黑炭 Charcoal's 旅遊札記~

一年一度的大阪回鄉之旅又黎啦~!!! 大阪真係去極都唔會厭嫁😛 除左有好多美食的吸引之外, 大阪的交通方便, 可以以大阪為中心, 再以放射式的方法去遊覽, 近既可以去京都、神戶、和歌山, 遠則可去山陰山陽地區, 甚至北陸地區 亦適合第一次想到日本自遊行的朋友, 交通便利而且唔太複雜(同東京比較😝), 其實若第一次到訪大阪, 玩大阪市內加京都已經十分足夠 黎到日本, 真係一日食5餐都食唔晒想食的野~~~~~ 壽司、刺身、甜品、雪糕、海鮮丼、拉麵、和牛......🍜🍡🍢🍣🍤🍥🍦🍨🍩🍰🍮🍲 今次小女子同狂人弟當然唔係只停留在大阪啦~!!一如以往, 除左食食食不停食之外, 仲會去之前未去過的地方~ 要移動去其他地方, 當然要好好利用JR西日本 JR WEST提供給旅客的各種周遊券 由JR WEST發行的周遊券林林總總, 總有一張適合你~ 今次我地會使用 關西北陸地區鐵路周遊券 JR Kansai- Hokuriku Area Pass 呢張JR北陸Pass使用期限係連續7日 票價為: 海外購買:15000yen/人, 在日本國內購買: 16000yen/人~ 稍後另出文章介紹~ 2019 夏。令和元年の旅。関西北陸。關西北陸地區鐵路周遊券 JR Kansai- Hokuriku Area Pass 之前曾經使用過 JR WEST 的 周遊券: 2018夏。 大阪。 交通篇。 廣島&關西地區鐵路周遊券 JR Kansai -Hiroshima Area Pass 関西・広島エリアパス 2017夏。 大阪岡山。 交通篇。 HARUKA特急。 關西廣域鐵路周遊券 JR Kansai Wide Pass 咁究竟我地今次會去邊度呢?? 首先, 在旅程的第二天我地去左稱為京都秘景的 美山町茅葺之里 (かやぶきの里) 美山町茅葺之里於1993年被選為國家重要傳統建造物群保存地區 日本尚有幾個保存良好的傳統茅葺屋集落, 除左為人熟悉的熱門旅遊地點白川鄉, 美山町茅葺之里都係其中之一~ 雖然美山町茅葺之里位於京都, 但稱得為"秘景"就當然唔係在市區喇~ 若自行乘搭交通工具前往, 其實都有點麻煩~所以唔太建議初次自遊行的

終於到左2019冬天遊記的最後一篇~黎到最後一天, 我地就留在酒店食個超豐富的早餐, 為今次4月3夜東京迪士尼35週年慶典之旅作個完美的總結~!! Sheraton Grande Tokyo Bay Hotel有好幾間提供朝食(即係早餐)的餐廳, 無論係日式、西式、自助形式都有~ 我地就再次幫趁位於酒店一樓的Grand Cafe, 因為Grand Cafe的buffet早餐實在太吸引啦~!!! 被安排坐在落地玻璃窗的位置~ 可以一邊品嚐豐富的早餐, 一邊欣賞花園的美景~ 但太陽有點猛, 坐得耐的話有啲熱~😅 為何Grand Cafe的早餐buffet咁吸引呢?? 一一為大家介紹~ 首先, 酒店自家出品的麵包及鬆餅~🍞 有個大焗爐在後面, 唔知係咪會有自家製pizza呢~朝食就唔多見有pizza, 可能係午市或晚市吧~ 西式~🍝🍳 中式~ 日式~🍜🍣🍥 Cold Cut~ 一整輪芝士~🧀 各款果汁~🍹 沙律~🥗 水果~🍈🍎🍍🍇🍑 仲有雪糕及雪芭~🍦🍧 為小朋友而設的色彩繽紛的塑膠餐具🍴, 裝餐具的盤係用lego砌成嫁~!! 各種的穀物類早餐~ 朝食限定的自家製甜品~🍮🍰定期會推出新款嫁~!! 呢期就做緊兩款豆乳甜品~分別係豆乳布丁🍮 同埋 豆乳綠茶千層蛋糕~🍰 每一樣都試少少就已經好飽足~ 水果係要食多啲既~ Grand Cafe的面積非常之大~一次過可容納好多人客, 但今次我地都要等左一陣先有位~~~ Grand Cafe唔可以預先留位, 若唔想等位, 就避開熱門用餐時間吧~😊 講左咁耐, 咁究竟幾錢位呢?? 3400yen/大人, 2600yen/9-12歲小童, 2100yen/ 4-8歲小童 其實以早餐黎講, 價錢都略貴, 但食一天亦無妨丫, 況且係好食及滿足的😊 相關文章(入住日期: 20/1-23/1/2019) : 2019 冬。 東京迪士尼35週年。令人忘懷的住宿。Sheraton Grande Tokyo Bay

今篇同大家介紹一下迪士尼度假區內唯一的商場-- IKSPIARI 伊克斯皮兒莉購物中心 集美食、購物、娛樂於一身的 IKSPIARI  位於JR京葉線舞濱駅及迪士尼度假區線的Resort Gateway Station渡假區總站旁邊 由於 IKSPIARI 係度假區唯一的商場,   所以無論係住在度假區內的遊客或係來迪士尼玩一天的遊客都必定會經過的地方, 而且商場入面仲有間全日本最大的DisneyStore, 迪士尼的粉絲又點能夠錯過呢~!! 由東京迪士尼樂園可步行前往 IKSPIARI~ 入 IKSPIARI 之前, 會先經過呢間在 IKSPIARI 商場門外的DisneyStore~ 在樂園裡面未買夠紀念品, 就可以係度繼續shopping~!! IKSPIARI 樓高4層, 4樓主要係餐廳食肆, 3樓有各式各樣的店舖及餐廳,  全日本最大的DisneyStore就在2樓 一齊黎睇睇號稱全日本最大的DisneyStore有咩野睇先~ 當地剛剛推出的nuiMos迪士尼換衫公仔, 樂園裡面都見唔到有得買~ 有迪士尼同其他品牌crossover的商品~ 有個角落位係擺放Marvel的產品~ 呢度的商品都係樂園裡面無售賣的~ 除此之外, 2樓仲有戲院及大家熟悉的店舖, e.g. ABC Mart、Gap、Lowrys Farm、Urban Research等等 IKSPIARI有好多不同種類、國家的餐廳食肆, 總有一間啱你心水~ 4樓的食肆平台花園~ 住在度假區酒店的我地, 連續兩晚玩完樂園都黎到4樓的餐廳食晚餐~ 首先係呢間, 排長龍的壽司店--築地玉壽司 可能大家黎到日本都一心諗住食壽司, 而築地玉壽司係IKSPIARI 商場唯一一間壽司店, 所以就大排長龍啦~除左受遊客歡迎之外, 都有不少日本人幫趁嫁~ 等左差唔多一個鐘頭, 終於有位啦~!! 築地玉壽司的食物質素都不錯~熱辣辣的燒玉子~!! 好鮮甜的蟹棒加上濃郁的蟹膏, 超好味~!!! 啲蟹膏咁正, 緊係要encore既~😋  食壽司或刺身當然離不開海膽~ 之後果晚就去左狂人弟