2019 秋。北九州。福岡。住宿篇。JR九州酒店Blossom博多中央 JR Kyushu Hotel Blossom Hakata 。加插: 由福岡空港到市區
帶住爸媽去旅行, 住宿方面緊係要搵啲房間舒適寬敞, 又鄰近車站, 生活基能好的酒店
今次就選擇左位於JR博多駅附近的JR九州酒店Blossom博多中央 JR Kyushu Hotel Blossom Hakata (下稱:
嚴格來說, JR九州酒店Blossom博多中央就在JR博多駅對面, 真係過一條馬路就到~!!!
車站的另一邊的出口筑紫口亦有一間JR九州酒店Blossom福岡酒店, 但論生活基能, 博多口呢邊比較優勝
鄰近JR博多駅、地下鐵及巴士站, 無論要前往福岡市內景點或係搭JR、新幹線或特式列車到其他縣市, 也十分方便
購物方面~~JR Hakata City、 KITTI 0101、阪急百貨、福岡巴士總站, 仲有筑紫口的Yodobashi-Hakata, 逛幾日幾夜都可以~!!!
美食及知名的餐廳e.g. 博多華味鳥、一蘭拉麵、炭燒牛舌利久等等, 亦集中在JR博多駅附近
食、買、玩、逛都可以一一滿足晒, 非常方便~!!!
之前小女子分別在四國高松&東京新宿住過JR系列的酒店
分享文章:
首先, 講下由福岡空港出市區~
福岡空港離市區十分近, 相信係日本國內數一數二近市區的空港
若唔係自駕遊, 遊客由空港出市區有3種方法:
1. 搭的士, 因為距離近, 所以車費唔會太貴, 大約1200-1500yen左右
2. 搭巴士: 國際線Terminal有直接前往博多市區及天神地區的巴士
3. 搭鐵路: 國際線Terminal係無鐵路連接出市區的, 要搭鐵路出市區, 必需先在國際線Terminal搭免費接駁巴士往國內線Terminal,雖然好似有點轉折, 但其實亦十分方便
基本上一出到境大堂就會見到有兩條人龍, 較前的位置係一條非常長的人龍, 排緊往市區方向的巴士, 另一條就係搭往國內線Terminal的免費接駁巴士
大約5-10分鐘, 就到達國內線Terminal, 從巴士站往前行, 就見到地下鐵的福岡空港駅入口~
由福岡空港到博多, 只係2個站, 車程大約6分鐘, 而去另一熱鬧地區天神亦只係5個站
我地今次入住的JR九州酒店Blossom博多中央離地下鐵博多站非常近, 到達博多站後可搵西17出口, 呢個出口有扶手電梯
博多站的西13出口都可以, 但西13出口只有樓梯.....若攞住行李或同父母同行就選擇另外其他出口吧~
仲有一個西15出口, 西15出口的位置就在西13及西17中間
西15出口只有一部升降機, 而且升降機唔太大, 年青力壯的就留返升降機俾有需要的人用吧~
3個出口都在同一個方向, 都係過對面馬路就可以去到JR九州酒店Blossom博多中央
由出口一行出黎望去對面就見到呢幢福岡銀行博多駅前支店, JR九州酒店Blossom博多中央就係隔離果幢喇~
最近酒店的出口其實係西18出口, 就在酒店的隔離, 而且與地下街連接, 就算遇到落雪落雨都不怕~地下街的2樓就有大家十分熟悉的一蘭拉麵
但辰注意: 西18出口亦只有樓梯, 若攜老扶幼或拖住行李, 都係行返西17(扶手電梯)或西15(升降機)出口吧~
酒店的接待大堂寬敞明亮
小女子每次經過都見到前台總有3個職員工作, 所以唔需要等候太耐
職員友善有禮, 用英文溝通完全無問題
前台的正對面有給人坐底休息等待的位置~
旁邊有給住客使用的電腦及打印機
升降機大堂
辦理好check in手續, 就攞房卡上房
住客需要用房卡拍一拍升降機的呢個讀卡器, 先可以前往去各樓層
JR九州酒店Blossom博多中央樓高14層, 我地入住的房間在9樓
飲品自動售賣機、冰機及洗衣機位於5樓及11樓
我地入住2晚的房間~
一打開門的左手邊就係入牆式的衣櫃
有提供衣物除臭噴霧, 食完燒肉都唔怕成身燒肉味~
今次book的係非吸煙雙床房 non-smoking twins room
面積有 25m², 以日本的酒店來說. 非常寬敞, 打開兩個大行李完全無問題, 而且仲有通道可以行
床的尺寸120cm×200cm, 高度及床褥軟硬適中, 十分舒適
電視係入櫃式, 慳返唔少位置
床與窗邊之間的悠閒小角落~
茶水部~每天會供應兩枝免費礦泉水
拉開櫃桶, 就見到有茶包、咖啡、糖等等~
茶水部下面就係雪櫃, 雪櫃裡面係無野既, 可以去便利店或超市入貨喇~👏👏👏
浴室唔係乾濕分離, 但亦算寬闊
免治馬桶係日本酒店必備的
值得一提既係: 大家認得呢個logo嘛?? 係今治毛巾的logo~!!
毛巾係愛媛縣今治市的名產, 係日本製造~!!
JR九州酒店Blossom博多中央係用今治的毛巾~係咪又加左分呢~~~
日本天氣乾燥, 所以大部分酒店都有加濕機在房內, JR九州酒店Blossom博多中央的客房均備有加濕空氣清淨機
我地先在JR九州酒店Blossom博多中央留宿兩晚, 然後寄存大件的行李在酒店, 到由布院住一晚溫泉旅館, 體驗一泊二食, 之後再返黎入住3晚, 第二次check in時, 職員已經幫忙把寄存行李放入房間😊
JR九州酒店Blossom博多中央的地理位置真係超優越~!!
離JR博多駅、地鐵站及巴士站只係一條馬路之隔~鄰近各大百貨公司、商場及地下街
職員友善有禮, 房間寬敞舒適整潔
而且JR九州酒店Blossom博多中央的早餐十分豐富呢~!!(稍後另出文章介紹)
下次到訪福岡, 不妨考慮下住宿JR九州酒店Blossom博多中央丫~!!
留言
張貼留言