中部北陸之旅。名古屋。 必食。 備長炭炭燒鰻魚飯
嚟到名古屋其中一樣一定要食的當然係鰻魚飯啦 鰻魚飯係名古屋的名物 點可以錯過呢
好多人都會話食鰻魚飯必去去老店蓬萊軒 我地無特登去蓬萊軒
兩者我地揀左鰻魚飯
不過想食呢間擁有悠久歷史的鰻魚飯係要付出代價的 等待~!!
去到門口已經見到有幾批日本人等緊 相反味噌吉列豬唔洗等位😕
好在時間尚早 排左差唔多30分鐘隊就到我地喇
聽講平時食飯時間可能要等個幾兩個鐘....
先order左個玉子鰻魚卷
熱辣辣而甜甜的玉子配上炭燒的鰻魚 超好食👏👏👏👏
事不宜遲 到主角出場 備長炭炭燒鰻魚飯三食
三食的意思係:
1) 食原汁原味的鰻魚飯
2) 加wasabi同蔥花 攪伴後食用
3) 加wasabi同蔥花再加入海苔 再倒入湯 變成鰻魚泡飯
店員會講解食法 當然係講日文啦
聽唔明唔緊要 Menu有中英對照圖文並茂的指引
店員建議將鰻魚飯平均分為4份
食完晒三食後 最後可以encore自己最鍾意的食法
先嚟第一食~ 原汁原味 炭燒味好香 鰻魚味十足👍
二食~加入左紫菜、蔥花、wasabi、檸檬葉(好似係)
本來濃厚的炭燒味鰻魚飯 變得有啲清爽
三食~二食的配料再加埋高湯 變成好好味的鰻魚湯飯
小女子一向喜愛湯飯~ 所以最後的4份1鰻魚飯 encore左三食
但就無落wasabi同檸檬葉 因為兩者的味道太強烈 搶走左高湯的味道
鰻魚湯飯真係好好味呀!!!👏👏👏😋
鰻魚飯三食set仲有鰻魚清湯同埋一小碟配飯前菜
狂人弟無食三食set 佢叫左超大碗的特盛的鰻魚飯
落單的時候 店員提醒左兩次係extra size 可能驚狂人弟食剩浪費食物
結果~緊係一粒都無剩啦~ 店員你多慮喇!!
まるや在名鐵百貨Mens館地下一樓開左間外賣專門店
若大排長龍 唔想等 又或者趕時間而又好想試下炭燒鰻魚飯 都係一個唔錯的選擇
備長炭炭燒鰻魚飯真係超級超級好食 果然係名古屋必食!!!
雖然鰻魚飯三食套餐的價格唔平 好似要3XXX yen
但一場嚟到無理由唔試下 而且小女子覺得在香港係食唔到如此回味的鰻魚飯
依家睇住啲相都流緊口水~ 好想即刻飛去名古屋再食呀!!!
留言
張貼留言