黑炭 Charcoal's 旅遊札記~

蟹蟹蟹~!!!好掛住呢隻非常美味鮮甜又厚肉地的帝王蟹呀!!!!!!🦀 黎到北海道, 緊係要抓緊著每個食海鮮的機會喇~!!!話說我地的6日5夜之旅, 小女子就安排左去3個北海道各地區的的市場, 較早之前就去左位於函館駅旁的函館朝市~ <2018秋。 北海道。函館 。函館朝市。 どんぶり橫丁市場。 海鮮丼> 是日的行程, 我地早上去完北海道大學 & 北海道廳舊本廳舍參觀, 就出發去小樽, 去搵帝王蟹啦!! 從札幌出發去小樽非常之方便, 坐一程JR就可以去到 可以搭乘JR函館本線的普通列車或快速エアポート号 見到大海, 即係我地越來越接近美味的帝王蟹啦~!!😁 大約40分鐘左右就到達小樽喇~ 我地先前往去三角市場搵食, 食飽後就會行去小樽運河&商店街~ 三角市場就位於JR小樽駅的左手邊, 基本上一出車站就已經見到~ 三角市場的環境比較狹窄, 地下比較濕, 而且非常擠湧~!!!但要食好野係要付出少少代價既~!! 蟹呀!!!!🦀🦀🦀🦀🦀🦀🦀🦀😋 參考網上的bloggers資料, 通常大家都係在三角市場幫趁 武田鮮魚店 或者 滝波食堂 兩間食店都排滿長長的人龍, 當中除左一部分係遊客外, 仲有不少係日本人~ 等待期間~見到啲食物真係流晒口水~~ 超大條的八爪魚~~🐙 最後我地決定幫趁 武田鮮魚店 , 因為武田鮮魚店有得攞飛, 而且有店員嬸嬸非常落力的招呼 等位的時候, 可以先挑選食物~ 各種的帝王蟹&毛蟹, 烹調方法可以係烚、燒或半烚半燒 刺身、燒物、定食的menu~ 各款的海鮮丼~ 嘩~!!!!我地隻帝王蟹黎啦~!!!!!👏👏👏 燒的蟹腳~ 另一半係烚既~ 我地一行6人, 除左小女子外, 每個人都各叫左一碗不同的海鮮丼~    小女子都"痴"左少少海膽食~~超級好味呀!!!! 三文魚籽都好鮮甜呀!!! 唔食生野既媽媽就叫左一條燒鰻魚+一碗白飯~ 鰻魚超級肥美, 超大條~!!!要用刀叉切鰻魚, 真係好誇張~!!! 小

(旅遊日期:20/10/2018 星期六) 黎到旅程的最後一天full day, 我地早上會先去札幌市內的兩個景點-- 北海道大學 & 北海道廳舊本廳舍 北海道大學 & 北海道廳舊本廳舍都好近我地入住的酒店, 可以步行到達 一心諗住去北海道大學睇銀杏並木, 點知...... 由札幌三井花園酒店出發去北海道大學唔太遠, 大約10-15分鐘左右就到~ 或可搭乘地鐵南北線到北12條站2號出口, 步行約5分鐘就會走到 我地從南門進入呢間歷史悠久的大學 北海道大學係北海道的最高學府, 亦係日本歷史上七所帝國大學之一 前身為開拓使時期的札幌農學校 若從正門進入, 可以到正門旁的情報中心索取免費的散步地圖 我地唔係從正門進入, 就靠google大神帶路啦~  小女子的北海道大學散策路線: 南門-->銀杏大道-->白楊林蔭道-->克拉克博士銅像-->正門 步行去銀杏大道 （イチョウ並木） 會經過百年記念會館 北海道大學的校園好美, 周圍種滿了樹木, 空氣十分清新~ 而且當天整個校園周圍都唔太多人, 可能係星期六的關係吧~ 在校園裡游走, 不禁令小女子想起從前在大學校園生活的點點回憶~ 不久, 就到左北海道大學的 銀杏大道 （イチョウ並木） 但說好了的黃澄澄銀杏樹呢???? 又話10月中就會黃晒既?? 都已經係10月20號喇喎~點解仲係咁綠油油既~~~~ 見唔到想像中銀杏大道的壯觀情況, 有點失望 ...... 咁唯有影下綠油油的銀杏啦😂 銀杏在生物學上又被稱做活化石, 因為一棵銀杏壽命可達3000年以上 呢條長380米的道路上, 種植左近70棵銀杏樹 每到秋季, 60-70齡的銀杏樹開滿黃葉, 每年都吸引大批的觀光人潮 如果銀杏滿頃, 應該都會幾震撼~ 呢棵銀杏已經係最"似樣"的一棵~ 睇完未黃的銀杏大道, 我地就繼續在校園中閒逛~ 到便利店小歇, 去一去洗手間~ 便利店貼左呢張海報, 原來今年的金葉祭係27/10 &am