黑炭 Charcoal's 旅遊札記~

相信大家對Pablo一啲都唔陌生, Pablo的招牌流心芝士撻亦成為遊人去大阪必食的美食 而小女子同狂人弟都係Pablo的粉絲, 但我地就偏好Pablo的期間限定或季節限定的產品 再次到訪的係位於 大阪道頓崛的分店, 由於時間都唔早, 所以我地決定買外賣返酒店慢慢嘆~ 買 外賣的人都唔少~~當中大部分的都係遊客😁 有三款唔同的芝士撻: 1. Nude: 只有裡面果層流心芝士, 無左外面的撻皮, 咁咪即係有啲似食燉蛋?? 2. Original: 之前食過, 本人唔太喜歡最上果層" 羅拔臣啫喱粉芒果味"既野~~ 3. Rich: 新登場的產品~價錢貴成一倍, 但新野喎, 緊係要試試啦😋 所以最後決定買Rich!!! 又到MOMO(桃的日文發音)的季節~又到左期間限定桃味芝士撻推出的季節 玫瑰花形狀的桃味芝士撻, 既有外表, 亦有內涵, 合時候的momo十分甜而多汁, 加上招牌的流心芝士, 好好食嫁, 值得一試👍 由於之前已經食過桃味芝士撻, 今次就唔食喇(大佬~邊有咁多個胃呀😂), 我地今次就將焦點放在RICH!!! 濃厚No. 1!!! 樓高兩層的 道頓崛店, 一樓係外賣區 二樓就係cafe, cafe有售幾款芝士撻的迷李版, 但只限堂食 其實連埋稅都只係800yen~即係60蚊港紙左右, 物有所值👍👍👍 又一個數量限定+期間限定~蘋果芝士撻~~ 咁多新野, 食唔切呀😣唯有等待下次~ 貴Original成倍的RICH究竟有幾RICH?!?! 一齊黎揭開RICH的面紗😂 一打開, 成個巨型蛋撻咁~ 面頭並無小女子唔太喜歡的original果層 羅拔臣啫喱~ 一切開~嘩~!!!特濃的芝士流心, 其實芝士唔太流心, 因為真係超濃~~~~~texture似燉蛋多啲, 可能已經凍左, 剛出爐的時候應該會比較流心吧~ 芝士味濃烈的程度同newyork cheesecake差不多, 就好似食緊蛋撻與newyork cheesecake混合版~ 小女子就只係食左一角, 因為真係十分膩~~ 狂人弟就非常欣賞濃厚No. 1 RICH, 因佢好喜歡食newyork cheesecake,

黎到旅程的第四天, 我地去到與天橋立及松島並列為日本的三大景的 宮島 有人叫宮島做嚴島, 咁究竟呢度係嚴島定係宮島呢??? 無所謂啦~兩個名稱都有人叫, 正如日本女士最喜愛的溫泉之鄉北九州的由布院/湯布院一樣 有1400年以上歷史的海上鳥居係嚴島神社的一部分, 係日本國寶級古蹟, 而嚴島神社被列為世界文化遺產之一 嚴島神社不僅在日本人心目中都被說係一生必去之處, 亦吸引很多國外遊客每年到訪, 而我地當然要去其中最名聲遠播的海上鳥居啦!!!期待已久的海上鳥居~here we go!!! 從難波出發, 先搭乘地下鐵從御堂筋線的難波去到新大阪 去到新大阪便可以使用JR Kansai -Hiroshima Area Pass轉乘新幹線前往廣島 我地搭8:42從新大阪開出的新幹線のぞみ３號, 終點站係北九州的博多 途經新神戶、岡山、廣島、新山口、小倉 我地就在第三個站"廣島"落車 JR Kansai -Hiroshima Area Pass不包括指定席, 所以我地只可在自由席的車箱搵位坐 好在車上唔算太多人, 大部分的乘客都係著西裝的上班族 大約1個鐘頭20分鐘就由新大阪去到廣島 轉搭JR山陽本線 JR山陽本線(岩國行)前往"宮島口" 大約半個鐘頭就到達宮島口 跟著地圖的指示步行去渡輪碼頭 穿過地下隧道 分別有兩間船公司經營由宮島口前往宮島的渡輪, 一間係JR, 而另一間係松大汽船 若使用一日乘車搭船券的遊人, 請記得搭位於左邊的松大汽船 宮島松大汽船時刻表, 約15分鐘一班 查詢時刻表: http://miyajima-matsudai.co.jp/schedule/ 而同我地一樣持有JR Kansai -Hiroshima Area Pass的, 就到右手邊的碼頭免費搭乘JR西日本宮島渡輪前往宮島 JR渡輪有一個賣點, 就係船會駛去比較接近海上鳥居的位置 渡輪的班次都幾頻密, 15分鐘一班 到訪宮島的旅客人潮都不少 見到海上大鳥居喇~!!! 由宮島口去宮島大約只需要10分鐘左右的船程 JR西日本宮島渡輪