黑炭 Charcoal's 旅遊札記~

是日行程會去太宰府   以"求學問"聞名全日本的太宰府天滿宮就位於太宰府    我哋去太宰府求學問?!? 當然唔係啦~!! 太宰府除左天滿宮之外~仲有好多值得去遊覽的地方!! 若時間許可的話~建議可以安排在同一日內遊覽太宰府+柳川~ 柳川係歷史悠久的古城  因縱橫交錯的護城河貫穿市內  所以有日本威尼斯之稱~遊客可在柳川遊船欣賞日本水鄉的美景~更可在 鰻魚飯的發源地品嚐 鰻魚飯 購買柳川太宰府的觀光車票 ~先在柳川泛舟  食個鰻魚飯  再到太宰府輕鬆散步買手信~ 講返太宰府~我哋由博多出發~先搭乘 地鐵空港線 由博多駅到 天神駅 (6 mins)~ 之後步行到 西鉄福岡 搭 天神大牟田線(特急) (13mins)到 西鉄二日市 再行去對面轉 太宰府線 到太宰府(6mins) 太宰府係賞梅名所  因此周圍會見到梅花的裝飾~ 太宰府駅的站牌都有梅花圖案 太宰府駅內  走出車站~不遠處就係太宰府天滿宮前的表參道~而另外一邊有"九州拉麵總選舉第一名"的 暖暮~ (下圖左面) 之前已經介紹暖暮~呢篇就唔多作介紹了~ 可參閱: 九州 美食。 九州拉麵總選舉第一名 。 暖暮  梅花圖案的地磚~   太宰府天滿宮前的表參道 有好多古色古香的店舖 販售著各式紀念品 以及當地的美食 十分好逛 據說太宰府的石造鳥居係全九州最古老的   有七百幾年歷史 呢間位於太宰府天滿宮前表參道的 Starbucks概念店 係Starbucks粉絲必到的朝聖之處 由知名建築設計師隈研吾所設計 大量木條從店舖的內到外拼接交錯  貫徹他以融和自然的風格 在日光照射下交錯的木條倒影  呈現出另一種日式美學 店內人頭湧湧   小女子只能透過櫥窗玻璃望入去及在外面觀賞 營業時間：8:00～20:00（不定休） 除左太宰府之外~Starbucks仲有十多間概念店在日本   其中一間在鎌倉 初訪東京。 近郊。鎌倉。 Starbucks概念店 。店舖限定甜品 當日到訪時太宰府的人潮好多  一羣又一羣穿著住同一隻顏色"隊服"的國內大叔大媽連

發跡於仙台的 牛たん炭焼 利久   仙台小女子就應該暫時唔會去~  但牛たん炭焼 利久在日本全國各地都有分店~   在各地都可以品嚐到有碳烤香而厚實的牛舌👏👏👏 第一次到訪九州發現JR博多駅的九樓美食街有 牛たん炭焼 利久  不誇張~食過一次之後就會愛上~第二次到訪九州時忍唔住再次去品嚐~~~ 鍾意食牛舌的絕不能錯過!!! 牛たん炭焼 利久 的博多店~位於JR博多駅的商場JR HAKATA City 九樓的美食街 兩次到訪時都係差不多六時左右去到~但都要開始排隊喇~   牛たん炭焼 利久 果然係受歡迎的食店 除左牛たん炭焼 利久   9樓當然仲有其他選擇~隔離果間鰻魚飯都好好食(另開文章介紹) 10樓都有不少的餐廳~ 詳情請參閱 JR HAKATA City 官方網址： https://www.jrhakatacity.com/ 首次到訪時係坐bar枱~面向開放式廚房~可以近距離的睇著廚師們烤著美味的牛舌   order完之後~先上小菜 小菜係幾小塊醃漬過的牛舌 呢個係咩嚟?? 去專食牛舌的舖頭食壽司?!? 無錯~!!就係食壽司!!! 因為呢個係 生牛舌壽司 ~~ 講真一起初都有點卻步...完全生的牛舌喎~!!若在其他地方~小女子一定唔會試!!但在日本就比較放心~~ 但已經唔記得食落去係咩感覺咩味道~~咁....應該唔太特別😅  香腸拼盤~係好食的! 主角終於出場啦~!!👏👏👏 呢個係 普通的牛舌飯set ~ 每個set會跟一碗湯加一碗飯 碗湯係牛尾湯~清爽甘甜的湯頭  加上大蔥的香甜~相當好飲!!!~會想追著繼續飲! 湯裡面仲有幾舊軟嫩的牛尾  真材實料嫁!! 飯唔係普遍的白飯  而係麥子飯~比起白飯多左一陣殼物的香氣 呢個係牛舌份量加倍的 1.5人份牛たん定食 每碟牛舌的旁邊都附上泡菜~ 微酸的滋味  解去牛舌的油膩  讓人胃口大開~~ 呢個係最厚的牛舌~ 牛たん『極』定食  超厚的牛舌~咬落去超juicy~~~ JR HAKATA CITY 9/F 牛たん炭焼 利久 營業時間：11:00-23:00 (last order: 22:30) 更多牛たん炭焼 利久 分店

