黑炭 Charcoal's 旅遊札記~

帶住爸媽去旅行系列又黎喇喂~!!!!👫👫  今次係小女子同狂人弟第一次踏足北海道, 真係人生路不熟, 仲要帶住一村人😅~~~~ 今次除左同爸媽一齊之外, 仲加埋小女子兩個姑姐~~👫👫👭 小女子的朋友都話: "真係要無比的勇氣先會有咁的決定~" 係囉~~何解會有咁傻豬的決定的呢??? 我都唔知~~~~只知道呢個旅程好累, 比平時的累10倍~~ ANYWAY~~~都係開心既~ 最開心緊係去食食食喇~!!!!🦀🐙🦀🐙🦀 去北海道真係要勁食海鮮呀!!!!好食到不得了👏👏👏 我地去左3個不同的市場~慢慢再同大家介紹介紹😊 10月去北海道當然係希望可以賞到紅葉和銀杏啦🍁🍂🍁🍂🍁🍂🍁🍂 但帶住成村人, 去唔太到比較偏遠的地方~~只可安排有一天去定山溪的豐平峽 帶住成村人, 行程總唔會理想化地順利進行...... 先同大家分享一下小女子的 "理想化行程" : DAY 1 香港。札幌新千歲機場Shin Chitose kūkō。札幌三井Mitsui Garden Hotel。晚餐: 札幌拉麵共和國。大通公園。札幌電視塔。狸小路商店街 DAY 2 定山溪Jyouzankei。豐平峽。定山溪溫泉街。二見吊橋 DAY 3 函館Hakodate。五稜郭公園。Four Points By Sheraton函館。金森紅磚倉庫。晚餐: 幸運小丑漢堡Lucky Pierrotラッキーピエロ。 函館山夜景 DAY 4 函館朝市。札幌--午餐: かに本家(蟹本家)。Sapporo Beer Museum札幌啤酒博物館(サッポロビール博物館) DAY 5 北海道大學。北海道舊道廳。小樽Otaru。三角市場。小樽運河。堺町通 DAY 6 札幌中央卸売市場。新千歲機場。香港 實際行程: DAY 1 香港。札幌新千歲機場Shin Chitose kūkō。札幌三井Mitsui Garden Hotel。晚餐: 札幌拉麵共和國。ESTA百貨 DAY 2 定山溪Jyouzankei。豐平峽。定山源泉公園 DAY 3 函館Hakodate。五稜郭公園。Four Points By Sheraton函館。函館山夜景。晚餐:

  終於黎到今次"2018夏。大阪" 遊記的最後一篇👏👏👏  最後一天食個豐富的早餐, 黎個完美的總結😊 是日的旅程只有一個重點-- 木津卸売市場朝市 相信遊人現在已經對木津市場有一定的認識, 小女子都曾介紹過下~ 去大阪不再只單係去多人到不得了的黑門市場, 木津卸売市場都十分值得去嫁!!! 由難波去木津市場只需搭一個站地下鐵去到"大國町", 再步行3分鐘就到喇~ 是日係星期六, 而星期六正好係木津卸売市場的朝市, 木津市場的朝市在星期六舉行 至於係咪每個星期六都有呢?? 咁就記住參考返官網的日曆喇~ 官方網址: http://kizu-ichiba.com/ 之前我地到訪木津市場必定會去市場外圍的 烏冬專門店--大和 但今次到訪烏冬專門店已經消失, 舊址已成為海鮮丼專門店....... 烏冬專門店大和因老闆突然病逝而結束營業😢, 還記得老闆及店員親切的笑容同熱情的款待.... 還記得老闆用廣東話同我地講多謝..... 現在事物依舊但人面全非, 一切都只能成為回憶~  星期六的木津市場非常熱鬧, 開業的舖頭都好似比平日多~ 好喇~!! 重點~!! 豐富的早餐開始~~!!!!! 溫馨提示: 肚餓時千萬唔好繼續睇呢篇blog😊 第一樣緊係要買小女子的至愛--帆立貝~😍😍😍 900yen一盒 新鮮的八爪魚🐙, 顏色同形態都好吸引呀~不過我地無買 豐富的早餐又點可以少左排列整齊超靚仔的海膽~4500yen/盒 買完之後就可以去呢度品嚐美味的戰利品~ 從前的商店, 依家變成給遊人進食、休息的地方~ 有點嘆息的感覺, 想像到木津市場漸漸會變成下一個黑門市場....3枱遊人, 3枱都係香港遊客😆 開餐啦喂~!!!!😋😋😋😋 即切的大toro~~🐟 係度黎過 木津市場 和 黑門市場的黑門三平 的帆立貝、海膽及大TORO作個小比較~ (3天前到訪黑門市場) 先講我的至愛😊以新鮮的程度, 兩個市場的帆立貝都好新鮮 但價錢方面, 呢度比黑門市場的黑門三平平一半~ 木津市場: 900yen 6粒; 黑門三平: 1800ye

 雖然小女子一年應該總有一次到訪關西地區, 但就好少過黎神戶, 印象中只係幾年前黎過一次睇鐵人28 & 食神戶牛 其實到神戶觀光十分方便及簡單, 遊客可搭神戶 シティー・ループ CITY LOOP 巴士暢遊神戶地區  神戶CITY LOOP 巴士 仍係循環線, 圍繞神戶市遊 走, 去到 神戶 各個觀光景點 , 例如: 北野異人館街 、 元町商店街( 即係 神戶的中華街) 、 美利堅公園、神戶港等等  我地從六甲山牧場回到JR神戶三丿宮駅, 搭CITY LOOP 巴士去神戶港旁的Mosaic馬賽克廣場 & Umie購物廣場 在第13號車站"地下鐵三宮駅前(南行)"上車, 搭到去2號車站"ハーバーランド(モザイク前)"落車 車站觀光所外有個類似旅遊大使的姨姨教我地如何由JR三丿宮駅前往CITY LOOP巴士站 仲俾埋地圖我地tim 我地去神戶港, 唔需要過馬路 若要前往北野異人館方向就要過對面馬路的CITY LOOP巴士站候車 神戶CITY LOOP 巴士平日班次15-20分鐘一班, 星期六日及假期就13-15分鐘一班 要注意的係巴士比較早收工, 平日 尾班車係下午5點幾 星期六日及假期就遲少少, 但都只係下午6點幾 車費-成人: 260yen/趟, 12歲以下的兒童: 130yen/趟 若一天去的景點比較多的話, 可以考慮購買一日劵, 660yen(成人) 330yen(兒童), 搭3程已經回本~ 神戶CITY LOOP 巴士亦可使用IC卡 搭乘 話說我地已經 比 巴士預計到站的時間早到巴士站 , 等到已過左 到站時間5分鐘, 巴士仲未出現,  狂人弟就開始 質疑: 究竟有無巴士嫁, 都無人等車既~~~ 綠色車身的 CITY LOOP 巴士 終於有出現, 但就比 預計到站時間遲左幾分鐘 所以大家若遇到同樣的情況唔 需要擔心, 巴 士係會出現的~~但就一反日本 交通工具準時的常態, 唔太準時😅 神戶CITY LOOP巴士官方網址: http://www.kctp.co.jp/outline/car/cityloop/35/ 巴士上有廣播提示乘客落車, 最驚喜係有廣東話廣播呀!!! 係小女子第一次在日本聽到廣東話