2017冬。 名古屋。Day 2(2) 一生必去一次。 舖滿白雪的童話世界。 白川鄉合掌村。 城山展望台

 白雪雪的童話世界我哋嚟啦~!!!!

離開休息站後, 所經過的地方的積雪越來越厚~

在車上倚靠著窗邊, 縱然巴士裡面有暖氣, 亦感受到外面的氣溫越來越低~

亦即代表我哋同白川鄉的距離又拉近左~👏👏👏

到啦!!!

因中途有點塞車, 所以比原定的時間遲左少少到達, 落車時司機有同大家致歉, 服務態度真好👍

一陣回程返名古屋會在2號乘車口搭車~想確認一下乘車口的位置, 連忙問巴士站的職員, 親切的職員就用流利的英文與我哋溝通而且仲親自帶我哋去到2號乘車口, 抵讚👍👍👍

原來2號乘車口就在我哋剛落車的3號乘車口正後面😁

白川鄉散策開始~

一開始有啲陌生的感覺, 咦?!? 條吊橋去左邊呀??唔見左既~😕

原來落車的停車場與上次從高山搭巴士所停泊的不同~

啲雪好厚呀😍

冬季的白川鄉時常會有暴雪, 傾斜式茅草屋頂就可讓雪可以更容易順勢滑下, 咁就唔會咁容易壓垮屋頂

地下濕滑, 行的時候要小心, 特別要留意盡量避免踏上結冰的地面, 因為真係超級滑

緊記穿著防滑的鞋, 若想自由走動、如履平地,建議穿著雪靴或鞋底有大坑紋的鞋😉

賣土產、手信的店鋪~

樹上的雪掛很美😊

行到嚟呢度~終於有返少少似曾相識的感覺~

 城山展望台接駁巴士站~可在此等候接駁巴士上展望台一覽合掌村的全景

或可選擇步行上山~ 步行大概要25-30分鐘

巴士的班次唔算太密~每隔20分鐘有一班車~200yen單程

巴士上擠滿了人~好似每朝早迫港鐵返工一樣.....
雖然車程大約只係10分鐘, 但由於要上山,有不少的彎路, 記住要扶實扶手, 否則好容易會失平衡

上到山~積雪更加厚~~

職員趕緊用剷雪車剷走停車場上的積雪~

有雪糕食喎~冰天雪地食雪糕正呀!!! 但我哋決定忍住口唔食住~

上去影左幅靚相先~!!!

嘩!!!好靚呀!!!😍

☃⛄童話村已被濃厚的白雪覆蓋著⛄☃

冬天白雪雪的合掌村與上次夏天到訪時綠油油的合掌村有強烈的對比~

2015 中部北陸之旅。 岐阜。 進入童話國度。 白川鄉合掌村
 各有不同的美~

白川鄉萩町合掌村落係最具規模的合掌屋  被列為"國家指定重要文化財"

其實白川鄉四季分明, 每個季節都有著不同的引人入勝之處~所以一年四季都有不少遊客到訪~

春天的櫻花、秋天的紅葉~希望能夠集齊一年四季白川鄉的景致啦~

冬天的遊客比夏天時多好多~!!!👫👫👫👫👫👫

其實展望台的面積並不大~而且厚厚的積雪堆積在圍欄附近, 工作人員亦用繩拉起了封鎖線, 防止遊客靠近圍欄, 以免發生危險~

旁邊亦搭起了一個高台~有工作人員協助在"最佳位置"拍照留念~ 

工作人員會用佢的相機拍紀念相, 亦可以請工作人員幫忙用自己的相機/電話影~但由於太多人排隊的關係~只能用一部自己的Device~(夏天唔係太多遊客時係可以用完相機再用電話影的~亦可以靠近圍欄位置~)

Anyway~~冬天的白川鄉確實很迷人~比夏天的景致多了點夢幻~

在高台拍攝完畢後, 順路便行到賣紀念相的小屋, 其實就在高台的正前方(注意:高台的梯級比較高, 要扶實扶手呀!)

行到落小屋時, 相片已經打印好~!!超有效率😆~

1500yen一張, 價錢唔太貴~而且影得幾靚嫁~留個紀念嘛~

唔想買都唔緊要, 可以埋去睇睇~工作人員唔會強迫購買~

因多人行走過, 上展望台的小斜坡雪溶了結成冰~要提防滑倒!!!

山上除了有展望台, 仲有一間店舖~可入去逛逛、買下手信或者取取暖~~

逛完,  影夠相, 係時候落山~

去返剛才落車的地方等接駁巴士接我哋落山~

由於等候人數眾多, 第一班車上唔到~我哋要等待下一班車

以為司機見到有咁多人等車, 會有加開班次接遊人落山~~點知並沒有~真係要等多20分鐘...

但等待的期間, 各人都在自得其樂~在巴士站的四周堆弄雪人、訓下雪堆、繼續擺下pose影下相~轉眼間下一班的巴士就到了~😊

好~!!落返山喇~係時候食午餐~

待續~