黑炭 Charcoal's 旅遊札記~

又到左一年一度的孝親之旅~~~ 今次小女子在半年前訂到去福岡的fanfare, 所以我地就一家在10月中起行去北九州 我地已經有幾年的時間無去過九州, 對上一次到訪係2015年~ 九州, 總會給人一個比較郊外、鄉村的感覺, 但其實九州有好多大城市已經同大阪、東京一樣熱鬧, 例如我地每次都以她為中心點的 福岡 福岡, 又名博多, 係北九州最熱鬧繁榮的地方, 因為福岡空港的關係, 福岡亦係大部分遊客到訪九州的第一個踏足的地區 福岡空港離市區十分近, 應該係日本最近市區的空港吧~由福岡空港去市區只需要搭2個地下鐵, 所需時間10分鐘內~!!! 購物方面, 只係JR博多駅就已經有幾個大型商場, 再加上天神區的地下街+百貨公司, 絕對可以買到失心瘋 唔想只係shopping, 想逃離繁忙的城市, 想親親大自然?!? 九州地大脈搏, 風光明媚, 絕對能滿足你的要求 重點黎喇~~~唔似大阪、京都、東京、札幌, 九州無太多大陸遊客, 基本想唔太見到, 台灣的遊客比較多, 同前幾年的情況差不多 台灣的遊客比大陸的高質好多~!! 在長崎見到最多大陸客, 因為有郵輪停泊.......於是長崎的寧靜就被破壞......超嘈吵......又無禮貌.....超怕被歸類於同佢地為同一班人, 睇得出當地的店員係黑面的😂 大陸人成日話人地抹黑佢地, 唔該睇下自己做過啲咩先啦~!!!! 太憤怒, 離左題tim~~~~😝 返入正題~ 今次同上兩次一樣, 我地都只係玩左北九州, 都係利用JR Kyushu 北九州5 days pass JR九州好大方, JR Kyushu 北九州5 days pass的價錢竟然都仲係10,000yen呀!!同4年前一樣呀!! 2019 秋。北九州。JR 九州鐵路周遊券 JR Kyushu Rail Pass 。網上預先劃指定席。熱門觀光列車 由布院の森 我地以博多為中心, 放射性地遊覽, 除左博多, 仲去左長崎、由布院、門司港、武雄、柳川......中間住左一晚由布院的溫泉旅館, 一泊二食~~ 以下係原本計劃的理想行程:  Day 1: 香港。福岡空港。JR九州酒店Blosson博多中央。JR 博多城。牛たん炭焼 利久(厚燒牛舌定食)。JR 博多城。博多華味鳥 Day 2:

2019 夏。令和元年の旅完結篇~ 上一篇介紹完貴價的入口即溶神戶牛, 今篇就介紹返梳對之下比較平價的美食吧~ 貴價野就食一次半次, 曾經試過就可以喇~成日食就真係負擔唔起, 平價美食就可以一食再食, 食過番尋味😋~~~~ 小女子今次要介紹的就係來自神戶的Red Rock 超人氣又平價又美味的牛肉丼~!!!! 其實好耐之前已經聽聞Red Rock的牛肉丼係平靚正, 但每次都同Red Rock擦身而過, 今次終於有機會食到喇~!! 我地去的係位於心齋橋附近的美國村分店, 由於Red Rock係超人氣, 所以一到用餐時間就排晒長龍 小女子建議大家盡量避免用餐時間前往, 我地6點前去到, 唔需要等, 食個early dinner吧~~ 我地離開的時候, 門口已經有條長長的人龍~~~ 首先在門外的自動售票機自行點餐, 之後就攞住食券入店內各職員示意, 等候職員帶位 若唔識點樣操作機器, 亦可搵職員協助 Red Rock主要係售賣兩款牛肉丼, 分別係 烤牛肉丼(ローストビーフ丼) 及 牛扒 丼(ステーキ丼) 兩款丼都有正常regular size & 加大large size 聽聞加大的話係加肉不加飯, 食肉獸就啱晒喇~!!! 價錢: 烤牛肉丼regular: 980yen, large: 1350yen,  牛扒 丼regular: 1100yen, large: 1500yen 店內一邊係吧枱, 吧枱旁邊係高腳枱櫈, 其他位置係正常的2-4人枱 飲返杯冰凍的Sapporo啤酒~🍺 Red Rock 的招牌烤牛肉丼(ローストビーフ丼) 980yen (正常版) 好似小山丘的烤牛肉, 上面淋上特製的醬料及沙律醬, 再加上一隻生雞蛋 呢個只係普通版的烤牛肉丼, 唔知加大版的烤牛肉丼會有幾壯觀呢~ 小女子已經覺得 烤牛肉丼十分美味, 但好戲在後頭~!! 就係呢個 牛扒丼(ステーキ丼) 1500yen (加大版) 牛扒係有肉汁的, 不論係香氣或者口感, 都比烤牛肉 丼 的厲害 以呢個價位黎講, 呢個牛扒丼真係非常ok!!!!! 不過始終 烤牛肉同 牛扒係兩樣野(雖然都係牛), 唔能夠相提並論, 所以小女子建議,

