初訪東京。 N'EX。 成田國際空港 。 回味的吉列豬扒飯

終於嚟到"初訪東京"的最終回~

快閃完涉谷~返新宿的酒店攞行李~就出發去成田國際空港~

在成田空港食左個好美味的滑蛋吉列豬扒飯配烏冬set~劃上完美的句號~

由新宿到成田機場最方便快捷莫過於搭乘NʼEX成田特快
住新宿、池袋、橫濱的朋友就很適合搭 N'EX~ 但若住在上野、日暮里就應該選搭Skyliner京成電鐵

要搭NʼEX就要在位於南口對面的甲州街道改札入閘~

  除左搭N'EX外~亦可選擇到甲州街道改札旁邊的新宿高速巴士總站(バスター新宿)搭巴士去成田~
小女子比較喜歡搭鐵路~因為驚巴士會塞車~咁就會削減在成田最後衝刺的機會😁

N'EX只會停在5或6號月台~搵5或6號月台就唔會錯了

我地會搭乘在13:10開出的特急成田Express 29號~

N'EX全車指定席~去到月台就搵下所屬座位的車箱位置

我哋的座位在2號車箱~乖乖地排隊等上車~

旁邊就係升降機~

車嚟啦~

列車上有螢幕會顯示列車行駛的路線、將會停泊的車站、線路的情況

小女子同狂人弟都覺得Express的座位(無論係N'EX或是來往関西空港至難波的rapid) 都比飛機的座位舒服~~

N'EX的單程票價為3190yen~
近年推出左外國人優惠票價~來回4000yen~足足可以慳返2380yen!!! 
注意：來回優惠套票只能在成田機場JR服務窗口購買~而購買時必須出示外國人護照先可以購買
但我哋第一天到步時直接搭巴士入左迪士尼渡假區~ 所以只好買單程票~

建議在搭乘的前一天先去JR綠色窗口購票及劃位~以免回程當日大排長龍~ 

訓醒一覺就到~

成田機場國際線出境大廳分為南北兩翼~

左邊係南翼~右邊係北翼~

N'EX 來回優惠套票就係在呢個 JR East Travel Service Center購買~人山人海~

N'EX Express的月台位於B1樓層~可搭non-stop的升降機從B1直達4樓的離境大堂~

而到境大堂就在1樓~

我哋搭乘ANA~ANA的櫃台位於離境大堂的南翼

先到櫃台辦理寄存行李~我哋預先在48小時前已辦好online check in~

全電腦化自助打印登機證及行李條碼~ 印好後就到櫃台在地勤人員的協助下寄存行李~

辦理完登機手續後~千萬唔好直接去過海關檢驗呀!!! 因為航廈裡面應有盡有~把握最後洗晒手上的yen的機會~
買夠、食夠、行夠先過關呀!!

大受小朋友歡迎~周圍行公仔&跟人講野的錄音公仔~ 玩到反左肚😂😂😂

宮崎駿系列~

除左4樓~5樓仲有shop及餐廳~

係時候去食在東京的最後一餐了~好多選擇喎~~~

有壽司~

吉列豬扒飯~

飯set~

拉麵~

樣樣都好似好好食咁~~
最後選擇係~~在昭和四十一年(即1966年)創業的新宿さぼてん

店內的環境寬敞舒適~兩個人坐4人枱~

當時小女子其實不大想食吉列豬扒飯~但唔知點解狂人弟差唔多每次在日本機場都想食吉列豬扒飯作結尾~~

見新宿さぼてん有烏冬加飯set~好喇~~就食呢間啦!!

 呢個係小女子的吉列滑蛋豬扒飯+烏冬set~

日本的蛋同飯完全唔需要質疑~飯上面仲有幾顆菇~

想講的係~個烏冬麵質煙韌~湯底當然係柴魚高湯~但呢個柴魚高湯正係小女子喜歡的濃度!!

你可能會問~日本的清湯烏冬湯底大部分都係柴魚高湯嫁啦~柴魚高湯咪柴魚高湯囉~有分別的嗎?? 

就。係。有!!!總知呢個就係我喜歡的濃度~

狂人弟試左啖之後仲不斷搶我碗烏冬食...

無諗過出名做吉列的店舖~烏冬都可以咁好食!!!🎉🎉🎉

好~講返人哋的招牌菜~ 吉列豬扒飯~😁

塊吉列豬扒超級大件~吉列粉漿薄而趣~肉質juicy~👏👏👏

新鮮熱辣辣的吉列豬扒~見到都流晒口水~!!(打blog時吞口水中...)

我哋仲食左吉列帆立貝、吉列蠔~好食👍

(夏天遊岡山時~發現岡山站有新宿さぼてん!!! 二話不說即刻入去食個lunch~~稍後再分享)

食完美味的"最後的午餐"後~繼續在成田的南北翼周圍逛下~

成田其實都幾多野行(可能係因為我哋第一次嚟~所以覺得新鮮掛😝)~當然唔少得Uniquo、Muji go~

下圖呢間店舖係賣啲旅行相關的產品~幾靚嫁但價錢唔平~

過左海關之後~要鎖定賣食物免稅店的位置 (我哋的boarding gate係37號gate)

免稅店的面積唔太大~(比関西空港的仲要細) 但就好👏多人!!!(Ben Sir's Mode on~)

咁啱撞正一班大陸同胞+一班韓國人~

去到的時候見到薯條3兄弟個貨架係空既~而原味Royce朱古力一盒都無!!!當店員一補貨~同胞們及韓國人們就秒速衝向貨架搶貨😂😂😂

見到有個韓國哥仔成個購物籃都係原味Royce朱古力~保守估計有20盒!!! 韓國人真係鍾意食朱古力?!?

店員無停手不斷補貨~真係好難怪佢哋做到黑口黑面~辛苦晒佢地!!🙏🙏

好不容易完成了每次旅途的最後任務--買手信給親朋好友、公司同事

同大陸同胞&韓國阿豬媽阿積師"爭"完手信後便踏上歸家的路途~

正式完結"2017春。初訪東京"之旅👏👏👏

緊接著係~"2017夏。大阪岡山"~敬請期待~!!!

<2017夏。大阪岡山。 序。 行程規劃>