黑炭 Charcoal's 旅遊札記~

日本的美食層出不窮, 應有盡有, 吸引世界各地的遊客前往去品嚐 而香港人喜愛日本的程度就更加不容置疑, 近日日本有調查顯示, 訪日最頻繁旅客的第一位就係香港人喇~!!相信香港人除左去日本瘋狂購物之外, 緊係去瘋狂食啦~!!! 我地每次去日本都會懷著食到飽到嘔的決心😆 一日食得幾多餐就幾多餐, 慕求在有限的時間食無限的東西😂 小女子同狂人弟年年都去(返)大阪, 大阪的美食多就不在話下, 難波心齋橋及道頓堀一帶係遊客必到的地區,  除左各頖型店舖、藥妝店林立的購物熱點之外, 亦係大阪美食的集中地 有啲餐廳/食物我地兩個係次次到訪大阪都會去/食的, 就係呢篇文章介紹下我地常食及推介的美食吧~ 自由配搭 的 美味 海鮮丼-- 若狹家 若狹家係狂人弟每次去到必食的item, 通常我地到埗後第一餐就去食 我地之前都係去位於道頓堀的難波店, 今次就去左千日前的南海なｈば店 本身店家已經有不同配搭的海鮮丼給食客選擇 食客亦可以自由配搭, 配搭出專屬自己的海鮮丼 其實我地每次到若狹家基乎都會揀返一樣的配搭~~ 小女子會點人氣的配搭--三文魚籽、海膽、吞拿魚碎3色飯, 而狂人弟就必點海膽三文魚籽飯, 仲要係DX size~!!! (DX size: 特大) 食材新鮮、味道鮮甜、份量充足, 價錢亦合理~!! 若同行的友人唔食生野, 咁點算呢??  若狹家都有提供熟食, 例如: 鰻魚飯、牛肉飯、柴魚湯烏冬等等 之前的介紹文章: 2017夏。大阪岡山。 Day 1(1) 若狹家魚生飯 宵夜之選, 外脆內軟食極都唔厭的餃子--大阪王將 大阪王將係另一間我地次次都會幫趁的餐廳, 有時仲會在同一個旅程重覆食~ 必點的餐點當然係餃子啦~!!!外脆內軟, 內餡充滿肉汁, 加埋醬油+辣油, 超yummy!! ~~諗起都想食😋 若唔食其他東西, 小女子應該可以一次過食兩客, 即12隻~價錢方便, 好似一客6隻餃子260yen~ 而大阪王將的炒飯, 外表雖然普普通通, 無咩特別的材料, 但真係估唔到的好食!!唔通係因為日本米同日本水的關係😙 注意: 大阪王將的餐廳內並無分開吸煙區與非吸煙區, 所以我地通常都唔會選擇堂食, 而喜歡買外賣返酒店房慢慢食 超

