2019 夏。令和元年の旅。関西北陸。大阪住宿。 Swissotel Nankai Osaka 大阪南海瑞士酒店
上一年, 小女子同狂人弟的回鄉之旅第一次入住位於南海電鐵難波駅上蓋的Swissotel Nankai Osaka 大阪南海瑞士酒店
今年再次入住, 因為Swissotel Nankai Osaka實在太方便~太好住啦~!!!太正啦~!!
上年入住的體驗文章分享:
由関西空港前往市區可搭乘巴士🚌或鐵路🚃
鐵路方面, 分別有藍色閘口的JR及紅色閘口的南海電鐵,
若要前往京都、新大阪, 就應該搭乘JR, 而我地的入住酒店在難波, 所以就搭南海電鐵出市區啦~
我地一定會搭全車指定席、車內有擺放行李位置的南海電鐵特急rapi:t~舒服又快捷~!!! 車費: 1270yen/大人, 640yen/小童
當然你都可以搭空港急行, 920yen/大人, 460yen/小童
雖然特急列車rapi:t只係快空港急行10分鐘到達市區 (特急rapi:t: 40分鐘; 空港急行: 50分鐘), 但去旅行就想舒服下享受下~何必仲要去迫車呢~
而且空港急行係當地人的交通工具, 日本曾有報導訪問當地人話太多旅客乘搭空港急行令佢地十分困擾, 有些旅客把行李放在車箱中間, 阻塞左通道, 作為遊客都係俾貴少少, 搭特急列車吧~!!
到達南海電鐵難波駅後, 一出閘行幾步就已經係Swissotel Nankai Osaka位於3樓的入口~
就可以直接搭升降機去6樓的酒店接待大堂
今次我地會先在Swissotel Nankai Osaka住兩晚, 之後會去金沢3日2夜, 然後再返黎大阪住多3晚
本來我地係book左Classic Twins Room, 但check in 時upgrade左去Primer Twins Room
Primer Twins Room係在2009年翻新過的房間~
上年我地就係住Primer Twins Room~
但今次有點不同: 所有住客可以免費使用健身房&游泳池, 之前係入住Swiss Advantage Room的住客先可以免費使用, 其他住客係會另外收費的~
可惜的係我地都無時間去使用~~~留待下次入住吧~^^
上年入住的體驗文章分享:
基本上房間的設計佈局同上年入住的房間差不多
唯一不同的係咖啡機、熱水壺、茶杯、玻璃杯放在一個木柜上
裝滿收費飲品的雪柜就在木柜裡面
輪到洗手間~
小女子頗喜歡洗手間的設計, 洗手盆在外面, 而且有張長椅
免治馬桶及大浴缸就在裡面~
衣柜同樣位於近大門口的位置, 裡面有衣架、燙衫板、洗衣袋、拖鞋及俘險柜~
從房間望出去可以見到Namba Park的停車場, 遠處的左手邊係崛江地區, 而正中間遠處的位置就係天王寺, 正中間最高的建築物就係天王寺地區標誌性的建築物--阿倍野HARUKAS 300展望台
房間晚上的景色~
不得不再提及Swissotel Nankai Osaka的優越地理位置
位於南海電鐵難波駅的正上方, 進出関西空港都十分方便, 大阪市營地鐵的難波駅亦在附近, 去景點都很便利
樓下係高島屋百貨, 對面係0101百貨,
而大阪的必去景點心齋橋、道頓堀、黑門市場都係5至10分鐘左右的路程
附近仲有Namba Park、Namba City等商場
有時間的話, 可以在酒店大堂的coffee shop食件cake飲杯咖啡~
或者可以買件cake返房間慢慢食~Swissotel Nankai Osaka的蛋糕十分有水準嫁~!!!
酒店的早餐當時做緊優惠, 原價3539yen/大人, 減價至2950yen/大人~
早餐時間為: 6:30-10:30
今次我地就無食酒店的早餐, 詳細的體驗文可參考上年的文章~
從樓層的升降機大堂可以見到另一個天王寺地區的標誌性建築--通天閣~
從金澤的3日2夜之旅返黎大阪後, 我地就被安排入住另一個樓層~
今次無被upgrade喇~~~連續3晚入住Classic Twins Room
所住的房係connect room~若一家人去旅行,可以考慮預訂啊~!!
房間的佈局同一般的傳統酒店房一樣, 電視柜旁邊就係梳妝台、行李架
之後就係茶水間, 同樣有咖啡機
窗邊位置的休息區~
衣柜同樣位於近門口位置, 衣柜門就係大大的落地鏡, 出門前可以照一照整理下先出門口啊
洗手間就唔再係洗手盆在外面, 但同樣寬敞
呢次的房間係正對著0101百貨
新開幕的Namba Sky,O
Namba Sky,O集辦公室、會議室、店舖、餐廳於一身~
5 & 6樓與Swissotel Nankai Osaka相連, 而3樓亦可直達南海電鐵難波駅
2樓更有連接通道前往Namba Park, 四方八面都相連, 非常方便~!!
對住在Swissotel Nankai Osaka的我地黎講, 最大的福音就係Namba Sky,O有間超級市場, 雖然超級市場唔係太大, 但就勝在麻雀雖少, 五臟俱全, 可以 滿足住客的生活所需
check out時, 若無使用過mini bar, 就可以將匙卡放入呢個紅色盒內, 完成fast check out
酒店有寄存行李服務, 就算唔係酒店的住客亦可把行李暫存在Swissotel Nankai Osaka, 700yen/天/行李, 酒店亦可幫忙把行李送往関西空港 (1500yen/行李)
而酒店住客則可享有優惠--1000yen/行李
check out後, 4個鐘頭內可免費寄存行李, 若超過4個鐘頭就每件行李收500yen/小時
Swissotel Nankai Osaka 大阪南海瑞士酒店真係超優越的住宿
超方便的地理位置, 寬敞而整潔的房間, 優質的服務
都係果句, 若再次到訪大阪, Swissotel Nankai Osaka都必然會係我地的首選~!!!
留言
張貼留言