2019 秋。北九州。福岡人氣拉麵。博多純情らーめん Shin Shin。KITTE博多店・O1O1マルイ
拉麵可以話係去到日本必食的美食, 小女子成日都覺得日本的拉麵就好似香港的魚旦河咁普遍, 係平民的美食
但在香港比較正宗的拉麵閒閒地都過百元.......小女子都係食返魚旦河算了~~拉麵都係等再有機會回鄉先再食啦~~唔知幾時先可以回鄉呢?? 希望疫情盡快受控並結束🙏🙏
今次想介紹博多拉麵名店Shin Shin "博多純情らーめん Shin Shin", 究竟碗拉麵有幾純情呢~~哈!
Shin Shin拉麵係博多有名的拉麵店, 老闆從屋台起家一路到開實體店面
ShinShin拉麵本店在天神區, 我地今次幫趁係位於JR博多駅旁的KITTE博多・O1O1マルイ博多B1層的分店
當晚, 在武雄的御船山樂園睇完燈展, 返到博多已經差唔多晚上10點, 抵達Shin Shin拉麵店家時, 店舖係滿座的, 在門外依照排隊隊伍排隊入內用餐, 我地都等左大約20分鐘左右先被安排入座
同一般的拉麵店唔同, 呢度唔需要先買餐券, 係入座後由職員落單點餐的
客人以日本人居多, 唔太多遊客
因為餐廳係滿座的狀態, 唔太方便影底店內的環境, 位子有方桌跟吧檯的座位，蠻像那種居酒屋的小餐館
睇睇餐牌~~
店舖的招牌--博多shinshin拉麵, 有不同的配料搭配, 亦可點拉麵+炒飯及拉麵+餃子套餐
除左招牌拉麵之外, ShinShin拉麵的食品種類十分豐富, 強棒麵、味噌強棒麵、辣強棒麵、炒拉麵、炒強棒麵、明太子炒拉麵......
仲有屋台料理, 而且價位還蠻便宜😊
食拉麵就一定要配埋煎餃子!!餃子皮煎得趣趣的, 每次在日本食餃子都讓我覺得好滿足~~
好想快啲再去食呀~~!!
博多shin-shin拉麵裡面有簡單兩塊叉燒+糖心蛋+蔥花+木耳絲
拉麵的湯底係豬骨混雞骨, 湯頭飲起黎唔太油膩唔太咸, 加左雞骨去調整豬骨湯的油膩及咸味, 湯底的味道比例恰到好處, 而且仲有甘甜味, 小女子幾喜歡呢款湯底😊
麵條係使用博多拉麵的細麵條, 叉燒肥瘦適中, 軟林林的, 帶有一點點的甜味
強棒麵ちゃんぽん, 長崎的特式美食
本來安排左去長崎的果一天在長崎食, 因某種原因錯過左, 就在博多食返啦~!!
湯底都係用雞骨及豬骨去熬製, 麵條上面會有很多的炒過的蔬菜及海鮮
ShinShin拉麵起始在博多另一個熱鬧的地區--天神, 本店自然就在天神區
而JR博多站附近有兩間ShinShin拉麵的分店, 一間在車站上面, 一間就係我地幫趁的KITTE博多0101百貨在B1層的分店
KITTE博多0101百貨內的分店營業到凌晨12點, 行完景點, 掃完貨或係想食個宵夜都可以, 非常方便
雖然百貨只開到九點, 但百貨關門後亦有升降機直達B1層的美食街
B1的美食街都有不少的餐廳可選擇, 星期五晚上更是特別旺場, 超多福岡的上班族三五成群黎呢度食飯聊天, 非常熱鬧!!
博多純情らーめん Shin Shin (KITTE博多店・O1O1マルイ)
營業時間: 11:00 - 24:00 (最後點餐: 23:30)
留言
張貼留言