2019 冬。 東京迪士尼35週年。東京迪士尼樂園 Tokyo Disneyland。壓軸慶祝活動(上)
終於正式踏入今次旅程的主題~東京迪士尼35週年慶典!!! 東京迪士尼35週年的慶祝活動由2018年4月到2019年的3月底, 而小女子所到訪的期間係慶典的最後一浪, 慶祝活動會更加盛大, 亦會有更多的產品推出, 讓大家盡情購物
除左去感受一下35週年慶典的歡樂氣氛, 今次再到訪係想彌補上次到訪時的遺憾, 玩返上次玩唔到的遊戲, 睇返上次睇唔到的夜間巡遊~~
門票都換上35週年慶典的新裝~
好啦~今次就唔太詳細講遊玩心得(規劃), 詳細啲的遊玩心得請參考2017年到訪的文章:
園內充滿35週年的裝飾, 比起平時的迪士尼歡樂更倍增~!!!
事不而遲, 先去排上次玩唔到的機動遊戲~~
就係位於夢幻樂園的皇牌遊戲--小熊維尼獵物記
話明係皇牌遊戲, 緊係多人排隊嫁啦~但當時又唔係要等好耐, 等候時間只係25分鐘咋👏👏可能因為我地一入場就已經快速地行入黎夢幻樂園排隊
若你唔係第一時間玩小熊維尼獵物記, 就記住攞Fast Pass喇~如果唔係之後就有排等嫁喇~!!
雖然小女子就唔太喜歡維尼熊(但我喜歡跳跳虎), 但聽講裡面的場景同香港迪士尼的小熊維尼係唔一樣既, 而且上次又因維修保養玩唔到, 咁就去睇睇啦~!!!
真係唔同嫁喎~!!!呢個小熊維尼獵物記的玩法有啲似香港迪士尼的迷離莊園, 再加上場景大啲靚啲, 難怪係東京迪士尼的皇牌遊戲之一
遊樂設施進行期間係禁止拍攝及影相的, 大家自己親身去體驗一下吧~😊
推介指數: 4粒星🌟🌟🌟🌟 (5粒星為滿分)
玩完遊樂設施, 出口就緊係小熊維尼專門店啦~
好啦~到左第二個小女子上之到訪時無玩的遊樂設施--小小世界
小小世界同樣位於夢幻樂園, 就在小熊維尼獵物記的旁邊
一入到去, 真係"嘩"一聲叫左出黎~~好靚呀!!!等候區的場景佈置已經好吸引, 而且有兩邊"碼頭", 所以流量十分快, 唔需要等候太耐
一心諗住等候區已經唔同, 以為裡面的場景會同香港迪士尼的小小世界會有分別~~
但其實都係大同小異~~~~有啲失望....
唔需要特登排隊去玩, 但若然帶著小朋友或在炎炎夏日, 小小世界都不失為一個休息及涼冷氣的好地方~
推介指數: 3粒星🌟🌟🌟🌟 (5粒星為滿分)
迪士尼又一吸引之處就係園區會不定期推出不同的爆谷桶, 而且每一款的爆谷桶都十分精美, 設計一點都不求其
不同的區域會售賣不同口味的爆谷及爆谷桶啊! 當時的其中一款就係灰姑娘的南瓜馬車造型~
價錢有3種: 爆谷連造型爆谷桶 2300yen~ 普通爆谷盒 350yen~
若你已經有造型爆谷桶, 想Refill爆谷就500yen~
行行下見到有圍板, 黎緊東京迪士尼有新園區啊~!!應該就係估計會在2020年開幕的美女與野獸園區~
園區將會以貝兒生活的小鎮及野獸的城堡為藍本
園區將會以貝兒生活的小鎮及野獸的城堡為藍本
到時又會吸引更多人入場(包括小女子😁), 好期待呀!!!
卡通城 Toontown
上次到訪時因人太多, 之後又唔記得行返轉頭所以無入到去卡通城, 今次就等小女子帶你參觀下各卡通人物的屋企吧~
卡通城仲有有兩個適合小朋友玩的遊樂設施--兔子羅傑卡通轉轉車、艾芝迷你過山車
Mickey Mouse 米奇的屋企, 米奇會在屋企裡面同大家見面嫁, 若想同米奇影下相就預留時間去排隊吧~~~~😁
高飛的屋企 Goofy's Paint "N" Play House
裡面有個適合小朋友玩的小遊戲, 係幫高飛的屋企油油添上色彩
唐老鴨屋企的造型最特別, 係一隻船咁既~
裡面的佈置都好有趣, 完全係搞笑唐老鴨的風格
小女子唔放屋內的相出黎喇, 留返新鮮感俾大家自己去探索下~
大鼻與鋼牙 Chip 'N Dale的屋企係樹屋造型
唔知係咪因為Chip 'N Dale的身型比較細小, 所以裡面的東西都比較迷李, 大人穿梭樹屋時, 要小心撞頭呀!
