中部北陸之旅。 序。 立山黒部アルペンきっぷ
2015年4月 小女子同狂人弟踏上中部北陸之旅✈
在7日之內 我地會踏足~愛知縣的名古屋、岐阜縣的高山、白川鄉、 橫跨富山縣長野縣的立山黑部、長野縣的松本
由於所涉及的地方比較多比較廣
所以唔可以採取以往小女子的旅遊方式--放射性遊走
即以一地點做基地再每天出發去唔同地方
e.g. 以大阪作基地 放射式遊走京都、奈良、神戶、和歌山 即日回程返大阪
有人會覺得放射式遊走會浪費金錢、時間在交通上
但小女子寧可省卻每天執行李搬酒店的煩惱
其實車程都唔太長 起碼快過小女子平日返工放工😂
其實車程都唔太長 起碼快過小女子平日返工放工😂
今次會以名古屋作起點 -->高山-->白川鄉-->富山-->立山-->松本 最後以名古屋作結
因此今次的旅程事前都花左唔少時間做準備功夫 例如: 住邊幾間酒店、用咩JR pass最合適等等
功課要做到好足
好!!期待&籌備已久的立山之旅出發!!
誰知一開始就遇著delay......
因著國泰的delay~令到第一日的旅程有啲驚險...😏
終於到左名古屋的中部國際空港
搭乘名鉄空港特急ミュースカイ (μ-sky) 1230yen 40分鐘左右到達名古屋
根據計劃~第一晚我地就要去高山
因為delay 引致我地要趕搭最後一班由名古屋直達高山的JR
到步後第一時間就要去買整個旅程都要用的 "立山黒部アルペンきっぷ"
到JR名古屋車站"JR全線きっぷうりば"(JR全線票券販賣處)購買
從名鐵站出來 會從"廣小路口"進入JR名古屋站 一進來就見到JR的售票窗口
點知呢個售票窗口已經CLOSED!!! 要趕車點知買唔到飛?!?!?唔係掛.......
感恩遇著熱心的站內職員用佢有限的英文話我地知可以去中央口的JR的售票窗口買
根據熱心職員的指引 拉著行李 好不容易在當地人放工的時間嚟到中央口
"立山黒部アルペンきっぷ"到手!! 仲麻煩售票員幫忙劃埋其中的指定席
我地今次使用的係~立山黒部アルペンきっぷ ひだコース（高山線・中央線経由）
基本上呢個套票已經包晒我地今次旅程的大部分交通
2015年套票售價為18610yen 可坐兩次指定席 有限期為8天
雖然好似好貴 但其實比起續次買飛抵左好多 而且唔洗再花時間去排隊買飛
感覺慳返唔少時間 絕對是遊覽立山黑部的好工具
感覺慳返唔少時間 絕對是遊覽立山黑部的好工具
我地的路線係:
名古屋-->高山 (指定席使用)
高山-->白川鄉
白川鄉-->高山
高山-->白川鄉
白川鄉-->高山
高山-->富山
富山--立山黑部-->信濃大町
信濃大町-->松本
松本-->名古屋 (指定席使用)
請注意: 套票唔包括去白川鄉的交通
兩程往返高山白川鄉要另外買車飛
兩程往返高山白川鄉要另外買車飛
2016年套票售價不變 但把兩程指定席減到一程
2017年版唔知會有咩更新~大家要密切留意!!
2016年版
買左晚餐🍞 🍱 乖乖地去月台搵上車的位置 排隊等上ひだ19号 啟程去高山
順利上到車~太好了!!😂
其實在香港等上機時已度定B計劃 諗定若追唔到尾班車要點轉車去高山
最壞打算就係名古屋求其搵間酒店訓一晚~
感恩~ B計劃用唔著👏😆
兩個半鐘後終於到了
已經係晚上10點幾喇 只有車站附近有燈光 周圍黑漆漆👀👀
快快手去車站對面Family Mart買定明天的早餐 就搵路去今晚住的酒店
我地住高山桜庵 Takayama Ouan Hotel 會連續住兩晚
酒店好易認 一出車站往右手邊望 最高果幢就係 行大約5分鐘就到 好方便
check in 後返房settle down執下野 感覺有啲餓 於是去左酒店的2樓食拉麵
酒店每晚的22:30-23:30 會在2樓餐廳為住客提供一個鐘免費拉麵🍜 不錯吃嫁
高山桜庵鄰近車站 室內環境優美 有大浴場 亦有貸切溫泉
若下次有機會再嚟高山 小女子都會第一時間選擇入住高山桜庵
下一篇介紹呢間高質大眾化溫泉酒店
(相片係第二朝影的)
留言
張貼留言