2019 夏。 令和元年の旅。京都近郊。 美山町茅葺之里 かやぶきの里。Cafe美卵
一講到合掌村, 相信大家就會即刻諗到近年成為觀光旅遊熱點的白川鄉
今次小女子同狂人弟帶大家黎到位於京都南丹市的美山町 茅葺之里かやぶきの里
美山町茅葺之里的屋仔並唔係合掌屋, 與白川鄉的唔同, 但美山町茅葺之里與岐阜縣白川郷的合掌村及福島縣的大內宿並稱為日本三大現存的茅葺屋集落
相對於已經半商業化的白川郷, 美山町茅葺之里暫時唔太多遊客前往, 所以被稱為京都的近郊秘景
一整片望過去係寧靜無聲的村落、綠油油的景緻, 給人有一種與世隔絕、歸隱田園的感覺
一齊黎走進呢個從江戶時代一直保留至今的茅葺部落吧~!!!
首先, 講講如何前往美山町茅葺之里
若要自行前往美山町茅葺之里, 交通係比較麻煩
其實坊間有啲美山町茅葺之里的一天遊, 亦有一些期間限定的巴士從京都直接前往美山町
季節限定巴士資料:
1. 園部。美山環遊巴士: 從"京都園部西口" 出發, 直達美山町(適合從京都出發的人)
可在官網預約 (夏季僅週六、國定假日運行, 冬季天天有班次(約50分鐘))
2. 美山自然號: 從"京阪電車-樟葉站"或"阪急電鐵-西山天王山站"出發(適合從大阪出發的人)
亦可上在官網預約
小女子就嘗試左最複雜的方法: 自行搭乘鐵路+巴士, 從大阪難波地區前往美山町茅葺之里
希望以下的分享可以幫到同樣想自己搭車前往美山町的大家~
首先, 從難波搭4個站地鐵前往梅田, 到達梅田後轉乘JR, 由JR大阪駅搭去京都
往京都的列車停泊在9及10號月台~
到達京都後, 就往32及33月台轉乘嵯峨野線, 往嵯峨嵐山。園部。福知山方面
嵯峨野線即係前往乘搭嵐山小火車果條線呀😉
去美山町, 要在JR日吉駅轉乘南丹市巴士~
我地在京都駅剛巧乘搭左可直達日吉駅的列車, 但有些列車唔會到日吉駅, 所以便要到JR園部轉乘前往日吉駅的列車
要留意啊~!!!
以下係JR及南丹巴士的時刻表, 有星星圖案則代表唔需要在園部駅轉乘
p.s. 平日、星期六、星期日及假期的時刻表都有啲不同嫁
另一樣要注意的係日吉駅係細站, 係無閘口的車站, 所以唔可以使用IC卡
若使用IC卡, 就需要在京都駅或者園部駅用IC卡先出閘, 再購買前往日吉的車票, 到左日吉駅就將車票放入呢個箱入面, 亦可直接把車資放入箱 (京都-->日吉 780yen, 園部-->日吉 200yen)
我地使用關西北陸地區鐵路周遊券 JR Kansai- Hokuriku Area Pass, 就直接向職員展示pass出閘就可以喇~
好啦~到左日吉駅就到站外的左手邊搭乘南丹市巴士
基本上巴士的時刻表都與JR配合, 巴士就在日吉駅外等候我地上車喇~!!
車費: 610yen/人
巴士上的乘客大部份都係前往美山町茅葺之里的遊人, 同車的就有2組台灣旅客及一位日本的伯伯~(離開時亦係同大家同一班巴士離開^^)
巴士的車程大約45分鐘~
我地6點幾就從難波出發, 差不多10點終於到喇~!!!😭
在"北"(かやぶきの里)落車~
入村時, 記住去對面的巴士站睇睇回程的班次, 巴士的班次好疏落下嫁~
左面係平日的時刻表, 右面係假日的
當然你都可以在網上預先查好, 做好功課
出發前, 小女子都有先在網上查好班次, 但點都要在現場睇多一次, 會安心啲~
好喇~查好、影低時刻表就入村囉~!!
美山町茅葺之里 かやぶきの里約有50戶建築, 其中共有38棟茅葺屋: 32棟為住宅、6棟為民俗資料館或店鋪, 最早的茅葺屋建於1796年
美山町茅葺之里於1993年被日本政府選為國家重要傳統建造物群保存地區
入村無耐, 就會見到美山町茅葺之里的標誌--紅色郵筒
呢度係美山町茅葺之里最美的取景地, 所有到訪的遊人都會休呢度拍照留念
路旁的小花~🌼🌼🌼
冬天的時候, 美山町茅葺之里會落起大雪, 所以同白川鄉的合掌屋一樣, 茅葺屋的設計都經過考量
茅葺屋的屋頂有幾個十字交叉的木頭, 稱為"千木"(ちぎ), 目的係用於補強, 而放在整排的十字木架上的整根木條則係為緩和積雪的"雪割り"(ゆきわり)
美山民俗資料館~
我地無入內參觀, 繼續閒逛~
美山町內有好幾間民宿, 民宿久や就係其中一間
有興趣在美山町住返晚的話可以查查看~
行到咁上下, 就到左美山町的另一地標--Cafe美卵 (カフェ美卵)
基本上每個遊人都會黎一黎Cafe美卵坐坐~為什麼呢???
