2017夏。大阪岡山。Day 2(3) 宇治 。 商店街。 Starbucks
在拉麵小路食完午餐 出發去下一個景點--宇治
當天天氣十分好 藍天白雲襯托下的京都塔
一講到宇治 相信大家都會諗到抹茶
身為抹茶控的小女子 到訪左關西都好幾次 今次才第一次去宇治 為何??
因為小女子起初認為去宇治好似就係去食下抹茶甜品買下抹茶產品咁 其他地方都有得食有得買 無必要專登去一去~ 同埋關西實在太多地方值得去 所以直至到今次的旅程才踏足宇治
除左抹茶&抹茶~其實宇治都有吸引人之處~ 係一個好值得加入行程的地方
吹水完畢😬~出發!!!
從京都駅出發去宇治 要到10號月台--稻荷。宇治。奈良方面 搭乘奈良線的普通列車
大約半個鐘頭就到達宇治 十分便利
呢個係宇治的吉祥物?? 旁邊有屬於宇治駅的印章~儲開印仔的遊人要留意喇
宇治必影😝--茶壺型郵筒
宇治話大唔大~話細唔細~悠閒地可以行一整天
因我哋只安排左半日時間到訪 嚟個快閃宇治吧~!!
一走出宇治駅 過對面馬路就係宇治的商店街~
當天唔知有咩特別節目~ 商店街上擺滿晒小攤位 食的玩的都有 非常熱鬧
雖然小攤位係好吸引~但暫時都唔能夠奪去我哋的眼球 因我哋嚟宇治最重要的目的係--到中村藤吉本店朝聖!!
一出宇治駅過馬路就會見到中村藤吉本店嫁啦~!! 非常易去
"行得快真係好世界"~點解??
朝完聖~去行行熱鬧的商店街
熱鬧還熱鬧 但行商店街的遊客唔太多 多數係當地的媽媽帶同小朋友或小學生們三五成群一齊玩
有很多小食攤 整條商店街都瀰漫著食物的香氣~~~
除左中村藤吉之外~各家抹茶的名店都可以在宇治搵到 例如: 辻利
冰凍的原條青瓜~
呢檔係賣燒肉串的~離很遠都已經聞到好香~~~
有刨冰~可自行把想要的口味唧在冰上面~
對面的攤檔係賣原個北海道男爵薯仔 師傅在薯仔上介個十字~之後再把一大"pat"牛油放係面~~超邪惡!!!~
動漫、明星相~有"嵐"喎~~~
走出熱鬧的商店街~ 去下一個宇治的景點--平等院
進入平等院表參道 有伊藤久右衛門
仲有Starbucks~~
呢間Starbucks並唔係所謂的概念店 但裝潢都有別於一般店
可能要配合返當地的環境 製造和諧一致的感覺吧~
當時的推介~Strawberries & Cream Frappuccino
雖吸引~但太飽飲唔落~~
狂人弟每日必飲的精神食糧~~~
參觀完平等院~在門口發現東海自然步徑的指示牌~指往"白川"的需要2km~
若係賞楓季節 可慢慢悠閒地散步前往呢個賞楓名所
我哋都賞到楓嫁~~旁邊有一棵"紅葉"😝
又點少得買手信環節呢~~~
雖然有啲產品在京都其他地方都有售賣 例如圖中的布甸、蛋卷~ 但一場嚟到宇治緊係要買抹茶的製品既~
更何況呢隻布甸同埋蛋卷小女子之前食過係好食既😋
更何況呢隻布甸同埋蛋卷小女子之前食過係好食既😋
沿著平等院表參道行~去到宇治橋
宇治橋建於646年 而依家呢座橋係1996年重建的
日本一級河川--宇治川
從宇治橋的右手邊望過去可以見到橘橋及紅色的朝霧橋
在宇治橋畔有個紫式部像 紫式部係日本平安時代的女性文學家 主要作品有長篇小說"源氏物語" 但到訪當天紫式部像被圍板封住了......
宇治的環境優美 給人的感覺十分悠閒 行前亦唔需要做太多功課~因宇治的景點集中~亦唔需要行太多路
更重要的係唔似京都其他景點(例如: 嵐山) 咁多人 (到訪當天就比較人多...但以當地人為主)
放慢腳步~享受一下寧靜而迷漫著淡淡茶香的抹茶之鄉吧~😊
留言
張貼留言