Minnie Mouse 美妮的屋企
見到唐老鴨拖住迷李版Chip 'N Dale~迷李Chip 'N Dale其實係兩個穿著住Chip 'N Dale造型衫的小朋友遊客~
原來唐老鴨係帶著迷李Chip 'N Dale同鋼牙重遇呀~!!!唐老鴨此舉動令在場的遊客十分歡樂
唐老鴨同鋼牙的互動十分搞笑~
卡通人物時不時都會在卡通城附近出現~若想同佢地影相或互動一下, 就留意啦~!!😊
紅心女皇宴會大廳, 以愛麗絲夢遊仙境為主題的餐廳
裡面的裝潢完全令你仿佛置身於愛麗絲夢遊仙境中, 提供西式的餐點, 亦有兒童餐提供
裡面的裝潢完全令你仿佛置身於愛麗絲夢遊仙境中, 提供西式的餐點, 亦有兒童餐提供
餐廳佔地十分廣, 但由因紅心女皇宴會大廳都係樂園的熱門餐廳, 所以接近中午的時候就會好多人, 未必會有位
若紅心女皇宴會大廳係你的心水選擇, 可避免在熱門的用餐時間前往~
Brave Little Tailor Shoppe, 呢間店舖係新開嫁~!!
主要售賣衣服, 當然有小女孩的最愛--公主裙, 仲有啲嬰兒的產品~
之後我地就行返去近樂園門口位置的明日樂園
先去店舖巡視下, 睇下有咩新產品先~
好可愛呀!!
個海鷗頭好搞笑~!!
好大隻杯麵~~
嘩!!! 泡泡龍🐉造型的帽呀!!😂 戴左之後, 好似被泡泡龍食左咁~~😆
仲有火腿🐷造型的帽~!!😆
可能到呢一刻你會問, 有無人會買呢啲造型咁特別的帽嫁??
答案係有嫁~!!無論係海鷗頭、泡泡龍定係火腿, 小女子都見到遊人戴著在園區內行走, 尤其以火腿最受歡迎😆😆😆
35週年就緊係有東京迪士尼35週年的相關產品啦~!!
米奇、美妮、唐老鴨、黛絲、高飛、布魯圖、大鼻與鋼牙都換左35週年的慶祝服裝
米奇、美妮、唐老鴨、黛絲、高飛、布魯圖、大鼻與鋼牙都換左35週年的慶祝服裝
上圖右上位置的白色米奇頭係一個類似音樂盒?!?!的東西, 樂園的各地點都有與關35週年的裝置, 同音樂盒連接, 就會有啲特別的野睇或者聽~~
小女子無去認真研究, 況且我地又唔識日文~~總知就係要氹人去消費, 去買呢舊35週年的特別產品啦~
大鼻與鋼牙係分唔開的, 要一對咁買~🐹🐹
好啦~行返過黎明日樂園其實係要黎呢度~~怪獸電力公司"迷藏巡遊車"
我地較早時間攞果張fast pass可以入場啦~!!
溫馨提示: 有得攞fast pass就一定要去攞啦~如果唔係都唔知排到幾時先有得玩,事關就算你攞左fast pass都要排一陣先入到去~~~
話晒怪獸電力公司的"迷藏巡遊車"亦係東京迪士尼樂園的熱門遊戲之一
遊樂設施的每一個場景全部都好"真實"~完全好似置身於怪獸公司的動畫之中~
每個場景都十分仔細, 製作非常認真
怪獸公司係小女子最愛的動畫, 當然係熱烈推介啦~!!
推介指數: 5粒星🌟🌟🌟🌟🌟 (5粒星為滿分)
又係時候去shopping~!!
35週年特別造型的米奇&布魯圖~
薯蛋頭薯片~!😆
到訪時係一月尾, 園區已經開始售賣情人節的相關產品, 東京迪士尼的產品真係層出不窮~
除左遊樂設施及舖陳出新的產品之外, 另一個東京迪士尼令人樂而忙返的原因就係園內的不同園區或餐廳內都有大大小小的表演~
One Man's Dream II ~ 位於明日樂園, 感覺與以前香港迪士尼的Golden Mickey有啲相似~
位於探險樂園的Theatre Orleans~主要角色係唐老鴨, 仲有唐老鴨的叔叔同3隻小鴨仔~
若想睇相關的表演, 就記住留意開始時間, 預早時間在表演場地門外排隊
p.s. 日本人熱愛迪士尼的程度係會在上場show未完結以前已經在門口排隊, 等下一場進場, 即係要等個幾鐘......若你唔想排隊但又想睇下表演, 就可以好似小女子咁站在門口睇下, 因場地係戶外的, 所以在門口都可以睇到少少😁
各表演當天的演出時間可在各場地門口睇到, 亦可參考當天的表演單張, 單張可在樂園的入口位置攞到, 或可嘗試問問園區的職員索取
東京迪士尼35週年的紀念爆谷桶
呢個爆谷桶貴之前果個灰姑娘南瓜車造型爆谷桶900yen呀!!!
呢個爆谷桶貴之前果個灰姑娘南瓜車造型爆谷桶900yen呀!!!
我地無在樂園買任何的爆谷桶, 因為我地心水的爆谷桶係在迪士尼海洋果邊~~遲下再同大家介紹返~
就係呢個35週年擺設, 放置在樂園的各地方,
見到好多日本的小朋友都攞著音樂盒在樂園走來走去, 唔知係度玩緊啲咩~~
見到好多日本的小朋友都攞著音樂盒在樂園走來走去, 唔知係度玩緊啲咩~~
樂園必食的美食--大大隻煙燻火雞脾 750yen/隻
不誇張, 真係好食, 啖啖肉, 加上勁多肉汁😋😋😋
但食起上黎都有啲狼狽, 所以買完之後最好搵個位置坐定定慢慢食~
食完美味的火雞脾, 又周圍行下~
入左間shop, 見到好多辛巴呀~
留言
張貼留言