2018夏。 大阪 。 完結篇。 木津卸売市場 。 朝市
最後一天食個豐富的早餐, 黎個完美的總結😊
是日的旅程只有一個重點--木津卸売市場朝市
相信遊人現在已經對木津市場有一定的認識, 小女子都曾介紹過下~
去大阪不再只單係去多人到不得了的黑門市場, 木津卸売市場都十分值得去嫁!!!
由難波去木津市場只需搭一個站地下鐵去到"大國町", 再步行3分鐘就到喇~
之前我地到訪木津市場必定會去市場外圍的烏冬專門店--大和
但今次到訪烏冬專門店已經消失, 舊址已成為海鮮丼專門店.......
烏冬專門店大和因老闆突然病逝而結束營業😢,
還記得老闆及店員親切的笑容同熱情的款待....
還記得老闆用廣東話同我地講多謝.....
現在事物依舊但人面全非, 一切都只能成為回憶~
星期六的木津市場非常熱鬧, 開業的舖頭都好似比平日多~
好喇~!! 重點~!! 豐富的早餐開始~~!!!!!
溫馨提示: 肚餓時千萬唔好繼續睇呢篇blog😊
第一樣緊係要買小女子的至愛--帆立貝~😍😍😍 900yen一盒
新鮮的八爪魚🐙, 顏色同形態都好吸引呀~不過我地無買
豐富的早餐又點可以少左排列整齊超靚仔的海膽~4500yen/盒
買完之後就可以去呢度品嚐美味的戰利品~
從前的商店, 依家變成給遊人進食、休息的地方~
有點嘆息的感覺, 想像到木津市場漸漸會變成下一個黑門市場....3枱遊人, 3枱都係香港遊客😆
開餐啦喂~!!!!😋😋😋😋
即切的大toro~~🐟
係度黎過木津市場和黑門市場的黑門三平的帆立貝、海膽及大TORO作個小比較~
(3天前到訪黑門市場)
先講我的至愛😊以新鮮的程度, 兩個市場的帆立貝都好新鮮
但價錢方面, 呢度比黑門市場的黑門三平平一半~
木津市場: 900yen 6粒; 黑門三平: 1800yen 5粒(大粒少少)
至於狂人弟至愛的海膽, 木津市場呢板就4500yen, 平黑門三平300yen,
但數量就多好多, 既每一舊的大小都好平均, 而且色澤亦比較靚仔
非常美味的大TORO😋~唔洗再多講, 呢個當然又係比黑門的平啦~!!!
但木津市場的食物無黑門市場的咁多款式, 當天主要見到魚生, 壽司、小食就唔係好見到~
3天前到訪黑門市場的文章: <2018夏。 大阪 。 黑門市場。 口話貴但又要去>
你可能會問: 平日的木津市場係咪都係咁熱鬧既呢?? 定係朝市的時候先有咁多野食??
呢個問題小女子都好想知道😂, 因為之前都係在平日到訪, 當時並無好多舖頭有開店, 主要開門的都係賣水果的店舖~
可能依家的木津市場平日都已經好似黑門市場咁有不少舖頭有即買即食的魚生賣~
話晒我地上次到訪都已經係一年前~~
等下次小女子去大阪時, 平日去一次, 星期六又去一次, 親身試下再同大家報告報告😁
香港的遊人越來越識路~ 完全攻佔左木津市場的水果店😆
因為木津市場的水果又新鮮又多種類又抵買!!!
當時火熱的item: 唔記得左叫做咩咩芒果😁
好吸引的和牛呀~😍, 見到都流晒口水~~~~
有表演睇
有衫賣
星期六的木津市場真係好熱鬧
又去下市場旁邊的超級市場ODA行下~
超級市場都有魚生賣, 但當然食緊係去市場食啦~
港人媽媽至愛的日本米~
今次黎發現超級市場多左好多手信式的零食~
仲多左呢張告示~~
海鮮丼專門店, 應該所用的食材都係由市場提供, 所以應該十分新鮮, 值得一試~
值得一試的仲有旁邊的蒲燒鰻魚店
一條一條肥美的鰻魚~
在日本食鰻魚料理一向價錢都唔平, 呢間店舖的價錢合理, 唔太貴
店員叔叔(可能係老闆😆) 見到小女子在影相, 主動拉開層架俾我地影😊🙇
剛燒好的鰻魚香噴噴~好想食呀~!!!下次一定要試試~!!!
另外仲有一間大眾食堂~
今次到訪木津市場, 感覺到木津市場開始有點變化~漸漸傾向做遊客生意~亦越來越多遊客到訪
真係早去最享受,遲左貴兩舊😂
木津卸売市場
交通方法: 地下鐵御堂筋線大國町站Exit 1 行3分鐘左右
營業時間: 05:00-11:00(商店) 食肆營業至12:00-13:00不等
休息日: 逢星期日 (除星期日外 週間亦有定休日 請參考官網)
官方網址: http://kizu-ichiba.com/
留言
張貼留言