2018夏。 大阪 。 京都。 日本三大景之一--天橋立。海之京都。丹後半島寶物丼
天橋立 (あまのはしだて Amanohashidate) 和廣島縣的宮島、宮城縣的松島並列為日本的三大景
天橋立屬於丹後半島區域, 位於京都府的北部
海邊的丹後半島、伊根町、舞鶴都屬於京都的一部份, 歸納為"海之京都"
通常遊人都會把天橋立及伊根町的行程排在一起
伊根舟屋群可說是日本最近海邊的一條村落,建在水上,有點似香港的大澳
今次我地就只到訪天橋立,下次再去伊根町吧~!!
我地從難波出發, 先搭乘地下鐵從御堂筋線的難波去到梅田
去到梅田就轉乘JR, 步行去到JR大阪駅
入閘後就搵3號月台, 我地要搭的係特急こうのとり
9:10由JR大阪駅開出的"特急こうのとり3號", 終點站係"城崎溫泉"
我地要在中途站"福知山FUKUCHIYAMA"落車
使用廣島&關西地區鐵路周遊券 JR Kansai -Hiroshima Area Pass, 丹後鐵道亦係使用範圍內
大約1個半鐘頭就由大阪去到福知山
到達福知山後, 剛好班次配合到遇停在對面月台往天橋立的丹後鐵道"特急はしだて1號", 就走到對面月台轉乘便可
若班次無配合到, 就要行到去丹後鐵道的月台乘車
放心!! 丹後鐵道的月台就只係在旁邊不遠處, 而且有很清晰的指示
剛好遇到丹後鐵道觀光列車赤松號電車あかまつ号停泊在旁邊的月台
介入下先~京都丹後鐵道的觀光列車有三種, 除左我地見到的赤松號(あかまつ号)外, 仲有青松號(あおまつ号)及黑松號(くろまつ号)
3款觀光列車都係由日本鼎鼎大名的工業設計師水戸岡鋭治重新設計的, 採用最高級的天然原木
青松號無需預約, 全車自由座, 赤松號部份指定席, 黑松號全車指定席30位, 每週五六日運行
赤松號及黑松號需要事先預約才可搭乘, 3款觀光列車的觀光路線也有所不相同
從2017年4月1日開始JR關西廣域型周遊券也可以搭乘京都丹後鐵道青松號到天橋立駅
若要搭乘赤松則另加540, 而搭乘黑松號必須支付原價
丹後觀光列車每日運行情況、運行時間、觀光路線、預約程序及其他詳細資料,
可參閱官方網址:https://trains.willer.co.jp/matsu/train/dia.html
可參閱官方網址:https://trains.willer.co.jp/matsu/train/dia.html
半個鐘後, 就由福知山黎到天橋立~
先在車站內的觀光案內所購買天橋立傘松觀光劵
天橋立傘松觀光劵包含傘松公園展望台來回纜車及天橋立觀光船來回
但不包含飛龍觀展望台來回纜車
觀光案內所的嬸嬸十分友善, 詳細地介紹行程, 仲在地圖畫埋有關路線及寫埋觀光船的來回時間👍👍👍
天橋立駅和車站同樣都係由原木搭建, 十分賞心悅目
行去飛龍觀展望台, 由天橋立駅步行大約5分鐘
營業時間: 9:00-17:30
飛龍觀展望台纜車來回劵 780yen/人
可選擇坐纜車或單人吊椅登山
兩卡的纜車
到啦~!!日本三大景之一--天橋立
天橋立: 海上寬度約20-170公尺、全長約3.6公里
係因沿岸沉積物成沙嘴地形而形成的沙洲
沙洲上面有著大大小小約8000株的松樹, 形成一個特殊的自然景觀
股のぞき台("從跨下窺看"觀景台)
即係點?? 請參考下圖
飛龍觀展望台除左可觀賞沙洲外, 仲有個小型遊樂園
當然唔少得紀念品攤檔
飛龍觀回廊
基於安全的理由, 若然太大風雨, 飛龍觀回廊會關閉
感恩當天天氣超級好👏大晴天~!!
上到回廊超大風, 差啲帽都飛走👒
在更高處眺望呢個日本三大景
整個展望台的環境十分舒適, 種滿左花草樹木, 悠閒地坐下嘆杯咖啡傾下計, 而且人又唔太多, nice!!!
