2018秋。 北海道。 定山溪溫泉街。 定山源泉公園。浸足浴

上回講到: 好不容易搭到巴士由豐平峽停車場返到定山溪觀光案內所

從定山溪觀光案內所行過對面馬路就會見到呢個河童手浴池, 沿著旁邊的斜路行落去就係定山溪溫泉街

溫泉街裡面有好多溫泉旅館, 除左旅館之外, 仲有餐廳、手信店

由於今次旅程的時間比較緊拙, 我地無選擇在定山溪留宿, 有時間或者喜歡浸溫泉的朋友不妨在定山溪住一晚

若好似我地咁, 即日來回定山溪的遊客便可以去行行手信店, 並去定山溪的著名景點--二見吊橋

穿過二見公園就見到紅檔檔的二見吊橋, 沿路都有清晰的指示牌

定山溪溫泉街唔太大, 大約兩個鐘就可以行完

(旅遊日期: 17/10/2018 星期三)

安排唔到在定山溪住溫泉旅館浸溫泉唔緊要, 可以浸住個足浴頂住先~

免費足湯位於定山源泉公園內

行到累累地, 浸返個足湯, 腳的疲累立即消除, 浸完又可以繼續行喇~

定山源泉公園內除左可以浸足浴之外, 仲有一樣野可以被遊客體驗~

究竟係咩呢?? 從呢度行過少少~......

就係呢樣啦~!!!係咩東東黎??

浸溫泉蛋呀!!!! 遊客可到定山溪溫泉街的商店購買雞蛋, 再到定山源泉公園浸屬於自己的溫泉蛋~🥚🥚🥚

定山溪的吉祥物係河童, 所以到處都會見酊河童的雕像、圖案、產品......

就係呢間店舖喇~可以係呢度買雞蛋~

120yen/份, 溫馨提示提醒大家要注意烏鴉的出沒(日本真係好多烏鴉, 而且非常大隻)

有個平板不斷播著教學影片教導大家如何去浸屬於自己的溫泉蛋~

豐平川

只能從遠處眺望橫跨豐平川的二見吊橋, 為何??

皆因同行的長輩去完豐平峽已經累了~~我地只好踏上回札幌的路途~~~

定山溪下次再見~~~

都係果句~~請留意巴士班次~😊

值得一提的係~我地回程時碰巧係河童liner號的班次

河童liner號係可以預約的, 咁無預約可唔可以搭乘呢??

係可以既~職員會讓所有已預約的乘客先上車,若仲有位, 無預約的乘客就可以上車喇~

定山溪豐平峽一日遊(其實係半日😅)唔係太完滿地結束~~

下回預告: 函館兩日一夜之旅