2019 冬。 東京迪士尼35週年。IKSPIARI 伊克斯皮兒莉購物中心

今篇同大家介紹一下迪士尼度假區內唯一的商場--IKSPIARI 伊克斯皮兒莉購物中心

集美食、購物、娛樂於一身的IKSPIARI 位於JR京葉線舞濱駅及迪士尼度假區線的Resort Gateway Station渡假區總站旁邊

由於IKSPIARI 係度假區唯一的商場, 所以無論係住在度假區內的遊客或係來迪士尼玩一天的遊客都必定會經過的地方, 而且商場入面仲有間全日本最大的DisneyStore, 迪士尼的粉絲又點能夠錯過呢~!!

由東京迪士尼樂園可步行前往IKSPIARI~

入IKSPIARI之前, 會先經過呢間在IKSPIARI商場門外的DisneyStore~

在樂園裡面未買夠紀念品, 就可以係度繼續shopping~!!

IKSPIARI 樓高4層, 4樓主要係餐廳食肆, 3樓有各式各樣的店舖及餐廳, 

全日本最大的DisneyStore就在2樓

一齊黎睇睇號稱全日本最大的DisneyStore有咩野睇先~

當地剛剛推出的nuiMos迪士尼換衫公仔, 樂園裡面都見唔到有得買~

有迪士尼同其他品牌crossover的商品~

有個角落位係擺放Marvel的產品~

呢度的商品都係樂園裡面無售賣的~

除此之外, 2樓仲有戲院及大家熟悉的店舖, e.g. ABC Mart、Gap、Lowrys Farm、Urban Research等等

IKSPIARI有好多不同種類、國家的餐廳食肆, 總有一間啱你心水~

4樓的食肆平台花園~

住在度假區酒店的我地, 連續兩晚玩完樂園都黎到4樓的餐廳食晚餐~

首先係呢間, 排長龍的壽司店--築地玉壽司

可能大家黎到日本都一心諗住食壽司, 而築地玉壽司係IKSPIARI 商場唯一一間壽司店, 所以就大排長龍啦~除左受遊客歡迎之外, 都有不少日本人幫趁嫁~

等左差唔多一個鐘頭, 終於有位啦~!!

築地玉壽司的食物質素都不錯~熱辣辣的燒玉子~!!

好鮮甜的蟹棒加上濃郁的蟹膏, 超好味~!!!

啲蟹膏咁正, 緊係要encore既~😋 

食壽司或刺身當然離不開海膽~

之後果晚就去左狂人弟喜愛的和幸~

小女子比較喜歡濕濕地有汁的食物, 所以每次都係食呢個~

滑蛋吉列豬扒set~

脹卜卜的吉列蠔~

狂人弟都係每次都食同一個set~ 厚切唔知咩咩黑豚豬~

IKSPIARI餐廳: https://www.ikspiari.com/gourmet/

1樓有Food Court、超級市場、輕食的店舖e.g. Starbucks、Bake Cheese Tart、nana's Green Tea

成城石井 Supermarket~

對我地呢啲住在度假區入面的遊客, 呢間超級市場對我地係何等的重要~!!!

因為除左呢間超級市場外, 只有一間便利店在JR舞濱外~買宵夜、零食、日用品就離唔開要黎呢度喇~

當然, 酒店商場入面都有一間小小的店舖, 方便住客, 但款式選擇及價錢緊係超級市場吸引啦~!!

可能為左方便客人去玩迪士尼樂園先前往, 所以閉店的時間都比一般日本的超級市場遲~

營業時間: 10:00-23:00

買滿5001yen仲可以免稅~

我地連續兩晚都有逛成城石井, 其中之一個目的係為左黎買水果~

去旅行已經比較少食菜, 所以水果係不能缺少~

飯團、便當~

另一個目的就緊係因為各款期間限定的雪糕啦~!!

提提大家: 位於IKSPIARI 1 樓的Tokyo Disney Resort Ticket Centre東京迪士尼度假區售票中心

如果想提早購買Disneyland 或 DisneySea 的門票也可以到呢邊的購買
營業時間: 8:00-21:00

(DisneyStore係無門票售賣的)

IKSPIARI 伊克斯皮兒莉購物中心

營業時間: 10:00–23:00（部分商店11點後營業）

休息日: 無

IKSPIARI官方網址: http://www.ikspiari.com/

2017年的相關文章: 初訪東京。 IKSPIARI 伊克斯皮兒莉購物中心。全日本最大的Disney Store