因為呢度有雞蛋布丁、牛奶雪糕呀!!🍮🍦
可愛的柴柴~!!初頭以為柴柴係Cafe美卵的老闆飼養的狗狗, 但原來係鄰居😜
自家製的雞蛋布丁係Cafe美卵的必食item, 雞蛋布丁(280yen)
美山町茅葺之里位於南丹市, 屬於京都的丹波地區, 丹波地區盛產黑豆
Cafe美卵有黑豆豆乳布丁(350yen), 但黑豆豆乳布丁係星期六日限定~......可惜~~~~~
除左雞蛋布丁, 用美山牛奶製成的牛奶雪糕(350yen)都好好味嫁~!!
店內仲有自家製海綿蛋糕、雞蛋、磁石、手繪風格明信片
若想寄明信片, 可在購買明信片時向店家購買郵票, 寫好的明信片要去邊度寄?? 當然就係美山町茅葺之里村口的地標--紅色郵筒喇~!📪
坐在cafe內一邊寫明信片, 一邊嘆美味的布丁&咖啡~十分寫意~
店家的狗狗~
我地去到cafe時, 狗狗不斷在店入面吠, 原來佢係想話俾主人聽, 放佢出去曬太陽呀~!!
店家放左狗狗出去之後, 狗狗就無再吠了, 乖乖的趴在店門外曬太陽, 郁都唔郁, 仲謎晒眼咁, 好舒服啊~!!
注意: 星期三係Cafe美卵的定休日啊~若想試試雞蛋布丁或牛奶雪糕, 就盡量避免星期三黎美山町喇~!!😝
Cafe美卵 カフェ美卵
營業時間: 10:00-17:00
定休日: 星期三
嘆完個morning tea~就繼續閒逛美山町~
美山町有個鎌倉神社 ,從神社往下看可以眺望整個美山町的茅葺屋集落
我地無去到鎌倉神社, 但黎去左另一個神社
八幡宮
在門外欣賞美麗的田野景色~
翠綠的山脈, 廣闊的稻田, 山邊的野花, 寧靜的環境, 清新的空氣
行行下就去到吉之丞
吉之丞係一間麵包店, 特別的地方係呢度的麵包係以米做作為主要原材料
但剛好當天係休息日......
吉之丞 (米麵包店)
營業時間: 10:00 -14:30
定休日: 不定休
走回剛才落巴士的位置, 再影影呢幅美麗的圖畫~
除左Cafe美卵, 若要在美山町用餐, 可考慮到お食事処きたむら
主要係食手工蕎麥麵的, 聽講仲有親子丼
我地剛食完個morning tea唔太餓, 所以不大打算在美山町食午餐, 留待回京都駅先食~
但就對お食事処きたむら門外的自動售賣機有好大的興趣~!!!
自動售賣機有新觧的牛奶賣, 你見過未~!?!?
美山牛乳真係好好飲~!!!既香滑又濃郁~!!👍👍👍🐄🍼
お食事処きたむら隔離就係手信特產店--お土産処 かやの里
美山牛乳、牛奶咖啡、美山牛乳餅乾、茅葺屋造型的糖果、丹波黑豆、手繪風格的明信片
甚至係吉之丞的麵包, 呢度都有得賣
臨離開時, 記住將明信片放入紅色郵筒呀~!!
p.s. 明信片比我地仲要快返到香港~!!好有效率呀~!!!
到步時係在左手邊的巴士站落車, 離開就要在對面, 即係圖中右手邊的巴士站等候~
搭JR由日吉駅回京都駅
美山町茅葺之里的一年四季都有不同美麗的景色🌸🌳🍁⛄, 每年春天及秋天的其中一日會舉行"一齊放水"消防演習活動; 夏天綠油油的景象🌳; 11月左右可欣賞秋天的紅葉🍁🍂,
而到左冬季, 每年的1月尾至2月頭都會有雪燈廊(ゆきとうろう)的點燈活動⛄, 18個茅葺民家會點燈, 仲有小攤販擺攤、製作雪燈籠等活動, 睇點燈唔一定要去白川鄉既~😊
除左四季的美麗景緻, 美山的特產都好吸引, 例如: 美山牛乳、牛奶咖啡、美山產的雞蛋做成的布丁......
如果你已經去過京都好多次, 唔想再去大路的景點同人逼, 想黎一趟不一樣的近郊小旅行, 不妨黎造訪呢個低調而未商業化的小村落啊~!!
時間充裕許可更可以考慮黎個兩日一夜入住古色古香的茅葺民屋, 在寧靜的村落感受一晚~
美山町觀光網站: https://kyotomiyama.jp/
留言
張貼留言