黑炭 Charcoal's 旅遊札記~

日本的美食相信係其中一個吸引大家遊日的原因, 但黎到樂園又有無好野食呢~?? 通常大家對樂園的食物都唔會抱好大的期望, 以樂園食物黎講, 小女子就覺得東京迪士尼樂園的食物都算係有質數 除左必食的樂園美食--煙燻火雞脾之外, 東京迪士尼樂園的餐廳都好受歡迎嫁, 園內有啲餐廳仲可以一邊食野一邊睇表演 今篇文章想同大家介紹下以愛麗絲夢遊仙境為主題的餐廳-- 紅心女皇宴會大廳 Queen of Heart 行入餐廳的通道有啤牌兵夾道歡迎你~ 紅心女皇宴會大廳係樂園的熱門餐廳之一, 所以小女子同狂人弟為左避開左午餐時間的人群, 一早就去食個early lunch~~其實個幾鐘頭前先食完早餐😅 睇下有咩食~ 我地就試左呢兩樣~ 左面: 燒牛肉 1450yen, 右面: 芝士漢堡扒 1380yen 仲有呢個甜品~吉士布甸連手信杯 750yen~ 餐廳的內部呈現紅心皇后的王國, 尤如在王國享受午餐~ 芝士漢堡扒 1380yen 以樂園黎講, 呢個芝士漢堡扒算係好好食 塊芝士係心形黎嫁~ 燒牛肉 1450yen 都係個句~以樂園黎講, 係好好食~!!! 個薯蓉都係好食既~ 值得一提係食物的質數係好既, 但份量比較少, 男人應該會唔夠食 若肚餓驚唔夠飽, 可以加錢點個白飯或麵包, 眼見每個男食客都會加碟白飯或麵包或索性叫兩個主菜~~ 吉士布甸連手信杯 750yen~ 東京迪士尼樂園內的餐廳有好多食物都可以連埋紀念的餐具一齊買,仲時不時都會推出新款式 小女子一向對愛麗絲都唔太喜好~所以今次並唔係想要呢個杯而叫呢個甜品, 而係真心想食個甜品😝 甜品上有一塊紅心A的啤牌造型朱古力, 同餐廳的主題一致~ 托盤係紅心皇后與國王 餐廳的燈係花花造型~ 紅心女皇宴會大廳就在旋轉木馬的對面~ 外觀係成個城堡咁嫁~ 愛麗絲的粉絲唔好錯過啦~!!

今篇文章會同大家分享下晚上亮燈後的東京迪士尼, 同埋我地終於睇到東京迪士尼的夜間巡遊"夢之光"啦~!!!(2017年因天雨的關係取消左無得睇...), 最後仲有夜間的盛大慶祝表演"Celebrate! Tokyo Disneyland"🎆🎆🎆🎆🎆 上回提要: 2019 冬。 東京迪士尼35週年。東京迪士尼樂園 Tokyo Disneyland。壓軸慶祝活動(上)  2019 冬。 東京迪士尼35週年。東京迪士尼樂園 Tokyo Disneyland。壓軸慶祝活動 (中) 。35週年巡遊表演"DREAMING UP!" 之前講到, 我地返左度假區的酒店中場休息~ 再提一提大家, 若要再入場就要在出口位置的職員講"Re-entry", 職員就會在你的手背上面印個特製的印仔, 到你再入場時, 就會用紫外光照照你手背, 之後就可以用返入場劵在同一天再次入場 休息過後, 東京迪士尼已經亮左燈啦~!!! 為慶祝開園35週年, 樂園大街的中央位置有一座10米高的高塔，塔上面有9隻米奇老鼠像, 每隻都會身穿不同服裝 一到晚上, 大街就會亮起特設的燈飾, 時不時仲會奏起35週年的慶祝音樂, 讓人置身於夢幻的國度之中~ 夜幕低垂, 灰姑娘城堡都已經亮燈喇~ 夜間巡遊開始之前, 樂園的燈光會調到最暗, 以供大家在最佳的環境下觀賞 夜間遊行"東京迪士尼樂園電子大遊行~夢之光" 在燈光與音樂的襯托下，迪士尼明星為您帶來一場光彩耀眼、滿載夢想的夜間大遊行！以《阿拉丁》、《玩具總動員》等迪士尼電影中的人物造型製成的花車絢麗多彩，將園區夜景點綴得夢幻璀璨。 此外，另有5台全新花車加入翻新版演出行列。迪士尼電影《冰雪奇緣》中冰雪城堡造型的花車載著安娜和艾莎，首次在夜間表演中亮相；迪士尼電影《仙履奇緣》主題花車亦煥然一新，呈獻女孩們最憧憬的美麗故事；而迪士尼電影《美女與野獸》主題花車，也在LED彩燈的裝扮下再顯輝煌……五光十色的花車為園區的夜晚增添更耀眼的光芒。 👆東京迪士尼官網介紹👆 由仙子為大家揭開序幕~ 再由高飛、美妮、米奇的火車頭帶領其他電子花車出場~ 緊接著係愛