黑炭 Charcoal's 旅遊札記~

來自名古屋的HARBS, 係我地每次去大阪都想再次到訪的餐廳, 已經唔太記得食過幾多次了~ HARBS最出名的招牌水果千層蛋糕, 實在係百吃不膩, 除左水果千層蛋糕, 最吸引的係仲有季節限定的各款精美蛋糕~~~~ 2019 夏。令和元年の旅。大阪人氣美食大集合。難波心齋橋道頓堀必吃餐廳甜品小食 我地每次食都係在難波Park的分店, 反而無在名古屋食過, 下次到訪名古屋時, 一定要將名古屋的HARBS本店放入行程~!!!  另外, 如果大家剛剛在上午11點到下午3點的午餐時間到訪, 十分推薦大家點HARBS的Lunch Service 午餐套餐 Lunch Set包括有意大利粉, 沙律及飲品, 而且仲加上半份蛋糕, 只需要1600yen, 真係超值~!! 商場難波Parks 就在南海電鐵難波駅的旁邊 HARBS難波店就在難波Parks 的3樓 另外, 心齋橋大丸百貨北館3樓都有分店 我地到達時, 店舖剛開門不久, 所以未有其他客人 但坐左唔夠十分鐘, 就已經坐滿左一半~ HARBS的 Lunch Set 1600 yen/set 一份意大利粉、沙律、是日蛋糕半份、飲品(可選擇紅茶、咖啡或果汁) 是日蛋糕通常有3款供給選擇, 雖然蛋糕只有半份, 但有時係可以選擇招牌水果千層蛋糕的, 視乎當天的配搭 注意:  HARBS 的蛋糕櫥櫃係唔可以影相的, 所以影唔到櫥櫃裡的蛋糕特寫，咁就唯有影下個蛋糕餐牌吧~ 沙律的份量中等, 新鱗的蔬菜搭配微酸口味的醬汁，十分清爽開胃 午餐套餐可以任意選擇一份意大利粉, 通常有4種口味可以選擇, 另外加一種季節限定的口味 小女子同狂人弟一人叫左一款唔同口味的 西蘭花白汁雞肉意大利粉 菠菜煙肉意大利粉 意大利粉十分大碟, 真材實料份量大, CP值頗高, 十分抵食!! 食完主菜, 就黎到最期待的蛋糕喇~!!(其實蛋糕先王係小女子的主菜^O^) 是日午餐可以選擇的蛋糕有三款，我地就當然一人點一款唔同口味的 雖然套餐係寫跟半份蛋糕, 但其實每次都覺得比半份再小一點~~~~Anyway~~~~ 期間限定的 Cherry Cheese Souffle 櫻...

一講到去大阪血拼購物, 相信大家應該最先會諗到的係難波、心齋橋、梅田~ 但其實就在距離心齋橋不太遠的地方，就是大阪潮牌及古著的集中地, 被稱為大阪的原宿-- 南堀江(Orange Street) 人氣潮牌Supreme、BAPE、HARE.....都可以在南堀江搵到, 除此之外, 仲有不少中古店可以尋寶尋寶 以立花通為中心的南堀江Orange Street, 並無心齋橋、難波咁擠迫及嘈雜, 而且呢一帶仲有不少高質素的咖啡店, 行到累可以坐下休息下嘆個下午茶~ 由熱鬧的難波、心齋橋行去南堀江, 大概係10-15分鐘的路程 注意: 南堀江的店舖大部分都係11am才開門, 而定休日多數係星期三 我地首先去到的店舖係潮牌狂人弟的愛牌 Supreme 營業時間: 11:00-20:00 HARE BIOTOP , 售賣無添加化妝品、服飾、家飾用品, 店舖有兩層, 地下有咖啡店~ Pour Mademoiselle , 古典飾物店 店舖的裝修都係行古典路線, 除左販售各種二手精品(Chanel就係主要銷售品牌), 店內亦有cafe  營業時間: 12:00-19:00 UNDEFEATED Raconter , 一間崇尚自然風格的雜貨店 營業時間: 11:00-20:00, 不定休 Pesa , 麵包店 營業時間: 10:00-20:00, 定休日: 星期三 Pesa的麵包樣子十分精美, 而且睇落每個都好好味咁, 真係想每款都買一個試試~ 幫趁的人絡繹不絕, 多數係當地的年輕日本太太 店舖近門口的位置係麵包售賣的地方, 而後少少的位置就係咖啡店 雖然已到中午, 但人流唔太多, 行逛得十分舒服 Orange Street有不少 cafe 林立, 小女子之前已經做好左功課, mark底左一間cafe要去試試 Micasadeco & Cafe 創立於大阪的 Micasadeco & Cafe, 最有人氣的係Ricotta Cheese梳乎里Pancake 小女子就係被呢個pancake 吸引住~~~~~ 我地到訪時係平日, 未到下午一點, 已經有人在...

喂喂喂~!!! 之前咪話過啲野越來越貴, 又越來越多人, 所以唔想再去既~~~但始終又係要去喎~~~哈! 身體永遠是誠實的~黎到大阪, 唔去大阪廚房黑門市場, 好似始終都差左少少, 個旅程好似有點缺失咁~~~~ 以上純粹個人的感覺與見解 當然其實仲有好多市場可以去, 為何係都要黎黑門市場呢?? 以第一、兩次到訪大阪的遊客而言, 黑門市場係值得去既, 原因有二:  原因一: 黑門市場位置十分方便, 位於遊客的集中區域--難波心齋橋附近, 在黑門市場食完個豐富的早午餐, 就可以去難波心齋橋shopping~!! 原因二: 黑門市場係做遊客生意的, 市場內大部分都係食店, 刺身、壽司、海鮮丼、天婦羅、煎和牛、拉麵......, 仲有超級市場及土產手信店, 一個市場就已經可以滿足你 咁若已經到訪過大阪數次呢?? 其實可去可唔去, 近近地就去買下食下野咁囉~😆 從前的當地人市場, 已變成熱門的遊客景點, 雖然食物的價錢一次去比一次高, 但放眼望過去全部都係盡吸眼球的美食, 多多少少都會抵擋唔住引誘~~~~ 林林總總的壽司、海鮮丼 各款的即燒海鮮~ 市場當然緊係有媽媽們最愛的新鮮日本本地的水果 一場黎到都要食少少野既~😙 我地今次無去香港人的熱門食店黑門三平, 轉左去 千成屋 ~ 千成屋的食品種類比黑門三平的多元化: 和牛、長腳蟹、燒物、鍋物等等, 若同行有唔多食生野的朋友, 建議去千成屋, 生野熟野可以一齊食, 當然你可以食完呢間再食下一間既~ 每次必去的 萬野總本店 萬野總本店係食咩既呢?? 係食現燒和牛的 只有在櫥窗最上層的和牛可以即燒即食 時間係10:00-17:00 承惠2838yen, 咁就食左差唔多二百蚊港紙~~ (若兌換率係100yen=HK$7) 即場由店員為你烹調 食得lu~~~超juicy~~ 再次提提大家: 要在店舖範圍或門口附近用餐完畢先好繼續逛呀~!!!  香港人最愛的 黑門三平 ~ 之前每次黎到黑門市場, 我地都必會幫趁, 但奈何人越來越多, 食品的價格又越來越貴~ 今次無再入去~而且市場內...