2017冬。 名古屋。 Day 4(4) 晚餐: 豚組しゃぶ庵。 JR Gate Tower

我哋又返左去酒店樓下, 即係JR Gate Tower的Gate Tower Plaza搵食😁

在名古屋的最後一晚的晚餐, 決定食豪啲!!! 今晚食豚組しゃぶ庵~

食咩東東既呢??食涮豬肉是也~!!

餐廳有開放式的位置, 亦有獨立的房間

個打邊爐的鍋都高級啲😅

首先嚟個茶碗蒸~好味~!!

再嚟每人有一籃精緻的前菜~魷魚、醃蘿蔔、冬菇、八爪魚、青瓜、卷物......
中間用杯盛著黑色的物體應該係內臟, 好似腎臟之類, 而左一黃色果兩舊呢~食落去有啲似芝士, 但爸爸話應該係肝臟

每樣都的的式式, 但夾埋一齊就非常豐富~!!!

仲有油甘魚刺身~

日式燉豬肉~好入味好軟林, 感覺好似梅菜扣肉

上面黃色果pat係芥辣~

食到呢度, 小女子都開始有飽左半~

用嚟點涮豬肉的醬料有4種:

由上至下, 左至右分別係塩だれ(鹽+黑胡椒)、ポン酢(柚子汁)、ゴマだれ(芝麻醬)、そばつゆ(蕎麥麵汁)

最欣賞ポン酢, 酸酸甜甜好醒胃

woo~!!!主菜出現~薄切豚肉片 & 什菜, 豆腐, 粉絲

店員會先示範如何涮豚肉, 涮好後就把豚肉及湯裡的蔥夾到每位的碟上

再沾上以上4款其中一種醬料就食得喇~

好好味呀!!! 超鮮甜~!!!

之後店員便會離開讓客人自行繼續打邊爐

食到咁上下, 店員會過黎詢問是否可以上麵

店員會把白色的麵條放在邊爐煲煮熟, 再把煮好的麵連湯倒進預先裝左調味的碗中

係好食既!!但果隻味道有啲似曾相識~~~~有啲似出前X丁的九州豬骨湯果隻味😆

最後上埋杯茶&甜品紅莓雪芭

呢餐係好食!!!但有人食唔飽😆😆😆

呢餐埋單要幾多錢?? 唔記得lu~~都唔洗我俾😁, 但總之"六本木"都係貴野啦😝

小女子要加速完成2017名古屋的遊記先得了, 因為已經有另一個遊記排住隊等緊

💪💪💪💪💪加速!加速!!加速!!!💪💪💪💪💪