2019 冬。 東京迪士尼35週年。東京迪士尼海洋 Tokyo DisneySea。(上) Pixar Playtime 彼斯遊戲時間
上星期剛睇到旅遊資訊: 東京迪士尼樂園和迪士尼海洋都會有新場景和新設施呀👏🎉🎉🎉
東京迪士尼樂園在明年2020年會先開幕"美女與野獸園區"~
而在2022年, 東京迪士尼海洋會有兩個新園區開幕~其中有極受歡迎的"冰雪奇緣園區"開幕, 園區除左有艾倫戴爾王國小鎮之外, 仲有艾倫戴爾城堡~
另外仲有"魔髮奇緣園區"~!!好期待呀~!!到時又要買機票啦~!!😊
好喇~返番黎2019年的遊記~!! 在東京迪士尼樂園慶祝開園35週年的同時, 東京迪士尼海洋 Tokyo DisneySea 呢邊都有特別的活動進行中, 在2019年1月11日開始至3月25日期間, Tokyo DisneySea 會有 Pixar Playtime 彼斯遊戲時間
活動包括彼斯動畫的卡通主角們的遊行表演、拍照紀念佈景、以table game為概念的大型裝置、園內各處的各種小遊戲, 當然仲有期間限定的Pixar Playtime產品
(到訪時間: 2019年1月22日)
其實大家去DisneySea一入園的目標都係非常一致, 就係要迅速地前往反斗奇兵Toy Story 玩具總動員瘋狂遊戲屋~!!
當天開園時間係10點,一開園快速通行fast pass 已經攞到12:15-13:15, 即時排隊玩的等候時間就要40分鐘
可能你會有個疑問, 為何一開場就已經要排咁耐隊, 而fast pass都攞到咁遲的時間?!?!
因為住在迪士尼官方酒店的住客係可以享有在當天開園時間早15分鐘進場~就係咁樣啦~!!
好不容易先行到黎位於美國海濱裡面的反斗奇兵的園區~
多人到呢~~~~~
2017到訪的那天係落雨的, 所以就無今日咁多人~
2017年的遊記比較詳細寫底左遊玩心得, 有興趣就睇睇啦~!!😊
玩反斗奇兵Toy Story玩具總動員瘋狂遊戲屋真係一定要攞Fast Pass~!!!
無論你係手持正式入場劵或網上列印版, 只要把入場劵上QR CODE放入fast pass機器scan一scan 就得嫁啦~!!
好不容易fast pass終於到手~!!
已經攞到19:20-20:20時段~
已經攞到19:20-20:20時段~
基本上玩具總動員瘋狂遊戲屋的fast pass在開園後兩個鐘內就會派晒~
提提大家: 一個人係可以手持多張的入場劵去攞fast pass的, 所以若三兩知己或三五成群入園就記得要兵分兩路, 小女子同狂人弟就一個去攞fast pass, 一個去排定隊
到小女子成功攞左fast pass時, 當時的等候時間已經係120分鐘....好在狂人弟先去排隊~
早上玩一次~晚上再用fast pass玩多次😁✌
等~等~等~~~日本小孩都等到累了~~
室外等候區的牆壁~
終於入到室內~
究竟大受歡迎的玩具總動員瘋狂遊戲屋係玩咩既呢~??
玩家要戴著3D眼鏡, 兩個人坐在遊戲車內穿梭在不同的場景, 遊戲車會在每個場景停留一定的時間, 玩家就要在限定的時間射飛標攞分數
其實就同巴斯光年的射槍遊戲有啲類似, 但呢個遊戲係會玩到手軟😂
入去Andy的房間啦~
超級好玩~!!玩樂的時間大約係3-5分鐘內, 但完全無時間俾隻手休息, 不停地射飛標~可以減下拜拜肉😆
雖然玩完會手軟但玩完一次會好想再玩多次~!!難怪係Tokyo DisneySea 最熱門的遊樂設施~!!
玩具總動員瘋狂遊戲屋絕對唔可以錯過呀!!!
推介指數: 5粒星🌟🌟🌟🌟🌟 (5粒星為滿分)
玩具總動員瘋狂遊戲屋旁邊呢幢奇異的建築物就係美國海濱呢個區域的另一個遊樂設施--驚魂古塔
玩具總動員瘋狂遊戲屋旁邊呢幢奇異的建築物就係美國海濱呢個區域的另一個遊樂設施--驚魂古塔
驚魂古塔其實係類似室內跳樓機的機動遊戲, 亦係Tokyo DisneySea 其中一個熱門的遊樂設施, 有得攞fast pass
遊玩心得分享👇
見到盧蘇在行走中~
Pixar Playtime期間限定商品~
Pixar迷你朱古力扭蛋機及怪獸公司大眼仔米高的朱古力收納罐, 各800yen, 連一小包朱古力
買完限定商品, 剛好開始Pixar Playtime期間限定的反斗車王的閃電麥坤勝利巡遊表演
遊客排在遊行路線的兩旁圍觀, 就好似夾道歡迎著閃電王麥坤咁~
除左有閃電王麥坤, 車隊的工作人員們會指導著遊客帶領著大家做些動作, 使大家更投入
除左精彩的遊行表演之外, 園區的各個角落也藏著驚喜~!!