係時候落山繼續下個行程
我地選擇坐吊椅落山
坐吊椅落山可繼續欣賞著美景, 而且陣陣微風吹埋黎, 十分舒服; 比起纜車, 更推薦大家坐吊椅👍
落山後, 我地就前往碼頭搭觀光船去對岸
去碼頭會經過一條商店街
除左可搭觀光船去對岸, 有氣有力的遊人可以在商店街的商店租單車, 在沙洲上踩單車過對岸
5分鐘左右就到達觀光船碼頭
搭觀光船去對岸沙洲的傘松公園(一の宮駅), 來回960yen/人
由天橋立去一の宮駅的班次: 平日半個鐘一班(00分,30分), 星期六、日及假期就20分鐘一班(00分,20分, 40分)
剛才在天橋立駅的觀光案內所購買的天橋立傘松觀光劵已包含觀光船船票來回
碼頭內有蝦條賣, 100yen/包, 放100yen在小膠箱內就可以
點解有得賣蝦條??? 係用黎餵海鷗嫁!!!🐦
可能有人會問: 若唔搭觀光船, 亦唔想踩單車, 若時間比較充裕, 沿著沙洲步行去對岸可以嗎??
當然可以~!! 要行幾耐?? 有blogger話大概要行45分鐘至1個鐘
講返觀光船~觀光船有兩層
一開始多數的乘客都會選擇到上層睇風景
但去到中段有啲人就會返到下層, 因為上層係超級大風, 吹到頭都甩🌀🌀🌀
雖然係比較大風, 但係舒服既~好有渡假的feel~~~
轉眼就去到對岸的一の宮駅
跟著指示行, 行大約5分鐘就去到傘松公園
行上斜坡就可去到傘松公園的纜車站
時間都唔太早, 先去食個lunch~~
つるや食堂, 在傘松公園纜車站附近
選擇つるや食堂的原因就係因為佢--- 丹後のお宝丼(寶物丼)
將當季丹後半島的各種美味食材全部放在呢一碗飯之中~
除左寶物丼, 用紫米及紅米做的麵條都好吸引好特別
登登登登~!!!!寶物丼出場~!!
寶物丼套餐有漬物、麵豉湯及紅米麵條~!!
寶物丼內有好多"寶物", 而且十分新鮮~!!
店員教導我地應該要如何品嘗寶物丼, 就係把醬油加入後再攪拌, 每一口都食到新鮮的海產
黎到海之京都, 一定唔可以錯過寶物丼呀!!!
食堂門口有手信買, 當然唔少得丹後名物--黑豆
黑豆係健康的食品, 不妨買多幾包送禮自用皆宜
時間唔太夠, 所以我地無坐纜車上傘松公園的觀景台,
蝕左~~因為天橋立傘松觀光劵包左呢程來回纜車嫁嘛~
另一個醫肚的選擇--傘松公園纜車站府中駅旁的よしのや
地下係土產店, 而餐廳就在上層, よしのや出名海鮮丼及あさり丼(即係蜆丼)
傘松公園呢邊都有租借單車的地方~
搭觀光船回到對岸
由一の宮駅去天橋立的班次: 平日半個鐘一班(15分,45分), 星期六、日及假期就20分鐘一班(00分,20分,40分)
海鷗出沒了!!! 但我地來回坐的船都無遊人買蝦條餵海鷗喎~
阿海鷗企左係度都幾耐, 以為有得食...點知等極都無動靜, 最後就好無癮地飛走了~~~
點解我地咁急要返黎對岸?? 因為要趕返去天橋立駅搭車囉
我地要趕搭開14:55的特急はしだて6號前往福知山, 再在福知山搭特急こうのとり20號返大阪
點解一定要搭呢班車?? 因為下班車要等到18:05~~
趁仲有少少時間, 在車站買少許野食上車食, 消磨下時間~
買左黑豆茶及奶味勁濃的雪糕😋😋
到達福知山~
接駁在對面月台的特急こうのとり20號返大阪
若錯過左14:55呢班車, 就要等到18:05先有車??其實唔係既~😌
若其他時間, 就要經過京都丹後鐵道的月台下車後轉到JR的月台搭JR, 而唔係只係行去對面月台
其實有晒指示應該行去JR的月台都唔會太難太複雜, 但我地最怕麻煩, 所以就趕上可以接駁JR的丹後鐵道班次
以下俾大家參考下~
由天橋立返大阪
|
留言
張貼留言