黑炭 Charcoal's 旅遊札記~

哥拉巴庭園 Glover Garden グラバー園 被認定為日本現存最古老的木造西式建築, 並在1961年被列入國家重要文化財 在1859年幕府末期, 長崎開放外國通商, 哥拉巴庭園當時係蘇格蘭商人Thomas Blake Glover的住所 依家係遊客到訪長崎必去的景點, 逛逛洋式建築、花圃, 仲可以在園內眺望長崎港灣的美景 (到訪日期: 2019年10月9日) 我地在福岡到達長崎以後, 先去品嚐長崎的人氣蕃茄湯拉麵--柊拉麵 2019 秋。北九州。長崎。らーめん柊 Hiiragi。特濃蕃茄湯拉麵 由柊拉麵出發去 哥拉巴庭園, 就去搭乘 長崎的路面電車, 基本上在長崎市遊覽都係搭乘路面電車, 所以建議大家要購買長崎電車一日券 (路面電車の全線が1日乗り放題!) 500yen 由柊拉麵去哥拉巴庭園: 先搭 系統 1 藍色線(往"赤迫"方面) 在 "觀光通" (33) 前往 "新地中華街"(31) 在"新地中華街"轉乘 系統 5 綠色線 (往"石橋"方面) , 在 "大浦天主堂"(50)  或在總站 "石橋"(51)  落車~ 徒步5分鐘, 就可以去到哥拉巴庭園 幾年前, 我地到訪哥拉巴庭園係在"大浦天主堂"落車, 落車後會經過一條沿著斜坡而建的商店街 今次就試下在"石橋"落車, 用另一條路線行去哥拉巴庭園 在石橋落車後, 沿路的指示十分清晰, 唔怕會行錯路 在電車上, 我地遇到一個十分友善的日本伯伯, 主動地同我地傾計, 問我地係從邊度黎 伯伯好關心香港的狀況, 叫我地要加油😭😭😭, 好感動 伯伯主動地帶我地去 哥拉巴庭園, 仲為我地 介紹 沿途的建築物 無論係在"大浦天主堂"或在"石橋"落車, 都係大約步行5分鐘就去到哥拉巴庭園 當然, 若在"大浦天主堂"落車會經過商店街, 可能會被商店街吸引住, 耽誤左行程~~~~😝, 而且需要行斜路上山~ 在石橋落車就唔洗行斜路, 可以搭升降機上山~

一講到由布院的人氣知名餐廳, 大家都會即刻諗起 主打 釜鍋料理 的 由布まぶし 心 由布まぶし 心   每一份釜飯都係將米飯和醬汁裝在陶鍋裡即叫即製作, 分別有豊後牛、鰻魚及地雞 由布まぶし 心在由布院有兩間店, 一家在金鱗湖旁, 而另一家就在由布院車站前附近的二樓 因碰巧到訪時係星期四, 車站旁的分店休息, 所有慕名而來的遊客都唯有去晒金鱗湖本店...... 真係人頭湧湧呀~~!!! 但一場黎到, 又無理由唔試下~~咁就唯有乖乖去排隊吧~ 金鱗湖本店 營業時間: 10:30-18:30 (最後點餐: 17:30) 公休日:星期二 駅前分店 營業時間: 11:00-16:00 (最後點餐: 15:30), 17:30-21:00 (最後點餐: 20:00)  公休日: 星期四 由布まぶし 心的招牌菜式係豐後牛、鰻魚、地雞釜飯 (其實係只有幾樣野食😂) 豊後牛まぶし(2454yen), 鰻まぶし(2454yen), 地雞まぶし(2272yen) (稅拔) 亦可單點炭火燒豊後牛、地雞或鰻魚 在門外排隊, 店員會出來詢問入座人數, 然後再等候店員安排入座 唔好以前只有遊客幫趁, 都有不少日本人食嫁! 在香港出去食餐飯都成日要排隊, 閒閒地都要排成粒鐘 我地等左大概40分鐘, 店員就安排我地入座, 比我想像中快 我地4個人就一人叫左一個釜飯套餐: 2個豊後牛まぶし, 1個鰻まぶし, 1個地雞まぶし 套餐包括有季節前菜、陶鍋釜飯、漬物及味噌湯 跟餐的季節前菜~呢度係4人份~ 非常日式的前菜, 雖然有啲唔知係咩黎 (例如: 圖中呢一舊白色的物體),  但食得出食材的原味 小女子最欣賞當中熱呼呼的雞蛋卷~!!蛋味濃厚, 好味~!!都話日本的蛋係寧捨好食嫁喇~^^ 麥味十足的由布院啤酒 地雞釜飯 地雞まぶし(2272yen) (稅拔) 查考網上的資料, 地雞在出生28天以後要放養, 而且要有50%以上血統是日本本土的, 先叫做地雞 小女子呢個釜飯的地雞少得可憐, 好似俾人食過咁~~~~同網上的相片&餐牌上面有出入喎~!!!! 雖然份量少, 但地雞食起來肉質很鮮嫩多汁, 滿滿炭燒的香味, 味道十分好~!!!