2018秋。 北海道。 定山溪一日遊。 賞紅葉。從札幌到定山溪豐平峽水庫。期間限定巴士
long time no update......因為一個字--懶😆
要加把勁完成2018秋。 北海道之旅的遊記💪💪因已有下一個遊記等緊小女子😅
每年有不少的旅客去日本賞櫻賞紅葉, 北海道地區係每年紅葉最早變色的地方, 時間由9月上旬從大雪山開始至11月初
今次小女子剛好係10月中後段去北海道, 所以都係咁二安排左去定山溪黎個一日賞紅葉之旅,
位於北海道札幌市南區的定山溪稱為札幌的後花園, 係北海道的人氣溫泉地區, 而定山溪的豐平峽更係賞紅葉的勝地🍁🍁🍁🍁🍁🍁🍁🍁🍁🍁
由札幌去定山溪唔太複雜, 車程亦只係大約一個小時多少少的時間
若要前往豐平峽就要搭3程車喇~放心~!!小女子會一一同大家分享😊
若要前往豐平峽就要搭3程車喇~放心~!!小女子會一一同大家分享😊
一齊出發去定山溪豐平峽吧~!!!
除左自駕之外, 從札幌出發可搭乘巴士前往定山溪, 而巴士站就在JR札幌駅的旁邊
第一程車:
到達JR札幌南口旁的巴士總站後, 就要搵12號站牌的快速7、8 號或河童liner號
( 河童liner號需要預約)
巴士站旁有售票櫃位, 售票櫃位7:30才開門(我地到埗時售票櫃位還未開)
但乘客可在車站預先購買車票或在下車時付款
每30分鐘一班車
前往定山溪溫泉區車費為770yen/大人
有人可能會問去豐平峽唔係應該要搭車前往豐平峽溫泉嗎?? 並不是!!!千萬唔好誤會
豐平峽=/=豐平峽溫泉
去豐平峽係要在定山溪轉車的
我地搭乘8:00由札幌開出的快速8號前往定山溪~
溫馨提示: 搭8點車千萬唔好8點或早15分鐘先去到巴士站, 皆因紅葉季節好多旅客去定山溪!!! 所以小女子7:30未夠已經到左巴士站, 一來驚搵唔到果站係邊(其實好易好快搵到😁), 二來早到早排隊, 上車先有位坐, 如果無位坐就要全程企足個幾鐘(中途站無咩人落車, 因為大家多數都係去定山溪) 架車真係好多人, 企滿晒~
所以早啲起身早啲出門口去排隊喇😊~
大約1個小時15分鐘, 就由札幌去到"定山溪神社前"
無論你係要去豐平峽, 還是定山溪溫泉街都可以在呢個站落車~
第二程車:
我地要去豐平峽, 所以要去定山溪案內所買前往豐平峽的巴士車票
落巴士後逆巴士方向步行大約30 秒就會到達定山溪案內所
買前往豐平峽的車票真係好驚險
話說呢架巴士係期間限定, 而一天只有五個班次, 每年的運行時間都不同
除左班次少外, 每輛巴士只有45個坐位, 售完就只好買下一班, 所以一落巴士我地就急急腳行去排隊買飛
排到我地的時候, 小女子見到45個位只剩下4個位, 但我地一行6人......
本來小女子已經打定輸數要等一個鐘頭搭下一班車, 但售票的大叔臨時開多10個位, 使我地可以順利搭到9:30呢班車👏👏👏👏👏多謝你呀大叔🙇🙏
2018年秋季由定山溪案內所前往豐平峽停車場的班次為: 9:30、10:30、11:30、12:40、13:50
聽講班次的時間每年都可能會唔同, 詳情請留意豐平峽官方網址: http://www.houheikyou.jp/index.html
就係呢架巴士喇~!!!
定山溪案內所前往豐平峽停車場只係15分鐘的車程, 但呢15分鐘車程的車票真係差啲搞到我一頭煙~~~~
其實巴士就真係得45個位, 其他的係企位~
到達豐平峽停車場仲要坐多程環保電氣巴士先可以到達豐平峽水庫
在定山溪案內所就可以買埋電氣巴士的來回車票~
豐平峽停車場巴士+電氣巴士來回車票為1000yen/人~
期間限定由定山溪案內所前往豐平峽停車場的巴士今年(2018年) 在9月29日至10月21日期間行駛~
注意注意!!!! 從豐平峽停車場返回定山溪案內所的巴士一樣係每日只有5個班次~!!!
所以記住預留回程的時間!!!
到達豐平峽停車場~天氣開始又涼左一點, 感覺到多左份寒意
可能因為已經去到比較再郊外一點的地方~
第三程車:
從豐平峽停車場入去豐平峽水庫的路段只可電氣巴士或有特許的車輛行駛
自駕遊人士必須把車停泊在豐平峽停車場, 基本上所有遊人都要搭乘電氣巴士先可以到達豐平峽水庫
因為當局為了減低車輛帶來的污染, 盡量保護當地的自然環境
在停車場旁的小木屋可購買電氣巴士車票 620yen/人(來回)
我地唔需要買, 因為之前在定山溪案內所所購買的車票已包含電氣巴士的來回車票
中途經過的小瀑布, 司機會稍為停留讓乘客可以在車上欣賞及拍照
轉眼間就黎到豐平峽水庫, 由豐平峽停車場到豐平峽水庫只需5分鐘的車程
雖然只係5分鐘的車程, 但強烈建議大家要搭電氣巴士
曾有網上的文章話可以由豐平峽停車場步行到豐平峽水庫,事實係可以行的, 但就要經過隧道, 隧道內的照明唔太光而且頗凍, 而給行人的行人路亦比較窄, 小女子估計步行需要大約20-30分鐘左右, 大家都係乖乖排隊搭電氣巴士吧~😊
山頭的樹木仍唔係太紅, 應該係因為天氣未夠凍吧~
豐平峽水庫有個觀景台
可在電氣巴士站旁行一小段爬坡路上去, 大約行5分鐘或者可以搭免費小纜車上去
待續......
(旅遊日期: 17/10/2018 星期三)
留言
張貼留言