2019 夏。令和元年の旅。関西北陸。從大阪到金沢。特急雷鳥號 (特急サンダーバード號)。金沢駅-鼓門
終於黎到有小京都之稱的金沢啦~!!!
今次的"回鄉"之旅, 中間加插左3日兩夜的北陸小旅行~
北陸地區, 一般指日本本州中部地區臨日本海沿岸的地方，包括福井縣、石川縣、富山縣及新潟縣
著名的景點立山黑部部分在北陸的地區 (橫跨左富山縣及長野縣)
數年前, 已經到訪過立山黑部, 今次就唔去了~
今次的3日兩夜北陸小旅行主要停留在石川縣的金沢市內, 及會去宇奈月溫泉區的黑部峽谷
2015年立山黑部有關文章:
我地由大阪前往去金沢, 在JR大阪駅的11號月台乘搭特急雷鳥號 (特急サンダーバード號) (Limited Express Thunder Bird)
我地會搭在8:40由大阪駅開出的特急雷鳥9號, 特急雷鳥號有自由席, 亦有指定席
由於我地今次使用JR Kansai-Hokuriku Area Pass, 只能坐自由席, 若要坐指定席就要另加指定席費用
自由席的3個車箱位於列車的5號、6號及7號車箱
若唔買指定席, 會否無位坐?? 我地8:25到達月台等待8:40的列車, 已經有乘客排緊隊
放心, 基本上都應該會有位坐, 但若你地係三五成群, 想一齊坐, 就好似我地一樣早啲到月台的自由席乘車口排排隊吧~
特急雷鳥號 (特急サンダーバード號)
大約兩個半鐘頭, 就由関西地區的大阪黎到北陸地區的金沢
JR金沢駅曾被評選為"全世界最美麗的車站"之一, 車站的入口係比較現代的設計, 幾何形狀的玻璃屋頂, 叫做"款待圓頂"
設計師的設計理念係因為金沢常常下雨和下雪, 所以"每當有人下車之時，玻璃屋頂就像撐著一把傘，幫旅客們擋雪和雨"
除左能擋雪遮雨之外, 日頭時可讓陽光照射入黎, 由天然光照明
金沢旁邊係Forus百貨 (前身係AEON百貨), Forus百貨係住在金沢駅附近遊人的必到之處~
裡面除左有各式各樣的店舖, 仲有好多不同的餐廳
稍後再為大家介紹~~
2019 夏。令和元年の旅。金沢。金沢駅Forus百貨。 超好逛購物地點
2019 夏。令和元年の旅。金沢。金沢駅Forus百貨。 超好逛購物地點
黎到金沢, 當然唔可以唔講金沢的地標--金沢駅的鼓門
金沢車站本身就係一處景點, 若無到過車站同鼓門拍照打卡, 就等於無來黎過金沢
於2005年完工的鼓門, 13.7公尺高, 以兩根大柱所支撐, 理念來自傳統藝術"能樂・加賀寶生"當中的鼓為靈感
"能樂"係從古至今深受金沢人愛戴的藝術
"加賀寶生"係能樂的一個流派, 被金沢市指定為無形文化資產
"鼓"係能樂的代表性樂器, 所以把鼓設計成一座門, 以此迎接歸鄉的人們和歡迎來自各地的旅客
大柱由多根細柱以螺旋迴轉而上, 連結著略帶弧度的屋頂
兩根柱子並非只有支撐的功能, 柱子中間有設計排水管, 每當下雨或下雪的時候, 可以排掉積在屋頂上的水和雪
好厲害的設計~!!
鼓門對出仲有一個噴水池, 歡迎旅客黎到金沢
晚上的時候, 記住要再黎鼓門一趙啊~!!!
夜幕低垂, 晚上亮左燈的鼓門又有另一番美~
鼓門和款待圓頂, 傳達左金沢自古以來特色, 表達左金沢新舊共生的理念, 亦表達左金沢市對旅客的歡迎
一齊黎遊覽金沢吧~!!
留言
張貼留言