Pablo的半熟芝士蛋糕深受大家的喜愛, 分店已經遍佈日本各地, 甚至去到澳門、馬來西亞、泰國、菲律賓、印尼、加拿大, 但為何香港仲未有分店嫁呢~~~ 所以每次到訪日本我地都會搵搵附近有無Pablo的分店, 滿足下螞蟻嘴巴^^ 黎到Pablo的起源地大阪就緊係要去食啦~!!!  可惜的係位於難波連cafe的道頓崛店已經結業, 今次我地係去心齋橋分店, 乖乖去排隊吧~~~ Pablo的半熟芝士蛋糕其實都幾大個, 若然個人獨遊或者二人同行, 可能就會因為擔心食唔晒而放棄, 貼心的Pablo終於出左細size的半熟芝士蛋糕啦~!! 細size的半熟芝士蛋糕直徑只有11cm, 比原本的半熟芝士蛋糕細4cm, 適合1至2人 細size半熟芝士蛋糕 490yen, 正常size半熟芝士蛋糕900yen~ 除左半熟芝士蛋糕, Pablo會不定時推出新產品 心齋橋分店有售賣各種飲品, 今次係第一次試左Pablo的飲品 期間限定的士多啤梨開心果忌廉奶昔 650yen 通常開心果的味道唔係太強烈, 都會被其他野蓋過~但呢個奶昔你係可以清晰地飲到開心果味的, 士多啤梨的甜並無掩沒開心果的味道, 好飲, 但飲完好飽~~~ 遊客限定, 牛奶軟雪糕+Pablo迷李芝士撻組合, 特價500yen 論到小女子最鍾意的期間限定產品~^^ 5月的期間限定--薄荷朱古力迷李撻 300yen~ 但小女子唔太好 薄荷朱古力, 所以無試, 而且仲有一個更吸引的期間限定~~~~~ 就係呢個季節數量限定的伯爵茶焦糖蘋果 芝士 撻 2000yen 身為茶控, 面對茶類製成的甜品真係完全抗拒唔到~~~ 散發著 伯爵茶香氣的忌廉, 用焦糖煮過的青森縣產的蘋果, 與Pablo的 半熟芝士完美配合, 超級好食!!!!如果大家遇到呢個季節限定, 就千祈唔好錯過呀!!! 咁大個蛋糕, 去旅行又無刀又無叉點食呢~ Pablo都諗到大家有呢個難處, 所以有餐具售賣~ Pablo官方網址: http://www.pablo3.com/ 之前的介紹文章: 2018夏。 大阪。 美食。 不能錯過的Pablo。 RICH 特濃流心芝士撻 2018春。 四國。 高松大型購物中心 youme to

拉麵, 係到訪日本的必食美食之一, 唔同地區都有著佢地的特色拉麵, 東京醬油、九州豬骨、札幌味噌...... 位於 京都駅的拉麵小路 雲集左日本不同地方的拉麵店舖, 緊有一間合你心意~ 其實今次係我地第4次到訪拉麵小路, 第一、二次到訪時, 我地都係揀左來自九州博多的博多一幸舍 因食左一次之後真係回味無窮 😋 又濃又香的豬骨湯底拉麵😋   ,一幸舍的唐揚(即係炸雞)都好好食 去年就試左來自京都主場的ますたに, 今年再黎拉麵小路, 又忍唔住要食返博多一幸舍啦~! 2017年到訪的文章:  2017夏。大阪岡山。Day 2(2) 京都-拉麵小路 由京都秘景美山町出返黎京都駅, 返出黎京都市區先黎食個午餐 其實京都駅都有不少的餐廳可以選擇, 但我地每次黎到京都駅都自然會諗起 拉麵小路 拉麵小路的位置相當方便, 就在京都駅的伊勢丹百貨10樓, 食完野就可以去shopping喇~!! 4次到訪拉麵小路, 但3次都揀左食博多一幸舍, 為何呢?? 因為好好食囉~!!😊 同一般拉麵店一樣, 先在門口的自動售劵機揀選想食的東東~再示意店員用餐的人數 坐底後, 就把食物劵交給店員, 然後就安心等食喇~ 之前都提及過, 博多一幸舍的炸雞都好有水準👍👍👍 依家的炸雞大小同以往的不一樣, 大件左好多, 雖然大件左, 但絕不鞋口, 依然非常脆、多汁, 好好味~!!! 炸雞同啤酒絕對係絕配~!!! 黑芝麻油豬骨拉麵~ 今次第一次試呢個黑芝麻油豬骨拉麵, 博多一幸舍的特濃的豬骨湯湯底, 加上極香的黑芝麻油, 將成個拉麵升昇華左去另一個層次👏👏👏 博多一幸舍的拉麵係幼細型的~ 博多一幸舍的糖心蛋都好正嫁~!! 特盛豬骨湯拉麵 超多叉燒~!!!特盛到啲叉燒滿瀉咁滯~~~ 除左拉麵同炸雞之外, 配菜都好好食, 尤其係辣配菜, 非常惹味 配菜就放在枱上, 無限任加~!! 相信若我地再到訪拉麵小路, 都十分之大的機會又揀返博多一幸舍😆 特濃的豬骨湯底, 仲有超多肉汁的炸雞, 真係令人回味無窮, 難以抗拒~~ 但若然你唔太喜歡丸強烈的豬骨湯, 拉麵小路仲有另外8間來自日本不同地區的拉麵店鋪, 應該都