美國海濱的中央廣場就以桌上遊戲為主題的大型裝飾
另外在美國海濱、發現港、失落河三角洲三處都有期間限定的拍照景點, 呢度就有好大隻的Jack Jack~!!
之前講到, 無論係Disneyland或係DisneySea的每一個區域都有不同口味的爆谷及造型爆谷桶發售
我地的心水爆谷桶就在DisneySea的美國海濱發售
就係呢個反斗奇兵爆谷桶喇~!!
爆谷桶的設計十分仔細, 就連胡迪的鞋底都有Andy的字樣嫁~!!
講返期間限定的Pixar Playtime~
園內有多間的餐廳亦有推出限定的Pixar餐點, 不論係正餐或小食每樣都超可愛好吸引~當中有啲餐點係連餐具發售的
呢度係美國海濱的New York Deli 紐約美味房
New York Deli 主要係售賣三文治類的食物~
我地點左Mile High Deli Stack Set 1300yen同埋 Grilled Reuben Set 1150yen
套餐配上一杯飲品及一杯粗薯條🍟, 亦可單點食物~
Mile High Deli Stack
類似係公司三文治, 配料有燒牛肉、芝士、生菜、蕃茄
Grilled Reuben Set
我會形容為燒牛肉酸菜芝士多士~酸菜???係呀, 就好似去德國餐廳食豬手時放在旁邊的酸菜~
好食嗎??整體黎說唔算特別好食, Mile High Deli Stack就係普通的三文治
若要選擇, 本人覺得Grilled Reuben係比較好食~
當時適逢真人版阿拉丁將會上映, 因此園區已經有不少阿拉丁的周邊商品推出~
情人節產品亦已經有得售賣~
黎到DisneySea又點能夠錯過Duffy & Friends的產品呢~!!
今次Duffy & Friends的周邊商品設計主題故事為"HEARTWARMING DAYS"~
推出多種可愛商品, 除左吊飾公仔, 仲有整個公仔造型的斜揹袋、即沖咖啡連玻璃樽等等~
鄉村風格加上粉嫩色彩, 十分可愛, 令人愛不釋手~~又係大灑金錢的時候喇~!!!
每隔一段時間, Tokyo DisneySea就會推出唔同主題系列的Duffy & Freinds商品
喜歡Duffy & Freinds的朋友要密切留意喇~😍
黎到地中海港灣的米老鼠廣場~就係Pixar Playtime 彼斯遊戲時間的重頭戲--"皮克斯好友來遊戲!"
表演一開場就先由反斗奇兵的朋友們同觀眾一起玩互動遊戲, 之後就驚喜出現喇~!!
超人特攻隊的超能先生、彈弓女俠出場!!!
佢地上台後會邀請現場的大家一起做英雄體操、合力打敗壞人
之後最最令人興奮的係有更多的Pixar動畫的人氣角色登場~!!!
係小女子最愛的怪獸公司的大眼仔米高同毛毛呀!!!!😍😍😍
好近呀!!!!
接著有勇敢傳說的梅莉達公主
玩轉腦朋友的阿樂Joy
阿愁~
所有出場的動畫人物都會走到台上及台下與觀眾互動~
超能先生~
仲有五星級大鼠的雷米~
終於有機會見到個舞台喇~~~
喜歡Pixar動畫的朋友, 絕對不能放過與佢地近距離互動的機會啊!~!
如果反斗奇兵、海底奇兵、怪獸公司、超人特攻隊等彼斯動畫係你熱愛的迪士尼作品, 你就一定不能錯過Pixar Playtime 彼斯遊戲時間喇~!!
原來Pixar Playtime 在2018年已經登過場, 小女子仲以為係新野tim~~~
雖然2019年的Pixar Playtime已經結束, 但可能在2020年又會再次舉行~可能仲會更加豐富更加好玩, 大家要密切留意Tokyo DisneySea 的活動時間表啦~!!
東京迪士尼海洋官方網址: https://www.tokyodisneyresort.jp/tds/
留言
張貼留言