黑炭 Charcoal's 旅遊札記~

我哋又返左去酒店樓下, 即係JR Gate Tower的Gate Tower Plaza搵食😁 在名古屋的最後一晚的晚餐, 決定食豪啲!!! 今晚食豚組しゃぶ庵~ 食咩東東既呢??食涮豬肉是也~!! 餐廳有開放式的位置, 亦有獨立的房間 個打邊爐的鍋都高級啲😅 首先嚟個茶碗蒸~好味~!! 再嚟每人有一籃精緻的前菜~魷魚、醃蘿蔔、冬菇、八爪魚、青瓜、卷物...... 中間用杯盛著黑色的物體應該係內臟, 好似腎臟之類, 而左一黃色果兩舊呢~食落去有啲似芝士, 但爸爸話應該係肝臟 每樣都的的式式, 但夾埋一齊就非常豐富~!!! 仲有油甘魚刺身~ 日式燉豬肉~好入味好軟林, 感覺好似梅菜扣肉 上面黃色果pat係芥辣~ 食到呢度, 小女子都開始有飽左半~ 用嚟點涮豬肉的醬料有4種: 由上至下, 左至右分別係塩だれ(鹽+黑胡椒)、ポン酢(柚子汁)、ゴマだれ(芝麻醬)、そばつゆ(蕎麥麵汁) 最欣賞ポン酢, 酸酸甜甜好醒胃 woo~!!!主菜出現~薄切豚肉片 & 什菜, 豆腐, 粉絲 店員會先示範如何涮豚肉, 涮好後就把豚肉及湯裡的蔥夾到每位的碟上 再沾上以上4款其中一種醬料就食得喇~ 好好味呀!!! 超鮮甜~!!! 之後店員便會離開讓客人自行繼續打邊爐 食到咁上下, 店員會過黎詢問是否可以上麵 店員會把白色的麵條放在邊爐煲煮熟, 再把煮好的麵連湯倒進預先裝左調味的碗中 係好食既!!但果隻味道有啲似曾相識~~~~有啲似出前X丁的九州豬骨湯果隻味😆 最後上埋杯茶&甜品紅莓雪芭 呢餐係好食!!!但有人食唔飽😆😆😆 呢餐埋單要幾多錢?? 唔記得lu~~都唔洗我俾😁, 但總之"六本木"都係貴野啦😝 小女子要加速完成2017名古屋的遊記先得了, 因為已經有另一個遊記排住隊等緊 💪💪💪💪💪加速!加速!!加速!!!💪💪💪💪💪

今次旅程的另一重點行程-- 名花之里 なばなの里 名花之里本身係一個花園, 春、夏、秋天都有各種不同的花盛開, 春天有櫻花🌸、鬱金香🌷, 夏天有繡球花、花菖蒲, 秋天就有大波斯菊🌼、玫瑰花🌹, 當然仲有紅葉🍁 而冬天並唔係賞花季節(園內的溫室可觀賞秋海棠), 但冬季的名花之里更精彩 名花之里會變身成為日本最大的燈祭, 亦係全日本第一的夜間燈光匯演--冬華之競技 每年的點燈季節亦不一樣, 2017-18年度係由2017/10/14 至 2018/5/6 結束  名花之里就成為名古屋冬天必到的景點^^早上可先安排去三井MITSUI outlet park爵士之夢長島shopping, 有小朋友同行的可以去麵包超人館, 之後再到訪名花之里, 一天遊的行程搞掂~!!~

嘆完個既豐富又肥仔的早餐, 係時候要消耗一下 去邊度先可以消耗呢?? 就係去 三井MITSUI outlet park爵士之夢長島 SHOPPING啦~!! 💸👚🎁👔👝👟👢👗👠💄💸 三井MITSUI outlet park爵士之夢長島 (下面簡稱 為長島 outlet) 號稱為全日本最大的 outlet, 本來對 outlet唔太偏好的 小女子都有啲興趣, 想去睇下究竟有幾大有幾好買~ 長島 outlet 位於三重縣桑名市, 距離名古屋市非常近, 從名古屋 搭 巴士 出發不需要一小時就去到喇~ 而且附近仲有 なばなの里 ( 名花之里 ), 若是冬季到訪, 更建議要去 なばなの里欣賞全日本最大的燈海, 剛好可以同 長島 outlet 安排個一日遊(下篇分享 なばなの里) 由名古屋出發去 長島 outlet, 可以選擇 搭近鐵特急到"桑名"(約16分鐘), 再轉乘三重巴士到"長島溫泉站"(約20分鐘), 呢個方法比較快, 但就車費較貴及要轉車~ 或者可以同我地一樣從名古屋站的名鐵巴士中心搭三重交通或名鐵巴士到終點站"長島溫泉"(約50分鐘), 一程車唔洗轉車, 訓醒就到嫁喇~ 鐵路公司同巴士公司都有推出"名花之里なばなの里"不同的套票給遊客選擇 我地係買名鐵巴士的ゆったりバック(2000yen)套票 套票已經包含"名鉄巴士中心<-->長島温泉"、"長島温泉<-->なばなの里、"なばなの里<-->名鉄巴士中心"的三程車飛 購買地點就在名古屋名鐵巴士站的3樓 每程車下車的時候, 司機便會撕掉一張票 買好票就上上一層~ 去長島温泉的乘車地點係在4樓的22號月台 班次都尚算頻密, 每隔20分鐘一班車 巴士分別由三重交通或名鐵巴士經營, 三重交通巴士停站會比名鐵巴士稍微多一啲 巴士時刻表 大約50分鐘後, 我地就嚟到喇~ Outlet旁邊的 長島Spaland遊樂園 仲有適合小朋友的麵包超人館 Outlet的面積頗大, 品牌又多, 有