! 身體永遠是誠實的~黎到大阪, 唔去大阪廚房黑門市場, 好似始終都差左少少, 個旅程好似有點缺失咁~~~~ 以上純粹個人的感覺與見解 當然其實仲有好多市場可以去, 為何係都要黎黑門市場呢?? 以第一、兩次到訪大阪的遊客而言, 黑門市場係值得去既, 原因有二:  原因一: 黑門市場位置十分方便, 位於遊客的集中區域--難波心齋橋附近, 在黑門市場食完個豐富的早午餐, 就可以去難波心齋橋shopping~!! 原因二: 黑門市場係做遊客生意的, 市場內大部分都係食店, 刺身、壽司、海鮮丼、天婦羅、煎和牛、拉麵......, 仲有超級市場及土產手信店, 一個市場就已經可以滿足你 咁若已經到訪過大阪數次呢?? 其實可去可唔去, 近近地就去買下食下野咁囉~😆 從前的當地人市場, 已變成熱門的遊客景點, 雖然食物的價錢一次去比一次高, 但放眼望過去全部都係盡吸眼球的美食, 多多少少都會抵擋唔住引誘~~~~ 林林總總的壽司、海鮮丼 各款的即燒海鮮~ 市場當然緊係有媽媽們最愛的新鮮日本本地的水果 一場黎到都要食少少野既~😙 我地今次無去香港人的熱門食店黑門三平, 轉左去 千成屋 ~ 千成屋的食品種類比黑門三平的多元化: 和牛、長腳蟹、燒物、鍋物等等, 若同行有唔多食生野的朋友, 建議去千成屋, 生野熟野可以一齊食, 當然你可以食完呢間再食下一間既~ 每次必去的 萬野總本店 萬野總本店係食咩既呢?? 係食現燒和牛的 只有在櫥窗最上層的和牛可以即燒即食 時間係10:00-17:00 承惠2838yen, 咁就食左差唔多二百蚊港紙~~ (若兌換率係100yen=HK$7) 即場由店員為你烹調 食得lu~~~超juicy~~ 再次提提大家: 要在店舖範圍或門口附近用餐完畢先好繼續逛呀~!!!  香港人最愛的 黑門三平 ~ 之前每次黎到黑門市場, 我地都必會幫趁, 但奈何人越來越多, 食品的價格又越來越貴~ 今次無再入去~而且市場內仲有好多其他的選擇

到訪完東茶屋街, 我地就去到金沢的廚房近江町市場, 作為我地離開金沢之前的最後一個景點 近江町市場已經差不多有3百年的悠久歷史, 係金沢市的飲食文化代表, 亦係遊客必到的景點 前往近江町市場的交通, 就都係運用金沢市內的巴士 搭乘巴士到"武蔵ヶ辻"站下車就可以抵達 2019 夏。令和元年の旅。金沢。金沢市內交通。北鐵巴士。輕鬆遊金沢市內景點 石川縣的金沢位於日本西部的臨海，海鮮資源十分豐富，黎到市場當然就要去嘗鮮啦~!! 除左市場必賣的新鮮蔬果、乾貨及海產以外,  近江町市場內亦 有好多家可以現吃的食堂 好吸引的海鮮丼~!!!因當日的早餐太豐富, 小女子同狂人弟都唔太餓, 所以並無食到海鮮丼, 我地決定掃街~!!! 在市場主入口的不遠處, 巨大的生蠔已經吸引住狂人弟的目光~~~~ 好大隻的蝦呀~!!! 當然唔可以缺少日本市場必食的海膽~ 第一間店家已經咁吸引😋 我地決定睇定啲先, 行多幾間先決定食邊間~!!! 除左新鮮的海鮮以外, 仲有燒的海鮮, 唔食生野的朋友都有啖好食嫁~! 但喜歡食刺身的人就一定覺得新鮮的當然要生食, 唔需要加任何調味, 先食到海鮮本身的鮮甜 行左一陣, 最後決定食呢間~ 狂人弟就食肥美的生蠔, 而唔食生蠔的小女子就食左隻巨型的蝦~ 完全無丁點兒的腥味, 留在口中的只係鮮甜的海洋味及海鮮本身的鮮味~!!😋😋😋 食完小小食, 就再逛逛市場, 繼續尋找美食~!! 蟹呀~!!! 好好味咁喎~!! 近江町市場壽司 聽講係大件夾抵食, 店家強調以便宜的價格, 提供最好品質的當季食材 最後決定返返去剛才食果間繼續食~~!!! 超鮮甜的海膽~!!在香港, 好難以咁的價錢食到咁高質素的海膽~一點腥味都無, 超鮮~!!! 所以每次到訪日本的市場都係必食item~!!! 狂人弟決定要食多隻超肥美的生蠔~~超巨型, 差唔多成隻手掌咁大~~~ 石川縣出名的壽司店もりもり寿し迴轉壽司亦有分店在近江町市場啊~!! (我地就去左在JR金沢駅旁的FORUS百貨6樓的金沢站前店) 2019 夏。令和元年の旅。