講起九州的拉麵名店~大家應該會諗起香港都有分店的一蘭及一風堂~(但總係覺得日本的比較好食)兩店的知名程度相信無人會質疑 今次小女子要介紹的係九州另一間拉麵店-- ラーメン暖暮 被票選為"九州拉麵總選舉第一名"的 暖暮 起源於福岡    本店在福岡県筑紫野市 在九州的著名觀光地區  如太宰府駅、別府、湯布院等地區都有分店  除此之外~沖繩、甚至海外都可以見到 暖暮 的踪影~ (湯布院的分店已結業~) 2014年第一次到訪九州~特意安排有一餐去品嚐暖暮 去的係博多中洲店~就在地鐵空港線中洲川端駅1號出口附近  暖暮的博多中洲店其實離那個一整棟的一蘭拉麵也十分近 在售票機購買完餐券~就把餐券交給店員~乖乖地坐低等食~ 呢個係 蔥花芝麻豚骨拉麵 ~ 九州拉麵的湯頭係以豬骨熬製而成的香醇濃厚豚骨高湯湯底~而麵條係細而幼的麵條 亮點係分量比平常拉麵多一倍的蔥花及大量的芝麻與白芝麻榨出的芝麻油 小女子第一次食到直接鋪滿咁多芝麻的拉麵~ 細細的麵條、細蔥+芝麻的香與香濃的豚骨湯底味道好配呀!!!  "九州拉麵總選舉第一名"絕對唔係浪得虛名~ 呢個係 豚骨半熟雞蛋拉麵 ~ 小女子覺得暖暮的半熟雞蛋比一蘭的做得更出色更好食 暖暮的叉燒脂肪比例比較高~食的時候好有罪惡感......不過都係果句啦：食完返到香港先再算啦~~~~ 注意：蔥花芝麻豚骨拉麵裡頭係無半熟蛋的...... 再飲返啖冰凍的KIRIN啤酒~食埋香脆的一口餃子~大滿足!!! p.s. 一口餃子略微多油左少少~~ 2015年再訪九州時無刻意安排去食暖暮~但在由布院駅一出來就見到有暖暮~!!二話不說lunch就食暖暮啦~!!! 暖暮的由布院分店就在一出由布院駅的右手邊~非常易搵~ 店內坐位唔多~應該只有10個左右~全部都係Bar枱位 嚟杯Asahi解解渴先~~ 除左啤酒  仲點左炸雞~~ 炸雞簡直係日本必食!!無論係便利店的、拉麵店的、還是居酒屋~都一定要食炸雞!!日本的炸雞零捨好食~!!!(我哋認為~~~~😁) 狂人弟唔鐘意食蔥~所以今次點左 無蔥版豚骨半熟雞蛋拉麵+追加叉燒 今次小女子就點 豚骨半熟雞蛋拉麵~ 暖暮

2012年第一次去大阪入住的酒店位於心齋橋~之後每次都係住近難波心齋橋果邊 (其實住嚟住去都係果兩間~有機會介紹返~) 今次搞搞新意思~住新大阪!!!是次的旅程我地會"駐紮"在Courtyard Shin-Osaka Station 新大阪站萬怡酒店 先講講地理位置~Courtyard Shin-Osaka Station位於新大阪站的旁邊 在関西空港搭JR大約50分鐘就到達~ 唔需要轉車~ 在JR新大阪駅的北面出口方向~亦即係近新幹線的北面出口~ 有另一間酒店remm 雷姆酒店~ 正正在與JR新大阪駅 共構 的 新大阪阪急大樓裡面~非常便利~ 而我哋入住的Courtyard Shin-Osaka Station 就在 新大阪阪急大樓旁 在北口轉左~之後會見到間麥當勞~從 麥當勞旁的出口~行過天橋就到了   從北口到 Courtyard Shin-Osaka Station 只需要 2分鐘!!!非常方便~ 唯一的缺點係 天橋係露天的~落雨要撐傘~   簡約的大廳~ 酒店樓高19層~我哋的房間位於9樓 走廊的燈光比較昏暗~而地毯就較軟~拉喼有點困難 房間類型係twin room 設計簡約而帶點現代感~家具以原木色為主調~ 2015年7月開幕的Courtyard Shin-Osaka Station係國際品牌Marriott萬豪的旗下品牌酒店 所以與一般的日本酒店不同~房間的空間比較寬敞 床頭位置有控制房間所有燈光的燈制組~床頭燈可調教光暗 仲有插蘇位~方便可以訓係床上~一邊叉電一邊玩手機 😝  近窗位置擺放左一張超sharp的橙紅色梳化及一個小茶几~床尾位置有張大圓枱~ 張枱的size就好似酒樓4人枱咁大~可以盡情買野返酒店開大餐😁 電視係掛牆的~旁邊有放喼的位置 大衣櫃在入口旁邊~衣櫃內仲有夾萬、熨斗、熨衫板 衣櫃旁係小水吧及雪櫃~雪櫃內有要收費的飲品  我哋例牌會將飲品搬晒出嚟~再到便利店或超市掃貨!! 酒店每天都會提供兩枝免費水~ 國際品牌酒店的浴室當然唔係一般日本商務旅館的合成版本啦~ 浴室的裝潢以黑白色為主~提供免治馬桶及浴缸 亦