2019 秋。北九州。武雄。御船山樂園。teamLab
繼續回憶差不多三年前的旅程~
終於黎到2019年北九州的最終章🎉
御船山樂園係九州出名的賞楓聖地, 但到訪的時候只係10月, 而九州賞楓的季節大約係11月中
無得賞楓又為何要去御船山樂園呢??
因為.....超美~~!!!!
人氣藝術單位teamLab經常在日本各地舉辦展覽，2019年夏季繼續在九州佐賀縣武雄溫泉御船山樂園舉行展覽, 名為「神樣居住之森 -earth music&ecology-」（かみさまがすまう森）
2019年的展出規模係最大規模、最多作品, 除了夜間展覽外亦有白天的展覽
由於旅程的時間限制, 今次我地只參觀了夜間的展覽
(本想下次到訪東京時, 去台場的teamLab朝勝, 但台場的teamLab將會在2022年8月關閉....可惜..
但近期teamLab好似正在另覓地方重開, 密切留意
我地由博多出發, 搭乘JR特急みどり由博多前往"武雄溫泉駅"(たけおおんせんえき Takeo-onsen eki)
大約一個小時多就會到達武雄溫泉駅
到左武雄溫泉駅後, 就前往"御船山口(南口)"搭JR九州巴士嬉野本線(嬉野溫泉行)
或者可以搭乘的士前往, 大約5分鐘的車程
落巴士後, 就由呢條斜路行上去
就到御船山樂園的其中一個入口
但事與願違, 我地到達時, 呢個入口未到時間開門......
預期等待, 職員建議我地行去另一個入口~
大約行左5-10分鐘的上斜
到達御船山樂園的第一入口
入場票價有好幾款: 大人, 初中及高中生, 小學生, 而小學生以下係免費的
亦有分"通常票"(日間及晚間) 及 "日間門票"
teamLab光影裝置與日式傳統庭園的大自然景觀結合, 形成夢幻神秘森林
成個園區形成一個神秘的感覺, 真係超美💜 ! 去相📷
特別推介景點12~
超級真實的"瀑布", 其實只係光影的投影效果
呢個位就有啲陰森......
營造蠟燭小路的效果, 通往令人期待的打卡景點💛
打卡地點在御船山樂園酒店內
登登登登~!!!超美~!!!!
好似置身在迪迪尼卡通"魔髮奇緣"其中一個場景💓
燈光會隨著時間及不同的季節而變色
場地不同的地方有長椅, 讓遊客慢慢欣賞及打卡, 亦可以休息一下
呢度其實係御船山樂園酒店的大堂, 就算唔係住客都歡迎入內打卡
離開必到的打卡景點後, 行到去御船山樂園的另一邊
呢邊園區不大, 主要係有一個燈光、音樂、人及環境相互配合的表演
錦鯉係投影黎既~
湖中的小船及漁夫係真既~
表演歷時10-15分鐘, 大約每隔10分鐘就到下一場表演
御船山樂園交通比較不便, 當地人大多係揸車黎玩
回程的巴士站唔近樂園, 人生路不熟加上黑漆漆難搵路, 所以決定搭的士去車站
之前在網上搵資料時, 有blogger話只需要大約1000yen, 就請園區的工作人員幫忙call的士
由御船山樂園去武雄溫泉駅, 的士車費只係650yen, 第一次在日本搭的士, GET!!!
御船山樂園
交通方法: JR"博多"乘坐特急みどり於"武雄溫泉"下車, 轉乘的士約5分鐘車程
開放時間: 11:30 - 22:30（最後入場時間 22:00）
==============================================================================================================
以美麗的御船山樂園作為2019年旅記的總結, 迎接久違了3年的回鄉之旅~~✌
stay tune~!!🎉
留言
張貼留言