May God Bless Our Home~!!🙏😭🙏 某天, 我地早餐都專登食少啲, 因為午餐要去神戶食極heavy的東西~~!!! 講到神戶的美食, 相信大家一諗就會諗起神戶牛~無錯~!!我地就係去神戶食神戶牛午餐~😋 大家都知道在日本如果要想食貴價餐廳, 就要安排在午餐食, 因為午餐的價錢比晚餐的便宜一半嫁~!! 我地由大阪的難波出發, 先搭地下鐵去到梅田, 再行去JR大阪駅轉乘JR去到神戶的JR三丿宮駅 由JR大阪去到JR三丿宮只係半個鐘內, 非常快速~ ステーキラン ド 神戸店 (Steakland 神戸店) 就在阪急神戶三宮駅的正對面~ 午市的套餐~有神戶牛+炒雜菜 跟沙律、漬物、咖啡、麵鼓湯、白飯, 白飯係無限無料添食的 價錢介乎1080 yen至4180 yen, 視乎牛肉的種類、部位及重量, 最底的2個set才是神戶牛啊~!! 注意: 午餐的提供時間為11:00-14:00 顧客圍著鐵板的旁邊坐, 廚師就在現場即席烹調 跟餐的沙律及漬物~ 左邊的牛係其他食客的, 右邊的係我地3個人的~係咪好肥美好吸引呢~~~😋😋 話說狂人弟話一場黎到, 就要豪一豪, 食個過萬yen的套餐~~~~ 狂人弟萬歲, 咁我同佢朋友就緊係等食喇😆 除左勁肥美的神戶牛以外, 仲有炒菇、炒芽菜、煎瓜、煎蒟蒻 5成熟, 剛剛好~ 完成~食得喇~!!! 加埋蒜片~yummy~!!! 神戶牛的牛脂比例較重, 所以有入口即溶的口感, 但亦因為咁油脂分佈高, 食到一半, 就已經有點油膩~~小女子比較喜歡肉比例較高的佐賀牛及韓牛~😀 收銀處有各款式的神戶牛食品, 給食客買回家享用~ ステーキランド神戸店(三宮分店)真的正正在阪急神戶三宮駅對面, 非常方便~!!! 溫馨提示:   ステーキランド神戸店係知名的餐廳,  無論係遊客或係當地人都會到訪, 而精明的大家都會選擇在午餐時間食lunch set, 所以時常都會見到門外有一條長長的人龍 我地大約11:30左右到達, 等左大約30-40分鐘才有座位, 等候期間仲接受左NHK的訪問, 哈!! 大家記住預留等候時間或預先訂位啊~!!

