黑炭 Charcoal's 旅遊札記~

由城山展望台搭接駁巴士落山後, 係時候去食個午餐~ 同爸媽去左幾次旅行~漸漸更懂得安排適合佢哋的行程, 其中最重要的3點: 1. 緊記要定時定候安排膳食, 即係要搵間餐廳坐底慢慢食, 唔可以係街邊掃街食小食當一餐; 2.每天只可安排一至兩個景點, 唔能夠去得太盡; 3.要定點安排去洗手間的時間等等~ 有機會再分享下😉 講返在白川鄉的午餐~本來想在 お食事処けやき 食飛驒牛味噌燒或者山藥定食的~ 點知去到見到無開門~~唔知係是日休息還是未開~但門口又無掛住"準備中"的木牌.... 咁就決定行返去近車站方向的 お食事処 いろり (後來翻查資料發現 けやき 同 いろり 係姊妹店😆) 去到時只有榻榻米的座位~但因爸爸媽媽唔太習慣坐榻榻米, 我哋就等候其他座位~ 等位的期間, 睇家食咩好先😊~同樣有飛驒牛朴葉味噌燒定食~嚟到高山飛驒地區緊係要食下飛驒牛既~而朴葉味噌燒係高山的傳統烹調方法 等候時, 唔好太靠近屋簷~要小心上面的冰柱~可能會隨時跌落嚟嫁 等左一陣, 就被安排入坐~ 店內大部分的座位都係榻榻米~只有3張普通4人枱 4人枱的旁邊有幾個座位係圍住中間的火爐 有得食啦👏👏👏 侍應嬸嬸話要等"2 mintues"先好打開煲蓋~一人一個Set~ 再另加左兩串飛驒牛牛肉串燒~ "2 mintues"的呢一Set係飛驒牛朴葉味噌燒定食~🐂 鍋上除左有飛驒牛&朴葉味噌外~仲有豆腐、菇、大豆芽~ 充滿雪花的飛驒牛, 入口即溶~~但只得3塊嫁咋(係呀!好矜貴嫁) 各種醃菜、漬小魚、湯豆腐每一樣也好有鄉土的風味~亦好好餸飯~ 加上右下角位置小小碗的蕎麥麵~在寒冷的天氣下~品嚐熱辣辣的蕎麥麵, 立即暖上心頭💓 土雞定食🐔🍚 雞肉非常幼嫰~!!同埋好有雞味呀!!! 鄉土料理採用的食材係當地新鮮時令的食物~配上本地特式的醃菜~整餐食完除了好有飽足感,仲會有一種念念不忘~ 因為太肚餓, 無影close up相😁   推薦給打算在白川鄉用餐的朋友仔~可以試試呀!😊 お食事処 いろり 營業時間: 每天10:00-14:00 公休日:

 白雪雪的童話世界我哋嚟啦~!!!! 離開休息站後, 所經過的地方的積雪越來越厚~ 在車上倚靠著窗邊, 縱然巴士裡面有暖氣, 亦感受到外面的氣溫越來越低~ 亦即代表我哋同白川鄉的距離又拉近左~👏👏👏 到啦!!! 因中途有點塞車, 所以比原定的時間遲左少少到達, 落車時司機有同大家致歉, 服務態度真好👍 一陣回程返名古屋會在2號乘車口搭車~想確認一下乘車口的位置, 連忙問巴士站的職員, 親切的職員就用流利的英文與我哋溝通而且仲親自帶我哋去到2號乘車口, 抵讚👍👍👍 原來2號乘車口就在我哋剛落車的3號乘車口正後面😁 白川鄉散策開始~ 一開始有啲陌生的感覺, 咦?!? 條吊橋去左邊呀??唔見左既~😕 原來落車的停車場與上次從高山搭巴士所停泊的不同~ 啲雪好厚呀😍 冬季的白川鄉時常會有暴雪, 傾斜式茅草屋頂就可讓雪可以更容易順勢滑下, 咁就唔會咁容易壓垮屋頂 地下濕滑, 行的時候要小心, 特別要留意盡量避免踏上結冰的地面, 因為真係超級滑 緊記穿著防滑的鞋, 若想自由走動、如履平地,建議穿著雪靴或鞋底有大坑紋的鞋😉 賣土產、手信的店鋪~ 樹上的雪掛很美😊 行到嚟呢度~終於有返少少似曾相識的感覺~  城山展望台接駁巴士站~可在此等候接駁巴士上展望台一覽合掌村的全景 或可選擇步行上山~ 步行大概要25-30分鐘 巴士的班次唔算太密~每隔20分鐘有一班車~200yen單程 巴士上擠滿了人~好似每朝早迫港鐵返工一樣..... 雖然車程大約只係10分鐘, 但由於要上山,有不少的彎路, 記住要扶實扶手, 否則好容易會失平衡 上到山~積雪更加厚~~ 職員趕緊用剷雪車剷走停車場上的積雪~ 有雪糕食喎~冰天雪地食雪糕正呀!!! 但我哋決定忍住口唔食住~ 上去影左幅靚相先~!!! 嘩!!!好靚呀!!!😍 ☃⛄童話村已被濃厚的白雪覆蓋著⛄☃ 冬天白雪雪的合掌村與上次夏天到訪時綠油油的合掌村有強烈的對比~ 2015 中部北陸之旅。 岐阜。 進入童話國度。 白川鄉合掌村