黑炭 Charcoal's 旅遊札記~

到訪完愛.地球博記念公園、サツキとメイの家之後, 我地就返左去名古屋~ 2017冬。 名古屋。 Day 3(2) 愛.地球博記念公園。もりの学舎。小朋友的樂園   2017冬。 名古屋。 Day 3(3) サツキとメイの家。 草壁家。 草子次子屋企 時間都差唔多下午3點, 但都仲未食午餐😝 好在酒店的樓下, 即係JR Gate Tower, 已經有好多的餐廳可以選擇~ 今餐我地決定食來自仙台的炭燒牛舌名店-- 牛たん炭焼 利久 第一次幫趁 利久 係在九州~ 九州 JR HAKATA City。 牛たん炭焼 利久 之前都講過~在JR Gate Tower的12/F & 13/F Gate Tower Plaza, 有各式各樣的食肆 我地到步的第一晚就食左 梅丘寿司の美登利総本店 2017冬。名古屋。Day 1(2) 東京名店。 梅丘寿司の美登利総本店 除左炭燒的牛舌外, 仲有其他烹煮方法的牛舌料理~ 外賣版的牛舌便當~ 當時的Gate Tower Plaza可能做緊美食節之類的野~ 每間食肆的門口都有展示牌展示著"冬日的期間限定" 唔洗等位~可以直入~緊係啦!!都3點幾啦😂 但裡面都仲有幾枱客, 仲以為無晒人tim 睇下我地的午餐暨下午茶食咩好先~~ 前菜~醃漬過的牛舌 牛舌沙津~ 隱約地見到廚房內部 生牛舌壽司~旁邊仲有幾片紅紅紫紫不知名的瓜果, 爽既清清甜甜咁既~ 香腸拼盤~狂人弟至愛 媽媽怕燒牛舌太生, 於是點左牛たん丼 我的普通炭燒牛舌定食~  炭燒牛舌定食跟一碗牛尾湯+一碗麥子飯 雖然係普通版, 但牛舌的厚度都OK厚嫁~Juicy嫁!!炭燒的香氣加上濃濃的牛味😋😋 諗起都流晒口水~~ 狂人弟的"極"炭燒牛舌定食增量版~ "極"的牛舌超厚!!~但相對下就比較生~~ 爸爸的蕃茄焗牛舌~蕃茄汁極濃郁, 牛舌煮到好軟林, 適合老人家食😝 小女子都係比較喜歡炭燒牛舌😁 喜歡飲湯品的小女子每次都覺得利久碗牛尾湯好好味~!! 佈滿大蔥

上回講到尋找童年的回憶~ <2017冬。 名古屋。 Day 3(3) 龍貓。 サツキとメイの家。 草壁家。 草子次子屋企> 之前講過, サツキとメイの家係小女子尋覓名古屋市內景點時的意外收穫~ 交通並不複雜~但サツキとメイの家每天有幾場參觀的場次, 而係有限制參觀人數的 小女子最怕係去到現場買唔到飛, 咁就失望而回...今次仲係同爸媽同行, 所以都係穩陣啲~以防萬一都係先在網上預約購票 呢篇就嚟介紹下小女子點樣在網上成功預約購票及在日本攞飛~ 希望可以幫到大家😊 首先, 要先去到"愛.地球博記念公園"的官方網頁~ https://www.aichi-koen.com/moricoro/ 在綠色欄裡, 點選"施設紹介" 點選後就會見到"サツキとメイの家", 在左邊的第一張圖 click 入去"サツキとメイの家" 就會出現下圖 往下拉, 搵"ロ-チケ.com", 然後clcik入去~ 之後會跳到呢個網頁"lawson ticket" 往下拉, 點選紅色框框的選項 點選後會出現下圖, 之後click粉紅色框框預約時間 click入粉色框框後, 會嚟到呢個畫面~就可以選擇你想到訪的日期及場次時間  選擇完日期及時間, 就會出現右邊的選擇欄~ 然後選人數, 幾多個大人幾多個小朋友, 選好後按粉紅色"お申し込み"框框 之後嚟到呢個畫面~按右下角的粉紅色框框 之後到呢一頁, 填寫email & 電話號碼, 填好後按粉紅色"次へ"框框 接著會出現呢種類似係圖案認證的畫面, 就要依照指示, 將正確的圖案從左邊拉到右邊 呢頁可能要運用下Google translate幫下手😄~ 放好後, 按粉紅色"次へ"框框 嚟到呢頁係要選擇取票方法（一律在商店取票）及如何結帳 有兩種可選擇~一種係在店舖俾錢"店頭支払", 另一種係信用卡過數"クレジットカード" 小女子

  サツキとメイの家 ~亦即係宮崎駿動畫龍貓裡面草子次子與爸爸的屋企~ 1:1的實景就在愛.地球博記念公園的裡面 ~ 一齊去喚醒你的童年回憶吧~ 去草子次子屋企(草壁家)可搭乘公園的無料巴士到"日本庭園"落車~ 上車時, 車長嬸嬸問我地係咪去草壁家, 佢話我地唔需要在日本庭園落車, 因冬季12月有草壁家臨時車站👏👏👏 好喇~!!~前進去草壁家的售票處~~ 售票處旁有個小舖頭(真係極小😆) 當然係賣龍貓的產品啦~ (公園門口的綜合案內所的產品比呢度更齊全~~~)😆 愛.地球博記念公園雖然係免費入場, 但要入去草壁家就要另外俾錢~入場費510yen/人 入場劵可到場購買, 但參觀草壁家係有限制人數的, 而且平日一日只有8個場次, 假期會多啲 如果好似小女子咁驚到場買無位, 可以一早在網上預約(另開文章介紹) ---> 2017冬。 名古屋。 Day 3(3a) 龍貓。 サツキとメイの家。 網上訂飛教學 呢幾張就係在網上預約然後到Lawson換取的草壁家入場劵~ 將入場劵交給售票處的工作人員~工作人員就會將草壁家的簡介、小遊戲紙及呢個入場証交給你~ 會分為A、B兩組~一組先會安排在屋內參觀, 另一組就在屋外參觀~ 攞左入場証就去隔離呢個帳篷集合~我地係參觀11:30的場次~記住要早15分鐘到場集合 差唔多到參觀時間, 就會有個職員開始講解~當然係講日文嫁啦~ 跟住就可以出發啦~!!終於到達草壁家啦😊 當日小女子參觀的場次人數唔太多, 其實B組只得我地一家四口😆, 所以工作人員都無好理會我地~ 我地見A組的"團友"先入屋參觀, 咪自動波地先參觀屋外~ 草壁家對出的湖&"花園" 呢度有啲似草子次子種樹果度, 即係棵樹好快已經長到好高好大果度呢~ 嘩!!!係呢條柱呀!!草子同次子推來推去果條呢~ 好真呀!!同動畫一樣都係腐蝕晒~超興奮!!! 小女子都試推過😆~放心呢條柱係好穩陣的~!! 爸爸的書房~ 真係做到好逼真呀!!每個細節都一絲不苟~ 不過要記住草壁家的 屋內係唔可以影相的