木津卸売市場, 小女子之前都介紹過, 位於大國町的木津卸売市場, 與熱鬧凡難波區只有一個地鐵站的距離 記得第一次到訪木津卸売市場時係2016年的夏天, 我地好似見證著市場的變化, 市場由本地的批發市場逐漸傾向商業化, 越來越多遊客... 烏冬店因老闆病世而結業變為海鮮丼店, 只係將烏冬店的招牌換左做海鮮丼, 從門口窺探, 裡面的格局、一枱一櫈好似也保持不狀, 桃花依舊, 人面全非~依家再次到訪木津卸売市場時多左一份婉惜...... 今次我地無在木津市場食野, 因下午約左狂人弟的居日朋友去神戶食大餐~ 今次黎係為左買水果~ 除左場外的幾間餐廳: 鰻魚飯、海鮮丼、壽司店外, 其實木津市場場內都有好多美食, 尤其在舉行朝市的日子, 但就以刺身居多, 唔似黑門市場有較多的選擇 木津卸売市場朝市: https://kiduichiba.jp/ 木津卸売市場朝市日期:  https://kiduichiba.jp/wordpress/wp-content/uploads/2018/03/20190314153540.pdf 可睇睇小女子之前的介紹文^^ 之前的介紹文: 2018夏。 大阪 。 完結篇。 木津卸売市場 。 朝市 2017夏。 大阪岡山。 Day 5(1) 大阪。 木津卸売市場。 烏冬專門店。 一次又一次的驚喜 大阪 大國町 木津市場 驚喜烏冬 相信大家都已經知道買生果可以黎木津卸売市場, 不單只新鮮及種類多, 更比黑門市場的抵買~!! 而且店家會幫忙pack好, 讓你可安心攞返屋企(好似已經習慣左做遊客的生意^^") 所以, 不少遊人在最後一天的旅程都會安排到木津卸売市場購買水果, 然後就出發去機場返歸~ 我地係幫趁小林商店既~點解? 第一次黎到木津卸売市場就已經幫趁, 幫趁開呢間咪繼續係度買囉😂 木津卸売市場內的超市ODA 一入門口就見到新鮮的蔬菜, 若住民宿或apartment的話, 可以買返去煮啊~ 場外的餐廳 我地今次買左青提子~呢款係3500yen一包~ 沿途返酒店時, 已經聞到提子的香氣, 返到酒店急不及待要即刻試下~ 係咪香印? 我地就唔係好

今篇帶大家黎到一個比較陌生的地方--北花田 北花田?!?! 咩東東地方?? 郊區??有花睇既?? 並不是~ 大家到訪大阪, 通常都會去梅田、心齋橋、難波、天王寺, 要去北花田的原因係呢度有個Aeon Mall, 而且呢個Aeon Mall入面有間全球最大的無印良品!!!身為無印的粉絲又點可以唔黎朝聖呢~! 日本的Aeon Mall真係超好逛, 再加上咁大間的無印良品, 安排半天或一天在呢度逛都可以!! 北花田其實與梅田、心齋橋、難波、天王寺同在大阪地下鐵的御堂筋線上(即係紅色線) 由難波出發, 地下鐵御堂筋線難波(M20), 去到北花田(M28), 只需要18分鐘, 非常方便 北花田站2號出口一出就係Aeon Mall喇~!! 除左無印良品, 呢度仲有大家熟悉的UNIQLO、GU 逛街之餘又點少得美食呢~北花田的AEON MALL的美食就令人花多眼亂~~ 一日三餐都大丈夫~!! AEON MALL的Food Court 100yen 店Can Do 講開100yen店, 相信大家一諗就會先諗到Daiso, Can Do係無Daiso咁常見, 但Can Do的產品的質素比較高, 大家若見到Can Do不妒進去逛逛~ 運動用品店ASBEE 超大間的GU 雖然依家香港都有GU的分店, 但不容置疑日本的GU係好逛啲既, 一來店舖比較寬敞, 而且有啲款式係日本限定的 GU旁邊的扭蛋機店舖 只有扭蛋, 並無其他, 全間店都係扭蛋, 幾十部扭蛋機整齊排列, 何其壯觀 大家熟悉的UNIQLO 同GU一樣, 每次在日本見到都總會入去逛一逛~ 300yen店 3 COINS+plus 全球最大的無印良品 MUJI 於2018年3月20日開業, 面積達4,300呎, 除左出售一般無印的商品之外, 仲設有"Café&Meal MUJI"及Food Court, 另外最精彩係無印竟售賣新鮮蔬果、肉類、海鮮~!! 營業時間: 10:00--21:00 網址:  https://www.muji.com/flagship/sakaikitahanada/